ରିପୋର୍ଟ : ସନ୍ତୋଷ ନାୟକ //
ବଲାଙ୍ଗୀର,ତା(୨୫/୧୧) : ବଲାଙ୍ଗୀର ଜିଲ୍ଲାରେ ସାପ ବିଷ ବିକ୍ରୀ ରେକେଟ ବେଶ ଜୋରଦାର ଚାଲିଥିବା ବେଳେ ପ୍ରଶାସନ କାର୍ଯ୍ୟାନୁଷ୍ଠାନ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ବଲାଙ୍ଗୀର ଜିଲ୍ଲାରୁ ଏହି ସାପ ବିଷ ଦୀର୍ଘଦିନ ଧରି ଚାଲି ଆସିଥିବା ଓ ଏହି ଜିଲ୍ଲାରୁ ରାଜ୍ୟ ବାହାରକୁ ଚାଲାଣ ହେବା ବାରମ୍ବାର ଅଭିଯୋଗ ହୋଇଅସୁଛି ।
କିଛି ନିର୍ଦ୍ଦିଷ୍ଟ ସାପ ଧରାଳି ବ୍ୟକ୍ତି ଓ ଯୁବକ ଏହି ସାପ ଧରିବା ପାଇଁ ବେଶ ମୋଟା ଅଙ୍କ ଆୟ କରୁଥିବା ଜଣାଯାଇଛି । ଏପରି କି ଓଡିଶା ର ବିଭିନ୍ନ ଦୂର ଦୁରାନ୍ତ ରୁ କିଛି ଯୁବକ ବଲାଙ୍ଗୀର ଆସି ରହି ଏହି ସାପ ବିଷ ବିକ୍ରୀ କାମ କରୁଥିବା ଜଣାଯାଇଛି । ଇତି ମଧ୍ୟରେ ନିଜେ ଗ୍ରାହକ ସାଜି ୨ ଜଣଙ୍କୁ ଗିରଫ କରାଯାଇଛି । ସୂଚନା କ୍ରମେ, ଦେବଗଡ଼ ଜିଲ୍ଲାର ରିଆମାଳ ଥାନା ତାରଙ୍ଗ ଗାଁରେ ଗୁପ୍ତ ଭାବେ ସୂଚନା ପାଇ ୧କିଲୋଗ୍ରାମ ଓଜନ ର ସାପ ବିଷ ଜବତ କରିଛି ପୋଲିସ । ଏଥିସହ ସମ୍ବଲପୁର ଜିଲ୍ଲାର ୨ ଜଣ ଅଭିଯୁକ୍ତ ଙ୍କୁ ଗିରଫ କରାଯାଇଛି ।
ଉକ୍ତ ଦୁଇ ଗିରଫ ଅଭିଯୁକ୍ତ ହେଲେ ସମ୍ବଲପୁର ସାଖିପଡାର ରଞ୍ଜନ କୁମାର ପାଢୀ ଏବଂ ସିନ୍ଦୁରପଙ୍କ ଗାଁର କୈଳାସ ଚନ୍ଦ୍ର ସାହୁ ବୋଲି ନିଜ ପରିଚୟ ଦେଇଥିବା ସୁଚନା ମିଳିଛି । ଜବତ ବିଷର ଆନୁମାନିକ ବଜାର ମୂଲ୍ୟ ଦେଢ କୋଟି ଟଙ୍କା ହେବ । ଦେବଗଡ ଜିଲ୍ଲାର ସ୍ୱତନ୍ତ୍ର ପୋଲିସ ଟିମ୍ ଏହି ଚଢାଉ କରିଥିବା ସୂଚନା ମିଳିଛି । ତେବେ କୁଆଡ଼େ ଚାଲାଣ ହୋଇଥାନ୍ତା ଏହି ସାପ ବିଷ ସେନେଇ ତନାଘନା ଚାଲିଛି । ଏହା ମଧ୍ୟ ପ୍ରଶ୍ନ ଉଠୁଛି ଯେ, ଏତେ ପରିମାଣ ସାପ ଗରଳ କେଉଁ କାମରେ ଲାଗିବ । କିଏ କହୁଛି ନିଶା ତ’ ଆଉ କିଏ କହୁଛି ଔଷଧ । ତେବେ ଏନେଇ କୌଣସି ସଠିକ୍ ତଥ୍ୟ ମିଳି ପାରି ନାହିଁ । ପୂର୍ବରୁ ମଧ୍ୟ ଏଭଳି ଖବର ସାମ୍ନାକୁ ଆସିଛି ।
ଗତ ମାର୍ଚ୍ଚ ମାସରେ ଏକ ବଡ଼ଧରଣର ସାପ ବିଷ ରାକେଟ୍ ଠାବ କରିଥିଲା ବନ ବିଭାଗ । ସାପ ବିଷ କାରବାର ଅଭିଯୋଗରେ ୩ ଅଭିଯୁକ୍ତଙ୍କୁ ଗିରଫ ମଧ୍ୟ କରିଥିଲା ବନବିଭାଗର ଟିମ । ସୂଚନା ଅନୁଯାୟୀ ଭୁବନେଶ୍ୱର ପାତ୍ରପଡ଼ା ରେଞ୍ଜ ଅଞ୍ଚଳରୁ ଅଭିଯୁକ୍ତଙ୍କୁ ଧରିଥିଲା ବନବିଭାଗ । ଗିରଫ ୩ ଜଣଙ୍କ ଘର ବଲାଙ୍ଗୀରର ହୋଇଥିବା ବେଳେ ବଲାଙ୍ଗୀର ରୁ ଆସି ସାପ ବିଷ ବିକ୍ରି ନେଇ ଭୁବନେଶ୍ୱରରେ ଡିଲ୍ କରୁଥିଲେ । ପ୍ରାୟ ୧୦ ଲକ୍ଷ ଟଙ୍କାର ଏହି ଡିଲ୍ ଚାଳିଥିବା ସମୟରେ ସମସ୍ତ ଉକ୍ତ ତିନି ଅଭିଯୁକ୍ତଙ୍କୁ ଗିରଫ କରାଯାଇଛି । ତାଙ୍କ ନିକଟରୁ ସ୍ପଷ୍ଟ ଭାବେ ଜଣା ଯାଉଛି ଯେ,ବଲାଙ୍ଗୀର ସହରର ଦୁଇ ଗୋଟି ଲଜ୍ ରେ ଦୀର୍ଘ ଚାରିମାସ ଧରି ଚାରିଜଣ ଦିଲ୍ଲୀରୁ ଆସି ରହିଛନ୍ତି ।
ସେମାନେ କେବେ କେତେ ଏବଂ କେଉଁ ସ୍ଥାନରେ କେତେ ଟଙ୍କାରେ ବିକ୍ରି କିଭଳି କରାଯିବ ସେ ନେଇ ନିର୍ଦ୍ଦେଶ ଦେଇ ଏହି ରେକେଟ ଚଳାଇଥିବା ଜଣାଇଛନ୍ତି । ବଲାଙ୍ଗୀର ଜିଲ୍ଲାକୁ କେନ୍ଦ୍ରସ୍ଥଳ କରିଥିବା ଜିଲ୍ଲା ବନ ବିଭାଗର ଅଧିକାରୀ ସୂଚନା ପାଇଥିବା ବେଳେ ସେମାନେ ତଦନ୍ତ ଆରମ୍ଭ କରି ଥିବା ସୂଚନା ମିଳିଛି ।