-5.7 C
Innichen
Friday, December 2, 2022

ସରକାରୀ ବିଭାଗ ର ଦାଦାଗିରି : ବ୍ୟକ୍ତିଗତ ଜମି ଉପରେ ବଳପୂର୍ବକ ଗୃହ ନିର୍ମାଣ

ରିପୋର୍ଟ : ସୁଶାନ୍ତ ବେହେରା //
ବୌଦ୍ଧ, (୧୧/୦୧) : ସରକାରୀ ବିଭାଗ ର ଦାଦାଗିରି ! କୌଣସି ବ୍ୟକ୍ତି ବିଶେଷ କିମ୍ବା ଜମି ମାଫିଆ ନୁହନ୍ତି ଖୋଦ ସରକାର ଜଣେ ପ୍ରଜାଙ୍କ ଜମିରେ ବେଆଇନ ଭାବେ ବଳପୂର୍ବକ ଗୃହ ନିର୍ମାଣ କରିବା ଏକ ବିଭିନ୍ନ ମହଲରେ ଚର୍ଚ୍ଚା ର ବିଷୟ ହୋଇଛି । ଏହି ବିଚିତ୍ର ଘଟଣା ଟି ଘଟିଛି ବୌଦ୍ଧ ଜିଲ୍ଲା କଣ୍ଟାମାଲ ତହସିଲ ଅନ୍ତର୍ଗତ ମନମୁଣ୍ଡାରେ ବୀରେନ୍ଦ୍ର କୁମାର ମେହେରଙ୍କ ଜମି ଉପରେ ନିର୍ମାଣ କରାଯାଇଛି ।

ହାଇସ୍କୁଲ ର ଶ୍ରେଣୀଗୃହ ଜମି ମାଲିକଙ୍କ ଆପତ୍ତି ସତ୍ତ୍ଵେ ଏକ ମହଲା ବିଶିଷ୍ଟ ଶ୍ରେଣୀଗୃହ ନିର୍ମାଣ ପରେ ତା’ ଉପରେ ନିର୍ମାଣ କରାଯାଉଛି ଦୁଇ ମହଲା ପ୍ରଶାସନ ନିକଟରେ ଏହି ବେଆଇନ କାର୍ଯ୍ୟରେ ପ୍ରତିବାଦ କରିବା ସତ୍ତ୍ଵେ ସେଥିପ୍ରତି କର୍ଣ୍ଣପାତ କରା ନ ଯିବାରୁ ଜମି ମାଲିକ ଶ୍ରୀ ମେହେର ଅବଶେଷର ହାଇକୋର୍ଟଙ୍କ ଦ୍ୱାରସ୍ତ ହୋଇଛନ୍ତି ଓ ମାମଲା ଏବେ କୋର୍ଟରେ ବିଚରାଧୀନ ରହିଛି । ସରକାରୀ ବିଭାଗ ର ଏଭଳି ଦାଦାଗିରି ବୁଦ୍ଧିଜିବି ମହଲରେ ବିସ୍ମୟ ସୃଷ୍ଟି କରିଛି ।

