ରିପୋର୍ଟ : ଅକ୍ଷୟ କୁମାର ପିଡ଼ିସିକା
କଲ୍ୟାଣସିଂହପୁର, (୨୬/୩) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ରେ ଥିବା ଐତିହାସିକ ଦେବଗିରି ପାହାଡ଼ ଉପରେ ଥିବା କୁଣ୍ଡରେ ଛାତ୍ରୀର ମୃତ ଦେହ ଠାବ କରିଛି ପୁଲିସ ।
ପରିବାର ଲୋକେ କହିବା ଅନୁଯାୟୀ କାଶୀପୁର ବ୍ଲକ ସୁଙ୍ଗେର ଗ୍ରାମର ଗୋଟିଏ ପରିବାରର ତିନି ଭାଇର ତିନି ଝିଅ କଲ୍ୟାଣସିଂହପୁରରେ ରହି ଦେବଗିରୀ ମହାବିଦ୍ୟାଳୟ ରେ ଅଧ୍ୟୟନ କରି ଆସୁଥିଲେ । ଦୁଇ ଭଉଣୀକୁ ବିରେନ ଗୌଡ଼ ଙ୍କ ଝିଅ ଦେବକୀ ଗୌଡ଼ (୨୬) ବୁଧବାର ଦିନ ଦୁଇ ଭଉଣୀଙ୍କୁ ମରିବା ପାଇଁ ଇଛା ହେଉଛି କହିବା ସହ ପରିବାରକୁ ମେସେଜ କରି କହିଥିଲା । ତା’ପର ଗୁରୁବାର ଦିନ ଦେବକୀ ରହିବା ଘରେ ଦେଖା ନ ଯିବାରୁ ପରିବାରକୁ ଜଣାଇ ଥିଲେ ।ପରିବାର ଲୋକେ ସବୁ ଆଡେ ଖୋଜା ଖୋଜି କରି ନ ପାଇବାରୁ ଦେବଗିରି ପାହାଡ଼ ଚଡି ଝିଅକୁ ଖୋଜି ଥିଲେ । ତାର ଚପଲ ଦେଖିଥିଲେ କିନ୍ତୁ ତାର ଠାବ କରିବାରିନଥିଲେ ।
ଆଜି ପୁଣି ପରିବାର ଲୋକମାନେ ଦେବଗିରି ପାହାଡ଼ ଚଡି ଖୋଜିବାରୁ କୁଣ୍ଡରେ ଝିଅର ଶବ ଭାସୁଥିବା ଦେଖିଥିଲେ । ଏହାକୁ ନେଇ ସ୍ଥାନୀୟ ଥାନାରେ ଅଭିଯୋଗ କରିବା ପରେ ଥାନା ଅଧିକାରୀ ମୁକୁନ୍ଦ ଦେବ ନାୟକ, ଏସ ଆଇ ଶିଵ ପ୍ରସାଦ ସାହୁ ଏସ ଡି ପି ଓ ଦେବଜ୍ୟୋତି ଦାସ ଘଟଣା ସ୍ଥଳରେ ପହଞ୍ଚି ଶବ ଠାବ କରି ଅଗ୍ନିଶମ ବିଭାଗ କୁ ଡାକି ଶବ ଉଦ୍ଧାର କରିବା ବେଳକୁ ମୃତ୍ୟୁ ଛାତ୍ରୀ ର ବେକରେ ପ୍ରାୟ ଆଠ କେଜି ଓଜନ ର ପଥର ଚୁନିରେ ବେକରେ ବନ୍ଧାଯାଇଥିବା ଦେଖିବାକୁ ମିଳିଛି । ଏହାକୁ ଅପମୃତ ମାମଲା ରୁଜ୍ଜୁ କରି ଘଟଣାର ତଦନ୍ତ ଚଳାଇଛନ୍ତି । ସନ୍ଧ୍ୟା ହୋଇଯିବାରୁ ଶବକୁ ଆସନ୍ତା କାଲି ବ୍ୟବଛେଦ କରି ପରିବାର କୁ ହସ୍ତାନ୍ତର କରାଯିବ ବୋଲି ଏସ ଡି ପି ଓ କହିଛନ୍ତି ।