ରିପୋର୍ଟ : ଧ୍ରୁବରାଜ ମିଶ୍ର
ସୋନପୁର, (୩୦/୪) : ବିଭିନ୍ନ ପର୍ଯ୍ୟାୟରେ ସୁବର୍ଣ୍ଣପୁର ଜିଲ୍ଲା ର ଡୁଙ୍ଗୁରିପାଲି ବ୍ଲକରେ ଯୁବନେତା ବଳଦେବ ପ୍ରସାଦ ବେଦବାକ ଙ୍କ ନେତୃତ୍ୱରେ ବାହାରିଥିବା ପରିବର୍ତ୍ତନ ଯାତ୍ରା ଆଜି ଜିଲ୍ଲା ର ଡୁଙ୍ଗୁରିପାଲି ବ୍ଲକର କର୍ଲାଯୁରୀ ଗ୍ରାମ ପଞ୍ଚାୟତ ଅନ୍ତର୍ଗତ ମହୁଲ ପାଲି ଗ୍ରାମ ରୁ ଆରମ୍ଭ ହୋଇଥିଲା ।
ପ୍ରଥମେ ମହୁଲ ପାଲି ଗ୍ରାମରେ ମହାପ୍ରଭୁ ହନୁମାନ ଙ୍କ ବିଗ୍ରହ ପ୍ରତିଷ୍ଠା ପାଇଁ ଶୁଭସ୍ତମ୍ଭ ସ୍ଥାପନ ପୂର୍ବକ ଗ୍ରାମବାସୀଙ୍କ ଉପସ୍ଥିତିରେ ପୂଜାର୍ଚ୍ଚନା କରାଯାଇ ଡୁଙ୍ଗୁରିପାଲି ବ୍ଲକରେ ପରିବର୍ତ୍ତନ ଯାତ୍ରା ର ଶୁଭାରମ୍ଭ କରାଯାଇଥିଲା । ଏହି ଯାତ୍ରା ମହୁଲ ପାଲି, ଗଜମାଲ, ତିଲେଇମାଲ୍ ଆଦି ଗ୍ରାମ ସମୁହକୁ ପରିକ୍ରମା କରିଥିଲା ।
ଏହି ଗ୍ରାମ ମାନଙ୍କରେ ଲୋକଙ୍କ ଠାରୁ ଜଳ ସେଚନ, ସ୍ୱାସ୍ଥ୍ୟ, ପ୍ରଧାନମନ୍ତ୍ରୀ ଆବାସ ଯୋଜନା ରେ ଦୁର୍ନୀତି, ବିଜୁଳି ସମସ୍ୟା ମନରେଗା ସୁବିଧା ନ ପାଇବା ଇତ୍ୟାଦି ଅନେକ ପ୍ରସଙ୍ଗ ଉପରେ ଉପସ୍ଥିତ ଗ୍ରାମବାସୀ ଶ୍ରୀ ବେଦବାକ ଙ୍କ ଦୃଷ୍ଟି ଆକର୍ଷଣ କରିଥିଲେ ।
ପୁଣି ଚେରୁପାଲି ଗ୍ରୀଡ୍ ରୁ ସର୍ଗୁଲ ଫିଡ଼ର୍ ଲାଇନ୍ ବିନା କାରଣରେ ବାରମ୍ବାର ବିଜୁଳି କାଟ କରି ଲୋକଙ୍କୁ ଟାଟା ପାୱାର କମ୍ପାନୀ ହଇରାଣ କରୁଥିବା ପ୍ରକାଶ କରି ଦୃଢ଼ ଉଦବେଗ ପ୍ରକାଶ ପାଇଥିଲା । ଏହି ପରିବର୍ତ୍ତନ ଯାତ୍ରାରେ ବଳଦେବ ପ୍ରସାଦ ବେଦବାକ ଙ୍କ ସହ ସୁରେଶ ପାତ୍ର, ପ୍ରଶାନ୍ତ ସାହୁ, ସନ୍ତୋଷ ସାହୁ, ସୌମ୍ୟରଞ୍ଜନ, ରାମ ଘିବେଲା, ସଞ୍ଜୀବ ସାହୁ, ଅଶୋକ ପ୍ରମୁଖ ଯୋଗ ଦେଇଥିଲେ । ପ୍ରଚଣ୍ଡ ରୌଦ୍ରତାପ ସତ୍ତ୍ୱେ ବିଭିନ୍ନ ଗ୍ରାମ ମାନଙ୍କରେ ଲୋକ ମାନଙ୍କ ଅଦ୍ଭୁତପୂର୍ବ ସମର୍ଥନ ଦେଖିବାକୁ ମିଳିଥିଲା ।