ରିପୋର୍ଟ : ସୁଶାନ୍ତ ବେହେରା //
ବୌଦ୍ଧ,ହରଭଙ୍ଗା,( ) : ମଣିଷ ବଦଳରେ କାମ କରୁଛି ମେସିନ | ଲକ ଡାଉନ ସମୟରେ ଶ୍ରମିକମାନଙ୍କୁ କାମ ଯୋଗାଇ ଦେବାପାଇଁ ସରକାର ମହାତ୍ମା ଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନାରେ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି I ଗ୍ରାମାଞ୍ଚଳରେ ବସବାସ କରୁଥିବା ଗରୀବ ଲୋକମାନେ ଏହି କାମ କରି ଦି ପଇସା ରୋଜଗାର ଆଶା କରିଥିବା ବେଳେ ବୌଦ୍ଧ ଜିଲ୍ଲା ରେ ମଣିଷ ବଦଳରେ ମେସିନରେ କାମ କରାଯାଉଥିବା ଅଭିଯୋଗ ହୋଇଛି I
ମହାତ୍ମା ଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନାରେ ବନ୍ଧ କାମରେ କୌଣସି ସୂଚନା ଫଳକ ନ ଦେଇ ମେସିନ ସାହାଜ୍ୟରେ ମାଟି କାମ କରାଯାଉଥିବା ବେଳେ ଲୋକ ଲୋଚନକୁ ଆସିଲେ ପଂଚାୟତ ପାଣ୍ଠିରୁ ଦର୍ଶାଯାଉଥିବା ବେଳେ ଅଭିଯୋଗ ନ ହେଲେ ଏମଜିଏନଆରଇଜିଏସରେ ବିଲ କରାଯାଉଥିବା ଅଭିଯୋଗ ହୋଇଛି |
ଇଏ ହେଉଛି ବୌଦ୍ଧର ହରଭଙ୍ଗା ବ୍ଲକର ଦୁର୍ଗମ ତଳଗାଁ ପଞ୍ଚାୟତର ତଳ ଗାଁ ସାନଖଜୁରୀ ବଡଖଜୁରୀ ଆଦି ଗ୍ରାମର ଦୃଶ୍ୟ | ବିନା ସୂଚନା ଫଳକରେ ଏଠାରେ ଜେସିବି ମେସିନ ସାହାଜ୍ୟରେ ଚାଲିଛି ପୋଖରୀ ଖୋଳା କାମ | ଟ୍ରାକ୍ଟର ଓ ଜେସିବି ମେସିନ ସାହାଜ୍ୟରେ ଦିନ ଦିପହରରେ ଚାଲିଛି ଏହି ମାଟି କାମ | ଏହି ପଞ୍ଚାୟତ ର ୪୨ ଟି ଗାଁ ରେ ଶହ ଶହ ଶ୍ରମିକ ଥିବା ବେଳେ ଲକଡାଉନରେ କାମ ଧନ୍ଦା ନ ପାଇ ଦୟନୀୟ ଅବସ୍ଥାରେ ଚଳୁଥିବା ବେଳେ କାମଟି ମହାତ୍ମା ଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନାରେ ହେଉଥିବା ଭାବି କାମ ପାଇଁ ଏମାନେ ଠିକାଦାରଙ୍କ ପାଖକୁ ଯାଇ ନିରାଶ ହୋଇ ଫେରୁଛନ୍ତି |
ନିରୀହ ଆଦିବାସୀଙ୍କୁ ଅଭିଯୋଗ କରିବା ମଧ୍ୟ ଜଣା ନାହିଁ । ଯାହାର ଭର ପୁର ଫାଇଦା ଉଠାଉଛନ୍ତି ସରକାରୀ ବାବୁ ଓ ଠିକାଦାର । ନିଜ ଗାଁ ପାଖରେ ଲକ୍ଷ ଲକ୍ଷ ଟଙ୍କାର ଶ୍ରମ ଭିତ୍ତିକ କାମ ହେଉଥିବା ଥିବା ଭେଳେ କାମ ପାଇଁ ଶ୍ରମିକ ସ୍ଥାନୀୟ ସରପଂଚଙ୍କ ଠୁ ଆରମ୍ଭ କରି ବିଡିଓଙ୍କ ପର୍ଯ୍ୟନ୍ତ ହାରୀ ଗୁହାରି କରି କୌଣସି କାମ ପାଉ ନ ଥିବା ଅଭିଯୋଗ କରିଛନ୍ତି |
ଗୋଟିଏ ଗାଁରେ ମେସିନରେ କାମ ଚାଲୁଛି ତାହା ନୂହେଁ | ଏମିତି ଏହି ପଂଚାୟତର ପ୍ରାୟ ତିରିଶ ଚାଲିଶ ଲକ୍ଷ ଟଙ୍କାର ପୋଖରୀ ଉନ୍ନତ୍ତିକରଣ ଓ ମାଟି ରାସ୍ତା କାମ ହେଉଥିବା ବେଳେ ସବୁ କାମ ମେସିନ ସାହାଜ୍ୟରେ କରାଯାଉଥିବା ଅଭିଯୋଗ ହୋଇଛି | ଏପରିକି ହରଭଙ୍ଗାବ୍ଲକର ଅନେକ ପଂଚାୟତରେ ଏବେ କୋଟି କୋଟି ଟଙ୍କାର କାମ ମେସିନରେ ଚାଲୁଥିବା ଅଭିଯୋଗ ହୋଇଛି | ଠିକାଦର , ସରପଂଚ ଓ ସରକାରୀ ବାବୁମାନଙ୍କ ମଧୁଚନ୍ଦ୍ରିକାରେ ସରକାରଙ୍କ ଶ୍ରମ ଭିତ୍ତିକ ଯୋଜନାରେ ହେଉଥିବା କୋଟି କୋଟି ଟଙ୍କାର କାମ ଶ୍ରମିକ ବଦଳରେ ମେସିନ ସାହାଜ୍ୟରେ କରାଯାଇ ମାଲେମାଲ ହେଉଥିବା ଦେଖାଯାଇଛି |
ସରକାରଙ୍କ ଦୀର୍ଘ ମିଆଦି ଯୋଜନାର ସୁଫଳ ପାଇବାରୁ ବଂଚିତ ହେଉଛନ୍ତି ଶ୍ରମିକ । କେବଳ ଖାସ ସରକାରୀ ବାବୁ ମାନଙ୍କ ଲାଭଖୋର ମନବୃତ୍ତି ପାଇଁ | ଏହି ବ୍ଲକରେ କୋଟି କୋଟି ଟଙ୍କାର ଶ୍ରମ ଭିତ୍ତିକ ଯୋଜନା କରାଯାଉଥିବା ବେଳେ , ଏହାର ତଦନ୍ତ କରାଗଲେ ଅନେକ ଦୁର୍ନିତି ଲୋକ ଲୋଚନକୁ ଆସି ପାରନ୍ତା ଓ ଶ୍ରମିକମାନେ ଏହାର ସୁଫଳ ପାଇପାରନ୍ତେ ନିଶ୍ଚୟ | ଏ ବାବଦରେ ହରଭଙ୍ଗା ବିଡ଼ିଓ ନୀଳକଣ୍ଠ ବେହେରାଙ୍କୁ ପଚାରିବାରୁ ସେ କହିଲେ ଏ ବାବଦରେ ଅଭିଯୋଗ ପାଇନାହିଁ । ହେଲେ ତଦନ୍ତ କରାଯାଇ ଆବଶ୍ୟକ ପଦକ୍ଷେପ ନିଆଯିବ ବୋଲି ସେ କହିଲେ |