ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର/ଟିଟିଲାଗଡ, (୧୧/୧୨) : ଆୟକର ବିଭାଗ ପକ୍ଷରୁ ଚଢାଉ ନେଇ କ୍ରମାଗତ ଭାବେ ସ୍ଥାନୀୟ ବିଧାୟିକା ତଥା ମନ୍ତ୍ରୀ ଟୁକୁନି ସାହୁଙ୍କ ମତ ନେବା ପାଇଁ ଆମେ ଚେଷ୍ଟା କରୁଥିଲେ ସୁଦ୍ଧା ସେ ଆମ କ୍ୟାମେରା ସାମ୍ନା କୁ ଆସୁ ନାହାନ୍ତି ।
ଟିଟିଲାଗଡରେ ଯୋନ ସ୍ତରୀୟ ପ୍ରଶିକ୍ଷଣ ଶିବିରରେ ସେ ଯୋଗ ଦେଇଥିବା ବେଳେ ଦିନ ୨ ଟା ପରେ ଆମକୁ ସାକ୍ଷାତ କରି ମତ ଦେବେ ବୋଲି ତାଙ୍କ ପି ଏସ ଓ ସୂଚନା ଦେଇଥିଲେ । ନିକଟସ୍ତ ଗ୍ରାମ ରୁ କିଛି ମହିଳା ମଧ୍ୟ ତାଙ୍କୁ ଅପେକ୍ଷାରତ ଥିବା ଓ ସେ ଆସି କିଛି ସମୟ ରହି ଉକ୍ତ ମହିଳାଙ୍କୁ ସାକ୍ଷାତ କରି ଘର ଭିତରେ କରି ଥିବା ବେଳେ ତାଙ୍କ ପି ଏସ ଓ ଙ୍କ କାର୍ଯ୍ୟାଳୟରେ ଅପେକ୍ଷା କରିଥିବା ଜାଣି ସୁଦ୍ଧା ସେ ହଟାତ ବାହାରି ଚାଲିଯାଇଥିଲେ । ଯାହା ଆମେ ତାଙ୍କ ବାସଭବନ ଓ ତାଙ୍କ ଯିବା ଦୃଶ୍ୟ ସୁଟିଂ କରୁଥିଲୁ । ଜଗିରହି ଥିବା ସୁରକ୍ଷା କର୍ମୀ ଓ ପୋଲିସ୍ କର୍ମଚାରୀ ତଥା ତାଙ୍କ ପି ଏସ ଓ ମିଶି ମ୍ୟାଡମ ଫୋନ୍ କରି ମନା କରିଛନ୍ତି, ଆପଣ ଉକ୍ତ ବିଡିଓ ଡିଲିଟ କରନ୍ତୁ ବୋଲି କହିଥିଲେ । ଏପରିକି କ୍ରମାଗତ ଭାବେ ଆମେ ଫୋନ୍ ରେ ଓ ନିଜେ ତାଙ୍କ ପ୍ରତିକ୍ରିୟା ନେବା ପ୍ରୟାସ କରୁଥିବା ବେଳେ ସେ ନା,ନା ଆଳରେ ମୁଁହ ଲୁଚାଇବା ସାର ହେଉଛି ।
ପ୍ରକାଶ ଯେ, ଟିଟିଲାଗଡର ଏହି ନେହେରୁ ନଗର ରେ ଦୀର୍ଘ ବର୍ଷ ର ଦେଶୀ ମଦ ଭାଟି କୁ ସରକାରୀ ଭାବେ ବିଭିନ୍ନ ମହଲ ରୁ ବିରୋଧ ପରେ ବନ୍ଦ ଅଛି, ହେଲେ, ଟ୍ରକ, ଟ୍ରକ ମହୁଲପୋଚ ଆସୁଚି ଓ ମଦ ପ୍ରସ୍ତୁତ କରି ଚାଲାଣ କରାଯାଉଛି । ଏ ଭାଟି ପଛ ପଟେ ଏକ ନାମକୁ ମାତ୍ର ଦେଶୀ ଖୁଚୁରା ମଦ ଦୋକାନ ନାମରେ ମଦ ବିକ୍ରି ଚାଲିଛି । ଅନୁରୂପ ଭାବେ ସହର ରେ ବିଦେଶୀ ମଦ ଦୋକାନ ଥିବା ଏହି ସାହୁ ପରିବାର ର ଏହି ଦୋକାନ ରୁ ବେଆଇନ୍ ଭାବେ ବିଦେଶୀ ମଦ ବିଭିନ୍ନ ଅଞ୍ଚଳ କୁ ଚାଲାଣ କରାଯାଉଛି । ଆଖ,ପାଖ ଗ୍ରାମାଞ୍ଚଳକୁ ଏହି ଭଳି ଦେଶୀ, ବିଦେଶୀ ମଦ ବେଆଇନ୍ ଚାଲାଣ ବର୍ତ୍ତମାନ୍ ସୁଦ୍ଧା ଚାଲିଛି । ସ୍ଥାନୀୟ ବିଧାୟିକାଙ୍କ ଛତ୍ର ଛାୟା ତଳେ ଏହି କାରବାର ଖୋଲା, ଖୋଲି ଚାଲିବା ସ୍ପଷ୍ଟ ଅନୁମେୟ । ଏ ଚଢ଼ାଉ ଓ ବିଧାୟିକା ଙ୍କ ସଂପୃକ୍ତି ନେଇ ଏତେ ଦିନ ବିତି ସାରିଥିବା ବେଳେ ପ୍ରକୃତ ମତ ସେ କଣ ଦେବେ ତାହା ଉପରେ ନଜର ରହିଛି ।