ଅନୁସନ୍ଧାନରୁ ଜଣାପଡିଛି ଜେ ୧୯୬୫ ମସିହାରେ ମନମୁଣ୍ଡାରେ ଏକ ଉଚ୍ଚ ବିଦ୍ୟାଳୟ ସ୍ଥାପିତ ହୋଇଥିଲା । ଅଧିକ ଶ୍ରେଣୀ ଗୃହର ଆବଶ୍ୟକତା ପଡିବାରୁ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ଗୃହ ନିର୍ମାଣ ପାଈଁ ଟେଣ୍ଡର କରାଗଲା ଓ ଶ୍ରୀ ମେହେର ଙ୍କ ବାସୁଦେବପାଲି ସ୍ଥିତ ମୌଜା ବ୍ୟକ୍ତିଗତ ଜମି (ପ୍ଲଟ ନଂ ୨୭୫ଖାତା ନଂ ୭୩/୨୦୬) ଉପରେ ତାଙ୍କର ଆପତ୍ତି ସତ୍ତ୍ଵେ ଶ୍ରେଣୀ ଗୃହ ନିର୍ମାଣ କରାଯାଇଥିଲା । ଏହି ଜମିରେ ବୌଧ ପଟ୍ଟା ଶ୍ରୀ ମେହେରଙ୍କ ନାମରେ ନାମିତ ରହିଛି । ‘ରୟତି’ ସ୍ୱତ୍ତ୍ୱରେ ଥିବା ଏହି ଜମିରେ ତାଙ୍କର ବିନାନୁମତି ରେ ଗୃହ ନିର୍ମାଣ ସମ୍ପର୍କରେ ସମସ୍ତ ପ୍ରମାଣ ସହ ଆପତ୍ତି କରିବାରୁ ସେତେବେଳେ ଏହି ଜମି ବଦଳରେ ଜମି ଦିଆଯିବ ବୋଲି ପ୍ରଶାସନ ପ୍ରତିଶୃତି ଦେଇଥିଲେ ।

ମାତ୍ର ପ୍ରତିଶୃତି ରକ୍ଷା କରାଯିବା ପରିବର୍ତ୍ତେ ୨୦୨୧ ରେ 5-T ରୂପାନ୍ତିକରଣ କାର୍ଯ୍ୟକ୍ରମରେ ଉକ୍ତ ଏକ ମହଲା ବିଶିଷ୍ଟ ଶ୍ରେଣୀ ଗୃହ ଉପରେ ଦୁଇ ମହଲା ଗୃହ ନିର୍ମାଣ କରାଗଲା । ଫଳରେ ବାଧ୍ୟ ହୋଇ ନ୍ୟାୟ ପାଈଁ ଶ୍ରୀ ମେହେର ହାଇକୋର୍ଟ ଙ୍କ ଦ୍ୱାରସ୍ଥ ହୋଇଛନ୍ତି । ଏ ସଂକ୍ଳାନ୍ତ ରେ ଉଚ୍ଚ ନ୍ୟାୟାଳୟରେ W.P.( C ) ନଂ ୮୧୫୨/୨୦୨୧ ନମ୍ବର ମାମଲା ଦାୟର କରାଯାଇଛି ଓ ମାମଲାଟି ବିଚାରଧୀନ ରହିଛି । ଏହି ମାମଲାରେ ଦକ୍ଷିଣାଞ୍ଚଳ ରାଜସ୍ବ କମିଶନର, ମାଧ୍ୟମିକ ଓ ଗଣଶିକ୍ଷା ବିଭାଗ, ବୌଦ୍ଧ ସର୍କଲର ମଣ୍ଡଳ ଶିକ୍ଷାଧିକାରୀଙ୍କୁ ପ୍ରତିବାଦୀ ପକ୍ଷ କରାଯାଇଛି ।

ପ୍ରତିବାଦୀ ପକ୍ଷ ସମ୍ପୃକ୍ତ ଜମି ଅଧିଗ୍ରହଣ ପ୍ରକ୍ରିୟା ଅନୁସରଣ କରିନାହାନ୍ତି କିମ୍ବା ଜମି ପାଈଁ କୌଣସି କ୍ଷତି ପୂରଣ ପ୍ରଦାନ କରି ନ ଥିବା ଶ୍ରୀ ମେହେରଙ୍କ ଆବେଦନରେ ଅଭିଯୋଗ କରାଯିବା ସହ ତାଙ୍କୁ ଉପଯୁକ୍ତ ନ୍ୟାୟ ପ୍ରଦାନ କରାଯିବାକୁ ପ୍ରାଥନା କରାଯାଉଛି । ପ୍ରତିବାଦୀ ପକ୍ଷଙ୍କ ଉପରେ ହାଇକୋର୍ଟ ନୋଟିସ ଜାରୀ କରିଛନ୍ତି ।

Related Articles

Stay Connected

0FansLike
3,589FollowersFollow
20,300SubscribersSubscribe
- Advertisement -spot_img

Latest Articles