ରିପୋର୍ଟ : ପ୍ରଣତି ସାବତ
କାଶୀନଗର, (୨୧/୦୭) : ଆଜି ଠାରୁ ଗୁଣୁପୁର କଟକ ମେମୁ ଟ୍ରେନ ର ଆରମ୍ଭ ହୋଇଥିବାରୁ ଗଜପତି ଓ ରାୟଗଡ଼ା ଜିଲ୍ଲାବାସୀ ଖୁସି ପ୍ରକୋଟ କରିଛନ୍ତି ।
ସୂଚନା ମୁତାବକ ଏହି ମେମୁ ଟ୍ରେନ ଟି କଟକ ଠାରୁ ପଲସା ପର୍ଯ୍ୟନ୍ତ ଯାତ୍ରା କରୁଥିଲା । ପୂର୍ବତଟ ରେଳବାଇ ର ଏହି ଟ୍ରେନ କୁ ଗୁଣୁପୁର ପର୍ଯ୍ୟନ୍ତ ସମ୍ପ୍ରସାରିତ ଘୋଷଣା ପରେ ଆଜି ଠାରୁ ମେମୁ ଟି ଯାତ୍ରୀଙ୍କ ସେବାରେ ଲାଗିବ । ଗୋଟିଏ ପଟ ନୂଆଁ ଟ୍ରେନ ପଡ଼ିବା ରୁ ଲୋକ ଖୁସି ଜଣାଇଥିବା ବେଳେ ସମୟ ସାରଣୀ କୁ ନେଇ ଲୋକେ ଚିନ୍ତା ବ୍ୟକ୍ତ କରିଛନ୍ତି । ପାରଳାଖେମୁଣ୍ଡିରେ ରାତ୍ର ୧୨ ଟାରେ ପହଞ୍ଚିବ ।
ସେହିଭଳି କାଶୀନଗରରେ ୧୨.୪୫ ରେ ଗୁଣୁପୁରରେ ରାତ୍ର ୧ ଘଣ୍ଟା ପରେ ପହଞ୍ଚିବ । ପୁଣି ରାତ୍ର ୩ ଟାରେ ଗୁଣୁପୁର ରୁ ଛାଡି ୧୧ ଟାରେ ସକାଳେ କଟକରେ ପହଞ୍ଚିବ । ଏଣୁ ସମୟ ସାରଣୀରେ ପରିବର୍ତ୍ତନ କଲେ ଯାତ୍ରୀ ଆହୁରି ଅଧିକ ସୁବିଧା ପାଇବେ । ଏହି ଟ୍ରେନ କୁ କାଶୀନଗର ଠାରେ କାଶୀନଗର ନାଗରିକ ମହାସଭା ତରଫରୁ ଭବ୍ୟ ସମ୍ବର୍ଦ୍ଧନା ଦେବାକୁ ପ୍ରସ୍ତୁତ କରାଯାଉଛି । ସେହିଭଳି ଗୁଣୁପୁରରେ ମଧ୍ୟ ସ୍ୱାଗତ କରାଯିବ ବୋଲି ଜଣା ପଡିଛି ।