ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣୁପୁର, (୫/୬) : ଅଜି ସ୍ଥାନୀୟ ଗାୟତ୍ରୀ ଫାର୍ମାସି ମହାବିଦ୍ୟାଳୟ ପରିସରରେ ବିଶ୍ୱ ପରିବେଷ ଦିବସ ପାଳିତ ହୋଇଯାଇଛି ।
ଅନୁଷ୍ଠାନର ପ୍ରିନ୍ସିପାଲଙ୍କ ଡଃ.ପ୍ରକାଶ ଚନ୍ଦ୍ର ସେନାପତି, ପ୍ରଫେସର ଡଃ.କାହ୍ନୁଚରଣ ଚରଣ ପାଣିଗ୍ରାହୀ, ପ୍ରାଧ୍ୟାପକ ଜଗଦିଶ ଖୁଣ୍ଟିଆ, ରଶ୍ମିତା ରଥ, ଲକ୍ଷ୍ମୀନାରାୟଣ ସାହୁ ପ୍ରମୁଖଙ୍କ ସହ ଛାତ୍ରଛାତ୍ରୀ ମାନେ କଲେଜ ପରିସରରେ ଔଷଧୀୟ ବୃକ୍ଷ ରୋପଣ କରିଥିଲେ । ପରିବେଷକୁ ପ୍ଲାଷ୍ଟିକ ପ୍ରଦୂଷଣରୁ କିପରି ନିୟନ୍ତ୍ରଣ କରାଯାଇପାରିବ ଓ ଅଧିକରୁ ଅଧିକ ବୃକ୍ଷରୋପଣ କରି ସୁସ୍ଥ ପରିବେଷ କିପରି ସୃଷ୍ଟି କରାଯାଇପାରିବ ଏହା ମହାବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ଅକ୍ଷୟ ଦାସ କହିଥିଲେ । ଗାୟତ୍ରୀ ଫାର୍ମାସି ମହାବିଦ୍ୟାଳୟର ନିର୍ଦ୍ଦେଶକ ଶ୍ରୀଯୁକ୍ତ ସଞ୍ଜୟ ସାହୁ ନିଜ ଅଭିଭାଷଣରେ କହିଥିଲେ ଯେ, ମୁଖ୍ୟତଃ ପ୍ଲାଷ୍ଟିକ ଆବର୍ଜନା ଭୟାବହତାକୁ ଦୃଷ୍ଟିରେ ରଖି ଚଳିତ ବର୍ଷ ପରିବେଶ ଦିବସର ଥିମ ରହିଛି ” ବିଟ – ପ୍ଲାଷ୍ଟିକ- ପଲ୍ୟୁସନ ” ।
ପରିବେଶବିତଙ୍କ ସତର୍କ ବାଣୀ ସତ୍ତ୍ୱେ ବଢି ଚାଲିଛି ପ୍ଲାଷ୍ଟିକ ପ୍ରଦୂଷଣ । ପରିବେଶ ପ୍ରତି ବିଶ୍ୱ ବାସୀଙ୍କୁ ସଚେତନ କରିବା ପାଇଁ ୧୯୭୩ ମସିହାରୁ ପ୍ରତି ବର୍ଷ ଜୁନ ୫ ତାରିଖରେ ପାଳନ ହେଉଛି ବିଶ୍ୱ ପରିବେଶ ଦିବସ । ବର୍ଷର ଏହି ନିର୍ଦ୍ଦିଷ୍ଟ ଦିନରେ କେବଳ ପରିବେଶ ପ୍ରତି ଧ୍ୟାନ ନଦେଇ ପ୍ରତିଦିନ ନିଜ ଜୀବନ ଚର୍ଯ୍ୟାରେ ପରିବେଶକୁ ସୁରକ୍ଷିତ କରିବା ପାଇଁ କିଛି ପଦକ୍ଷେପ ନେବାର ସମୟ ଆସିଛି । ତେଣୁ ଆମେ ଆଧୁନିକତାର ଦୌଡ଼ରେ ପ୍ରକୃତି ଠାରୁ ଦୂରେଇ ଯିବା ମାନେ ବିନାଶକୁ ଆମନ୍ତ୍ରଣ କରିବା ସହ ସମାନ । ଏହି କାର୍ଯ୍ୟକ୍ରମକୁ ରାଜିବ ପଣ୍ଡା, ଦେବେନ୍ଦ୍ର ମିଶାଲ, ପ୍ରଫୁଲ୍ଲ ମହାନ୍ତି, ଶ୍ରୀକାନ୍ତ ପଣ୍ଡା, ଅଭି ବେହେରା, ଜୟରାମ ପାତ୍ର ପ୍ରମୁଖ ସହଯୋଗ କରିଥିଲେ ।