ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ନୂଆଦିଲ୍ଲୀ, (୨୩/୪) : ଲୋକପ୍ରିୟ କଲର୍ ଆଇଣ୍ଡେଣ୍ଟିଫିକେଶନ ଆପ୍ ଟ୍ରୁକଲର୍ (Truecaller) ନିକଟରେ ଏକ ବଡ ଘୋଷଣା କରିଛି । ଘୋଷଣା ଅନୁଯାୟୀ, ଏହି ଆପ୍ର ଏକ ଗୁରୁତ୍ୱପୂର୍ଣ୍ଣ ଫିଚର୍ ବନ୍ଦ ହେବାକୁ ଯାଉଛି ।
ଟ୍ରୁକଲର୍ କହିଛି ଯେ, ଆଗାମୀ ମାସରେ ୟୁଜର୍ସ ଆପ୍ରୁ ଭଏସ୍ କଲ୍କୁ ରେକର୍ଡିଂ କରିପାରିବେ ନାହିଁ । ଟ୍ରୁକଲର୍ ର ଘୋଷଣା ଅନୁଯାୟୀ ମେ’ରୁ ଏହାର ୟୁଜର୍ସ ଆପ୍ ଜରିଆରେ ଭଏସ୍ କଲ୍ ରେକର୍ଡିଂ କରିପାରିବେ ନାହିଁ । ଏପର୍ଯ୍ୟନ୍ତ କଲ୍ ରେକର୍ଡିଂ ଫିଚର ସମସ୍ତଙ୍କ ପାଇଁ ମାଗଣା ଥିଲା । ମାତ୍ର ଏବେ ଏହି ଫିଚରକୁ ଆପ୍ରୁ ସମ୍ପୂର୍ଣ୍ଣ ଭାବେ ହଟାଇ ଦିଆଯିବ ।
ଗୁଗଲ ର ନୂଆ ପ୍ଲେଷ୍ଟୋର ପଲିସି ଅନୁଯାୟୀ ଟ୍ରୁକଲର୍ ଏଭଳି ପଦକ୍ଷେପ ନେଇଛି । ଏହି ପଲିସି ଅନୁସାରେ ରିମୋଟ୍ କଲ୍ ଅଡିଓ ରେକର୍ଡିଂ ପାଇଁ ଆକ୍ସେସିବିଲିଟି API କୁ ଅନୁରୋଧ କରାଯାଇପାରିବ ନାହିଁ । ଅର୍ଥାତ୍ ଆପ୍କୁ କଲ୍ ରେକର୍ଡିଂ ପାଇଁ ଅନୁମତି ମିଳିବ ନାହିଁ ।
ଟ୍ରୁକଲର୍ ଏବଂ ଅନ୍ୟାନ୍ୟ ଆପ୍ରୁ ଏହି ଫିଚର ହଟାଇବା ପରେ କଲ୍ ରେକର୍ଡ କରିବା ସମ୍ଭବପର ହେବ । ଯଦି ଆପଣ ଏମିତି ସ୍ମାର୍ଟଫୋନ୍ ବ୍ୟବହାର କରୁଛନ୍ତି ଯାହାର କଲ୍ ରେକର୍ଡ କରିବା ପାଇଁ ପୂର୍ବରୁ ଫିଚର ଅଛି ତେବେ ଆପଣ ଏହି ନୂଆ ପଲିସି ଲାଗୁହେବା ପରେ ଏହି ଫିଚର ବ୍ୟବହାର କରିପାରିବେ । ଏହା କେବଳ ଥାର୍ଡ ପାର୍ଟି ଆପ୍ ପାଇଁ ପ୍ରଜୁଯ୍ୟ ।