ରିପୋର୍ଟ : ଗୋପୀନାଥ ଗୌଡ଼ //
ରାୟଗଡା, (୧୮/୦୪) : ଆମ ଜଗନ୍ନାଥ ସଂସ୍କୃତି ର ପ୍ରତ୍ୟେକ ପର୍ବପର୍ବାଣୀ ତଥା ନୀତି ନିର୍ଦ୍ଧେଶ ସହିତ ନିଜକୁ ବ୍ରତୀ କରିଥିବା ରାୟଗଡା ସହର ବାସିନ୍ଦା ମଧ୍ୟ ଆଜି ମହାବିଷୁବ ସଂକ୍ରାନ୍ତି ତଥା ପଣା ସଂକ୍ରାନ୍ତି ଅଥବା ଓଡ଼ିଆ ନବ ବର୍ଷକୁ ଅତ୍ୟନ୍ତ ଆଡମ୍ବର ସହକାରେ ସ୍ୱାଗତ ଜଣାଇଛନ୍ତି l
ରାୟଗଡା ସହର ବାସିନ୍ଦା ଙ୍କ ଦ୍ୱାରା ଇଷ୍ଟଦେବୀ ଙ୍କ ଆଜ୍ଞାମାଳରୁ ଆରମ୍ଭ ହୋଇଥିଲା ସମସ୍ତ କାର୍ଯ୍ୟକ୍ରମ l ରାୟଗଡା ଅଶୋକ କଲ୍ୟାଣ ମଣ୍ଡପ ଠାରେ ବନ୍ଧୁମିଳନ କାର୍ଯ୍ୟକ୍ରମ ରଖାଯାଇଥିବାରୁ ମଝିଘରିଆଣି ମନ୍ଦିର ଟ୍ରଷ୍ଟି ତଥା ବନ୍ଧୁମିଳନ କାର୍ଯ୍ୟକ୍ରମ ର ଆବାହକ ରାଇସିଂ ବିଡ଼ିକା ମାଁ ଙ୍କ ଆଜ୍ଞାମାଳ ଆଣି କାର୍ଯ୍ୟକ୍ରମ ର ଶୁଭାରମ୍ଭ କରିଥିଲେ l ବ୍ରାହ୍ମଣଙ୍କ ଦ୍ୱାରା ମନ୍ତ୍ରପାଠ ସହ ଦୀପ ପ୍ରଜ୍ବଳନ ହୋଇଥିଲା l ଏହାପରେ ପରେ ବ୍ରାହ୍ମଣଙ୍କ ଦ୍ୱାରା ନୂତନ ଓଡ଼ିଆ ପଞ୍ଜିକା ପାଠ ହୋଇଥିଲା l ନିଜର ଭାବପୂର୍ଣ୍ଣ ଶବ୍ଦାବଳୀ ଓ ବିନମ୍ର ସ୍ୱରରେ କାର୍ଯ୍ୟକ୍ରମଟିକୁ ଉପସ୍ଥାପନା କରିଥିଲେ ରାୟଗଡାର ସୁନାମଧନ୍ୟା ଉପସ୍ଥାପିକା ବିଦୀଶା ଶତପଥୀ l ଉପସ୍ଥିତ ଅତିଥି ଓ ମୁଖ୍ୟ ଅତିଥିଙ୍କୁ ସେ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ l
ବିଷୁବ ସଂକ୍ରାନ୍ତି ର ପ୍ରଥମ ଦିନ ଓଡ଼ିଶା ର ଘରେ ଘରେ ପରିଚିତା ସୁନାମଧନ୍ୟା କଣ୍ଠଶିଳ୍ପୀ ସୁଶ୍ରୀ ଇରା ମହାନ୍ତି, ପ୍ରକାଶ ଦୁବେ ଓ ସ୍ଵୟଂଭୂ ପାଢୀ ଭଜନ ଜଣାଣ ଉପସ୍ଥାପନା କରିଥିଲେ ଓ କାର୍ଯ୍ୟକ୍ରମ ର ଦ୍ଵିତୀୟ ଦିନ ଚଳଚିତ୍ର ଭିତ୍ତିକ ଆଧୁନିକ ସଙ୍ଗୀତ ପର୍ଯ୍ୟାବେଶଣ କରିଥିଲେ l ରାୟଗଡା ବାସିନ୍ଦା ଅତ୍ୟନ୍ତ କଳାପ୍ରିୟ ମିଷ୍ଟଭାଷୀ ଓ ସେ ରାୟଗଡା ସହିତ ନିବିଡ଼ ଭାବେ ଜଡିତ ବୋଲି ସୁଶ୍ରୀ ମହାନ୍ତି କାର୍ଯ୍ୟକ୍ରମ ଶେଷରେ ରାୟଗଡା ବାସିନ୍ଦା ଙ୍କୁ କୃତଜ୍ଞତା ଜଣାଇ ବିଦାୟ ନେଇଥିଲେ l ୨୦୦୯ ଆରମ୍ଭ ହୋଇଥିବା ଏହିକାର୍ଯ୍ୟ କ୍ରମ ଗତ ଦୁଇବର୍ଷ ହେଲା କୋଭିଡ କଟକଣା ଯୋଗୁଁ ବନ୍ଦ ରଖାଯାଇଥିଲା l
ଏହି କାର୍ଯ୍ୟକ୍ରମରେ ରାଜ୍ୟସଭା ସାଂସଦ ଏନ ଭାସ୍କର ରାଓ ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ଜିଲ୍ଲା ଆରକ୍ଷୀ ଅଧିକ୍ଷକ ବିବେକାନନ୍ଦ ଶର୍ମା, ଉପଜିଲ୍ଲାପାଳ ପ୍ରତାପ ଚନ୍ଦ୍ର ପ୍ରଧାନ, ଜିଲ୍ଲା ପରିଷଦ ଅଧ୍ୟକ୍ଷା ଓ ଉପାଧ୍ୟାକ୍ଷା, ପୌର ପରିଷଦ ର ଅଧ୍ୟକ୍ଷ ଓ ଉପାଧ୍ୟାକ୍ଷ ପ୍ରମୁଖ ଅତିଥି ଭାବେ ଯୋଗଦେଇଥିଲେ l