ରିପୋର୍ଟ : ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ //
ଥେରୁବାଲି,(୧୩/୧୧) : ଇମ୍ଫା କାରଖାନାର ୬୦ତମ ପ୍ରତିଷ୍ଠା ଦିବସ ଅବସରରେ ଏହାର ସାମାଜିକ ଦାୟିତ୍ୱବୋଧ କାର୍ଯ୍ୟକ୍ରମ ନିର୍ବାହୀ ସଂସ୍ଥା” ବଂଶୀଧର ଇଲାପଣ୍ଡା ଫାଉଣ୍ଡେସନ “ଓ ଇମ୍ଫା ର ମଳିତ ସହଯୋଗରେ ଗୋପବନ୍ଧୁ ନଗରସ୍ଥିତ ଇମ୍ଫା ଏମ୍ପ୍ଲୟୀସ କ୍ଲବ ପରିସରରେ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଆୟୋଜନ କରା ଯାଇଥିଲା ।
ଇମ୍ଫା କାରଖାନାର ୬୦ତମ ପ୍ରତିଷ୍ଠା ଦିବସ ଅବସରରେ ଆୟୋଜିତ ଏହି ଶିବିରକୁ ରାୟଗଡ ଜିଲ୍ଲା ମୁଖ୍ୟ ଚିକିତ୍ସାଳୟର ରକ୍ତ ଭଣ୍ଡାର ର ଅଧିକାରୀ ଓ କର୍ମଚାରୀମାନେ ପରିଚାଳନା କରିଥିଲେ । ଏହି ଶିବିରକୁ ଥେରୁବାଲି ଗ୍ରାମ ପଂଚାୟତ ର ସରପଞ୍ଚ ଶ୍ରୀମତୀ କମଳା ହିକକା ମୁଖ୍ୟ ଅତିଥିଭାବେ ଯୋଗଦେଇ ଶିବିରକୁ ପ୍ରଦୀପ ପ୍ରଜ୍ବଳନ କରି ଉଦଘାଟନ କରିଥିଲେ । ଇମ୍ଫାର କାର୍ଯ୍ୟନିର୍ବାହୀ ଉପସଭାପତି ଶ୍ରୀମାନ କେ.ଭି. ରାଓ ଏହି କାର୍ଯ୍ୟକ୍ରମରେ ଯୋଗଦେଇ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ ।
ଅନ୍ୟମାନଙ୍କ ମଧ୍ୟରେ ଇମ୍ଫାର ଉପମୁଖ୍ୟ ପ୍ରବନ୍ଧକ ଶ୍ରୀମାନ କଲୋଲ କୁମାର ନାୟକ , ବରିଷ୍ଠ ପ୍ରବନ୍ଧକ କର୍ମିକ , ଇମ୍ଫା ଡାକ୍ତରଖାନା ର କର୍ମଚାରୀମାନେ ଉପସ୍ତୁତ ରକ୍ତଦାତା ଓ ଆୟୋଜକ ମାନଙ୍କୁ ଉତ୍ସାହିତ କରିଥିଲେ । ଏହି କାର୍ଯ୍ୟକ୍ରମ କୁ ଇମ୍ଫା ର ଲୋକ ସମ୍ପର୍କ ବିଭାଗ ର ବରିଷ୍ଠ ପ୍ରବନ୍ଧକ ଶ୍ରୀମାନ ଶକ୍ତି ପ୍ରସାଦ ପାଣିଗ୍ରାହୀ ନେତୃତ୍ୱରେ ବିଭାଗୀୟ କର୍ମକର୍ତ୍ତାମାନେ ଶିବିର ପରିଚାଳନା କରିଥିଲେ ।
ଏହି ଶିବିରରେ ସ୍ଥାନୀୟ ଅଞ୍ଚଳର ମାନ୍ୟଗଣ୍ୟବ୍ୟକ୍ତି ଶ୍ରୀମାନ ଜଗଦୀଶ ମହାପାତ୍ର , ଶ୍ରୀମାନ ଅଶୋକ ହିକକା ଓ ପଲ୍ଲୀ ବିକାଶ ସ୍ବେଛାସେବୀ ସଂସ୍ଥା ର ନିର୍ଦେଶକ ଶ୍ରୀମାନ ରାଧାଶ୍ୟାମ ପଣ୍ଡା ଉପସ୍ଥିତି ରହି କାର୍ଯ୍ୟକ୍ରମକୁ ଉତ୍ସାହିତ କରିଥିଲେ । ଶ୍ରୀମାନ ନିରଞ୍ଜନ ସାହୁ , ସିଲେଇ ଶିକ୍ଷା କେନ୍ଦ୍ରର ପ୍ରଶିକ୍ଷକ ଶ୍ରୀମାନ କଣ୍ଡୁରୁ ଅପନା ଓ ଶିକ୍ଷାର୍ଥୀ ସୁଶ୍ରୀ ରତ୍ନାଲୁ , ମାଳତୀ , କବିତା ,ଇମ୍ଫା ନିରାପତ୍ତା ବିଭାଗର ଅଧିକାରୀ ଓ କର୍ମଚାରୀ ମାନେ ସ୍ୱେଚ୍ଛାସେବୀ ଭାବେ ସହଯୋଗ କରିଥିଲେ ।
ସ୍ଥାନୀୟ ଯୁବକଗଣ ଓ ଇମ୍ଫାର କର୍ମଚାରୀ ମାନେ ମିଳିତଭାବେ ୫୬ ୟୁନିଟ ରକ୍ତଦାନ କରିଥିଲେ ।