ରିପୋର୍ଟ : ଗୋପୀନାଥ ଗୌଡ଼ //
ରାୟଗଡା, (୨୯/୧୨) : ୨୯ତମ ରାଜ୍ୟ ସ୍ତରୀୟ ବଲ ବ୍ୟାଡମିଣ୍ଟନ ର ସିନିୟର୍ ଚାମ୍ପିଅନସିପ ରେ ରାୟଗଡ଼ା ଜିଲ୍ଲା ତୃତୀୟ ସ୍ଥାନ ଅଧିକାର କରିଛି ।
୨୯ତମ ରାଜ୍ୟ ସ୍ତରୀୟ ସିନିୟର୍ ବଲ ବ୍ୟାଡ ମିଣ୍ଟନ ଚାମ୍ପିଅନସିପ ଶୁଭାରମ୍ଭ ଯାଜପୁର ଜିଲ୍ଲାର ଛତିଆ ସ୍ଥିତ ମହାପୁରୁଷ ହାଡ଼ିଦାସ ମହାବିଦ୍ୟାଳୟ କ୍ୟାମ୍ପସ ଖେଳ ପଡ଼ିଆରେ ହୋଇଥିଲା । ଏହା ତିନିଦିନ ଧରି ଚାଲିଥିଲା ।
ଏହି ତ୍ରିଦିବସୀୟ ଖେଳ ପ୍ରତିଯୋଗିତାର ଉଦଜାପନ ଦିବସରେ ନିମନ୍ତ୍ରିତ ଅତିଥି ଭାବେ ଓ.ସି.ଏଲ ଭାରତ ଡାଲମିଆଁ ସିମେଣ୍ଟ ର ବରିଷ୍ଠ ଅଧିକାରୀ ଯୋଗ ଦେଇ ଫ୍ଲାଗ ଉତ୍ତୋଳନ କରି ଥିବାବେଳେ କୃତି ପ୍ରତିଯୋଗୀ ମାନଙ୍କୁ ଟ୍ରଫି ପ୍ରଦାନ କରିଥିଲେ । ଏହି ପ୍ରତିଯୋଗିତାରେ ରାଜ୍ୟ ର ମୋଟ ୨୨ ଗୋଟି ଜିଲ୍ଲାରୁ ୪୦୦ ରୁ ଉର୍ଦ୍ଧ୍ବ ଉଭୟ ମହିଳା ଓ ପୁରୁଷ ଖେଳାଳି ବିଭିନ୍ନ ଜିଲ୍ଲାରୁ ଭାଗ ନେଇ ଥିବା ବେଳେ ପୁରୁଷ ଭିଭାଗ ରୁ ୨୨ ଗୋଟି ଓ ମହିଳାରୁ ୧୮ ଗୋଟି ଦଳ ଭାଗ ନେଇ ଥିଲେ । ଏହି ପ୍ରତିଯୋଗିତା ତିନିଦିନ ଧରି ଖେଳା ଯାଇ ଥିବା ବେଳେ ପୁରୁଷ ଭିଭାଗ ରୁ ଭୁବନେଶ୍ୱର ଖୋର୍ଦ୍ଧା ମଧ୍ୟରେ ଫାଇନାଲ୍ ପହଞ୍ଚି ଥିବା ବେଳେ ଭୁବନେଶ୍ୱର ୩୫-୨୯, ୩୫୨୪ ସେଟ ରେ ବିଜୟୀ ହୋଇ ଥିଲେ ।
ସେହିପରି ରାୟଗଡ଼ା ଜିଲ୍ଲା ତୃତୀୟ ସ୍ଥାନ ଅଧିକାର କରିଥିଲେ।ରାୟଗଡ଼ା 35-17 ସେଟ୍ ରେ ବିଜୟୀ ହେଇଥିଲା । ମହିଳା ଭିଭାଗରେ କଟକକୁ ହରାଇ ଜଝାରସୁଗୁଡା ୩୫-୩୨, ୩୫-୩୦ ସେଟରେ ବିଜୟ ହାସଲ କରିଛି । ମହିଳା ବିଭାଗରେ ଶ୍ରେଷ୍ଠ ଖେଳାଳି ଭାବେ ସ୍ବତୀସ୍ନିଗ୍ଧା ସାହୁ ଓ ପୁରୁଷ ବିଭାଗରେ ସଗୋର କୁମାର ଦଳେଇ ଙ୍କୁ ପୁରସ୍କୃତ କରାଯାଇଛି ।
ତେବେ ଏହି ସିନିଅର ବଲ ବ୍ୟାଡ ମିଣ୍ଟନ ଖେଳର ଫାଇନାଲ ଚମ୍ପିୟାନସିପ ୬୬ ତମ ଜାତୀୟ ପ୍ରତିଯୋଗିତା କର୍ଣ୍ଣାଟକର ମାଙ୍ଗାଲୋର ଠାରେ ଆସନ୍ତା ୨୦୨୨ ଫେବୃୟାରୀ ମାସରେ ଖେଳାଯିବାକୁ ସୂଚନା ଦେଇଛନ୍ତି ରାଜ୍ୟ ବ୍ୟାଡମିଣ୍ଟନ ଏସୋସିଏସଶନ ର ରାଜ୍ୟ ସମ୍ପାଦକ ସୁକାନ୍ତ ଦାସ ।
ତେବେ ଯାଜପୁର ଜିଲ୍ଲା ବଲବ୍ୟାଡ ମିଣ୍ଟନ ସଂଘ ର ସଭାପତି ଧନେଶ୍ୱର ବେହେରା, ଜିଲ୍ଲା ହ୍ୟାଣ୍ଡ ବଲ ଏସସିଏସନ ର ସମ୍ପାଦକ ରମେଶ ଚନ୍ଦ୍ର ପୃଷ୍ଟି, ସମ୍ପାଦକ ସିରିଆ ମହାନ୍ତି ପ୍ରମୁଖ ଏବଂ ବହୁ ଅଧିକାରୀ ଏହି ରାଜ୍ୟସ୍ତରୀୟ ପ୍ରତିଯୋଗିତା କୁ ପରିଚାଳନା କରିଥିଲେ । ରାୟଗଡ଼ା ଖେଳାଳୀ ବି. ନାଗେଶ୍ଵର ରାଓ, ବି. ତ୍ରିନାଥ ରାଓ, ପଵନ୍ କୁମାର୍ ମାଝୀ, ଜି. ଚନ୍ଦ୍ରଶେଖର, ରାକେଶ କୁମାର ବାରିକ, ସାଗର ଦଳାଇ, ପି. ସତ୍ୟନାରାୟଣ, ଶ୍ରାବଣ କୁମାର୍, ଖେଳାଳୀ ଖେଳ ପ୍ରଦର୍ଶନ କରିଥିଲେ। ।