ରିପୋର୍ଟ : ସୁଶାନ୍ତ ବେହେରା
ବୌଦ୍ଧ, (୦୬/୦୩) : ବୌଦ୍ଧ ଜିଲ୍ଲା ର ଦୁଇଟି ସ୍ଥାନରେ ଘଟିଛି ଅଘଟଣ l ନିମ୍ନମାନର କାମ ଯୋଗୁଁ ପୁରୁମୁଣ୍ଡା ଠାରେ ନିର୍ମାଣାଧୀନ ରେଲୱେ ଓଭର ବ୍ରିଜ ଭୁଶୁଡ଼ି ପଡିଥିବା ବେଳେ ୫୭ ନଂ ଜାତୀୟ ରାଜପଥ ବୌଦ୍ଧ ବ୍ଲକ ବାଉଁସୁଣୀ – ଜମଟାଙ୍ଗି ନିକଟରେ ଜାତୀୟ ରାଜପଥ ଉପରେ ନିର୍ମାଣାଧୀନ ବାଘ ନଦୀ ପୋଲ ର ଏକ ଵିମ ଭାଙ୍ଗି ଖସି ପଡିଥିବା ଦେଖିବାକୁ ମିଳିଛି l
ଏଥିରେ ମୃତାହତ କିମ୍ବା ଆହତ ଙ୍କ ସମ୍ପର୍କରେ ତଥ୍ୟ ମିଳିପାରି ନାହିଁ । ବିଭାଗୀୟ ଯନ୍ତ୍ରୀ ଓ ଠିକାଦାର ଙ୍କ ମଧୁଚନ୍ଦ୍ରିକାରେ ନିମ୍ନମାନର କାମ ହେଉଥିବା ଅଭିଯୋଗ ହୋଇଛି l ଏହି ନିର୍ମାଣ କାର୍ଯ୍ୟ ଘରୋଇ ଠିକା ସଂସ୍ଥା ARSS କମ୍ପାନୀ ପକ୍ଷରୁ ବାଘ ନଦୀରେ ନୂତନ ପୋଲ ର ନିର୍ମାଣ କାମ କରାଯାଉଅଛି l ନିମ୍ନମାନର କାମ ଯୋଗୁଁ ବାରମ୍ବାର ଏପରି ଦୁର୍ଘଟଣା ଘଟୁଥିବା ଅଭିଯୋଗ ହୋଇଛି । ସରକାର ଙ୍କ କୋଟି କୋଟି ଅର୍ଥ ଖର୍ଚ୍ଚ କରାଯାଉଛି କିନ୍ତୁ ଏଭଳି ନିମ୍ନ ମାନର କାର୍ଯ୍ୟ କୁ ତଦାରଖ କରିବା ପାଇଁ ଯନ୍ତ୍ରୀ କି ପ୍ରଶାସନ କାହିଁକି ତୀକ୍ଷ୍ଣ ଦୃଷ୍ଟି ଦେଉ ନାହାଁନ୍ତି ।
ଏଥିପାଇଁ ସିଧା ସଳଖ ପ୍ରଶାସନ ଦାୟୀ ବୋଲି ଜନସାଧାରଣ ଙ୍କ ଆଙ୍ଗୁଠି ପ୍ରଶାସନ ଆଡକୁ ଉଠୁଛି । ଏହି ଦୁର୍ଘଟଣାରେ ଆହତଙ୍କ ସମ୍ପର୍କରେ କୌଣସି ସୂଚନା ମିଳିପାରି ନାହିଁ l