ରିପୋର୍ଟ : ସୁଶାନ୍ତ ବେହେରା
ହରଭଙ୍ଗା, (୧୦/୯) : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ର କରଡି ଗ୍ରାମ ର ଚମ୍ପେଶ୍ୱର ମହାଦେବ ପିଠରେ ଆସନ୍ତା ୨୦ ତାରିଖରେ କ୍ଷୀର ଜଳସେଇ ପାଇଁ ଆଜି ବୈଠକ ବସିଥିଲା ।
ଏହି ବୈଠକରେ ସାମ୍ପୋଚ, ବୀରନରସିଂହପୁର, ମଥୁରା ଓ ରାଧାନଗର ଗ୍ରାମପଞ୍ଚାୟତ ର ୨୦୦ ରୁ ଉର୍ଦ୍ଧ୍ୱ ମାନ୍ୟଗନ୍ୟ ବ୍ୟକ୍ତି ଯୋଗଦେଇଥିଲେ ଓ ଏହି କାର୍ଯ୍ୟକ୍ରମକୁ ସମ୍ପୂର୍ଣ୍ଣ ସହଯୋଗ କରିବେ ବୋଲି ପ୍ରତିଶୃତି ଦେଇଥିଲେ । ପ୍ରତିଶୃତି ପାଇ କରଡି ଶିବ ମନ୍ଦିର ପରିଚାଳନା କମିଟି ଆସିଥିବା ବିଭିନ୍ନ ଗ୍ରାମ ର ଲୋକଙ୍କୁ ନେଇ ପ୍ରସାଦ ବଣ୍ଟନ, ଶୃଙ୍ଖଳା ରକ୍ଷା, କ୍ଷୀର ସଂଗ୍ରହ କରିବା ପାଇଁ କମିଟି ଗଠନ କରାଯାଇଥିଲା । ପରିଚାଳନା କମିଟି ର ହରିଅର୍ଜୁନ ସାହୁ, ନରେନ୍ଦ୍ର କୁମାର ସାହୁ, ପୂର୍ଣ୍ଣଚନ୍ଦ୍ର ମହାକୁଳ, ପୂର୍ଣ୍ଣଚନ୍ଦ୍ର ଗାଈଗୈାରିଆ, ବିଶ୍ୱଜିତ ମିଶ୍ର, ବାବାଜୀ ପାତ୍ର, କିଶୋର ସାହୁ ଓ ରାଜୁ ଅଗ୍ରଓ୍ବାଲା ଉକ୍ତ ବୈଠକରେ ଉପସ୍ଥିତ ଥିଲେ ।