ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ଭୁବନେଶ୍ୱର, (୩୧/୭) : ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ, ଭୁବନେଶ୍ୱର ତରଫରୁ ଉତ୍କଳ ବିଶ୍ୱବିଦ୍ୟାଳୟ ମୁଖ୍ୟ ଫାଟକ ସମ୍ମୁଖରେ କାର୍ଗିଲ ବିଜୟ ଦିବସ ପାଳିତ ହୋଇଯାଇଛି ।
କାର୍ଗିଲ ଯୁଦ୍ଧରେ ଶହୀଦ ହୋଇଥିବା ଭାରତ ମାତାର ଅମର ବୀର ଯବାନଙ୍କ ସ୍ମୃତିରେ ମାଆ ସରସ୍ୱତୀଙ୍କ ନିକଟରେ ଦୀପଦାନ କରିବା ସହ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି । ଏହି ଅବସରରେ ଏବିଭିପି ଓଡ଼ିଶାର ରାଜ୍ୟ ସମ୍ପାଦକ ଅରିଜିତ ପଟ୍ଟନାୟକ, ରାଷ୍ଟ୍ରର ସାର୍ବଭୌମତ୍ଵ ରକ୍ଷା କରିବାକୁ କାରଗିଲ ଯୁଦ୍ଧରେ ବୀରତ୍ଵ ତଥା ସାହସର ସହ ସଂଗ୍ରାମ କରିଥିବା ଯବାନମାନଙ୍କ ଅଦମ୍ୟ ବୀରତ୍ୱର ଗାଥା ସାଙ୍ଗକୁ ସେମାନଙ୍କ ସର୍ବୋଚ୍ଚ ବଳିଦାନ ତଥା ମାତୃଭୂମି ପ୍ରତି ଅନନ୍ୟ ପ୍ରେମ ବିଷୟରେ ଚର୍ଚ୍ଚା କରିଥିଲେ । ରାଷ୍ଟ୍ରୀୟ କାର୍ଯ୍ୟକାରିଣୀ ସଦସ୍ୟ ଚଣ୍ଡୀ ପ୍ରସାଦ ସୁଆର, ଜିଲ୍ଲା ସଂଯୋଜକ ବିଶ୍ୱଜିତ ସାହୁ, ସତ୍ୟ ପ୍ରକାଶ ରାଉତ, ଅଳକା ଜେନା, ରାଜ୍ୟ ମିଡ଼ିଆ ସଂଯୋଜକ ବିଶ୍ୱଜିତ ପାତ୍ର, କ୍ଷେତ୍ରୀୟ ସୋସିଆଲ ମିଡ଼ିଆ ସଂଯୋଜକ ପ୍ରତ୍ୟୁଷ ରଞ୍ଜନ ଦାସ, ସତ୍ୟବ୍ରତ ପ୍ରଧାନ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ବିଶ୍ୱଜିତ୍ ସାହୁ, ନଳିନୀକାନ୍ତ ସାହୁ ପ୍ରମୁଖ କାର୍ଯ୍ୟକର୍ତ୍ତା ଉପସ୍ଥିତ ଥିଲେ l