ରିପୋର୍ଟ : ସୁଶାନ୍ତ ବେହେରା
ବୌଦ୍ଧ,(୦୯/୧୦) : ୦୮/୧୦ ତାରିଖ ଶୁକ୍ରବାର ଦିନ ୬୭ ତମ ଜିଲ୍ଲା ସ୍ତରୀୟ ବନ୍ୟପ୍ରାଣୀ ସପ୍ତାହ ୨୦୨୧ ଜିଲ୍ଲା ପ୍ରାଣୀ ଉନ୍ନୟନ ପ୍ରକଳ୍ପ ବୌଦ୍ଧ ଠାରେ ପୂର୍ବାହ୍ନ ୧୧ ଟାରେ ପାଳିତ ହୋଇଛି |
୬୭ ତମ ଜିଲ୍ଲା ସ୍ତରୀୟ ବନ୍ୟପ୍ରାଣୀ ସପ୍ତାହ -୨୦୨୧ ପାଳନ ଅବସର ରେ ମୁଖ୍ୟତିଥି ଭାବେ ଜିଲ୍ଲା ପ୍ରାଣୀ ଉନ୍ନୟନ ପ୍ରକଳ୍ପ ଅଧିକାରୀ ଶ୍ରୀମତୀ ବବିତା ରାଣୀ ଦଳବେହେରା, ସମ୍ମାନିତ ଅତିଥି ଭାବେ ଖଣ୍ଡିୟ ବନାଧିକାରୀ ବୌଦ୍ଧ ବନଖଣ୍ଡ -ଶ୍ରୀଯୁକ୍ତ ଦେବପ୍ରିୟ କମ୍ପ, ବରିଷ୍ଠ ପ୍ରବନ୍ଧକ -ଶ୍ରୀଯୁକ୍ତ D K ଖଣ୍ଡ, କୁମାରୀ M. R ସାମନ୍ତରାୟ, କୁମାରୀ ନିବେଦିତା ବିଶ୍ୱାଳ ଉପସ୍ଥିତ ଥିଲେ |
ଶ୍ରୀଯୁକ୍ତ ଦେବପ୍ରିୟ କମ୍ପ ବୌଦ୍ଧ ବନଖଣ୍ଡ ରେ ବନ୍ୟ ଜୀବଜନ୍ତୁ ସୁରକ୍ଷା ପାଇଁ ନିଆଯାଇଥିବା ପଦକ୍ଷେପ ଏବଂ ଆଗକୁ କିପରି ବନ୍ୟପ୍ରାଣୀ ଙ୍କୁ ସୁରକ୍ଷା ଦିଆଯିବ ଏହା ଉପରେ ବିଷଦ ବିବରଣୀ ଦେଇଥିଲେ | ତତ ସହିତ ମହାନଦୀ କୂଳେ କୂଳେ ପ୍ରାୟ ୧୦୦ କିମି ବନିକରଣ କରିବା, ସବୁଜ ପରିବେଶ ସୃଷ୍ଟି କରିବା ସହିତ ପକ୍ଷୀ ମାନଙ୍କ ବଂଶ ବୃଦ୍ଧି ରେ ସହାୟକ ହେବ ବୋଲି କହିଥିଲେ |
ବିରନରସିଂହପୁର ଠାରେ ରାଜ୍ୟ ପରିବେଶ ଉଦ୍ୟାନ ଓ ଡମ୍ବରୁ ଗାଡଠାରେ ଇକୋ ଟୁରିଜିଅମ ଅବସ୍ଥାପିତ କରାଯିବାର ଲକ୍ଷ୍ୟ ରହିଛି ବୋଲି ସୂଚନା ଦେଇଥିଲେ | ପରିଶେଷରେ ଉପସ୍ଥିତ ଥିବା ପରିବେଶ ପ୍ରେମୀ ମାନଙ୍କୁ ଜିଲ୍ଲା ପଶୁ, ଜିଲ୍ଲା ପକ୍ଷୀ, ଜିଲ୍ଲା ଫୁଲ, ଜିଲ୍ଲା ଗଛ ଚୟନ ପାଇଁ ଆହ୍ୱାନ ଦେଇଥିଲେ ଏବଂ ଜିଲ୍ଲା ପଶୁ ଭାବରେ ବଜ୍ରକାପ୍ତା, ଜିଲ୍ଲା ପକ୍ଷୀ ବାୟାଚଢେଇ, ଜିଲ୍ଲା ଗଛ ମହୁଲ, ଜିଲ୍ଲା ଫୁଲ ପଲାଶ କୁ ଘୋଷଣା ପାଇଁ ପ୍ରସ୍ତାବ ଦେଇଥିଲେ |
ବନ୍ୟପ୍ରାଣୀ ସପ୍ତାହ ପାଳନ ପରିପେକ୍ଷୀ ରେ ୦୭/୧୦ ରେ ପାଳିତ ହୋଇଥିବା ଗଣ ଦୌଡରେ କୃତିତ୍ୱ ଲାଭ କରିଥିବା ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା | ବାନ୍ୟଜନ୍ତୁ ସୁରକ୍ଷା ଓ ପ୍ରାକୃତିକ ବାସସ୍ଥାନ ର ପରିଚାଳନା କ୍ଷେତ୍ରରେ ସର୍ବକୃଷ୍ଟ ପ୍ରଦର୍ଶନ ପାଇଁ ଶ୍ରୀଯୁକ୍ତ ଫରେଷ୍ଟର -ସଞ୍ଜୟ କୁମାର ଦାନ୍ତl,ଫରେଷ୍ଟ ଗାର୍ଡ -ରମାକାନ୍ତ ପାଣିଗ୍ରାହୀ, ମାଳତୀ ମାଝୀ, ଅସିତ କୁମାର ମେହେର, ଙ୍କୁ ସମ୍ମାନିତ କରାଯାଇଥିଲା |
ଶେଷରେ ଉପଖଣ୍ଡ ସ୍ତରୀୟ ବନ୍ୟଜନ୍ତୁ ବିଜୁ ପଟ୍ଟନାୟକ ୨୦୨୧ ବର୍ଷ ଉପାଧି କଣ୍ଟାମାଳ ବ୍ଲକ ସମାପlଜୁ VSS ଙ୍କୁ ୫୦୦୦/ଟଙ୍କା ପୁରସ୍କାର ରାଶି ସହିତ ମାନପତ୍ର ପ୍ରଦାନ କରାଯାଇ ଥିଲା | ଏହି କାର୍ଯ୍ୟକ୍ରମ ରେ ବୌଦ୍ଧ ଜିଲ୍ଲାର ସମସ୍ତ ବାନାଖଣ୍ଡ ଅଧିକାରୀ ଓ ବନକର୍ମ ଚାରି ଉପସ୍ଥିତ ଥିଲେ |