ରିପୋର୍ଟ : ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ //
ରାୟଗଡା,(୦୯/୧୧) : ଅଦ୍ୟ ତା ୯/୧୧/୨୧ ରେ ରାୟଗଡା ଜିଲ୍ଲା ଆଇନ ସେବା ପ୍ରାଧିକରଣ ଦ୍ୱାରା ସେଞ୍ଚୁରିଅନ ବିଶ୍ୱ ବିଦ୍ୟାଳୟ ପରିସରରେ ଜାତୀୟ ଆଇନ ସେବା ଦିବସ ପାଳିତ ହୋଇଯାଇଚି l
ରାୟଗଡା ଜିଲ୍ଲା ଆଇନ ସେବା ପ୍ରାଧିକରଣ ସଚିବ ଶ୍ରୀ ମନୋରଞ୍ଜନ ମିଶ୍ରଙ୍କ ଅଧ୍ୟକ୍ଷତା ରେ ଅନୁଷ୍ଠିତ ହୋଇଥିବା ଏହି ଶିବିର ରେ ବିଶ୍ୱ ବିଦ୍ୟାଳୟ ର ନିର୍ଦେଶକ ଶ୍ରୀ ରାଜେଶ ପାଢ଼ୀ, ଅଧ୍ୟକ୍ଷ ଡ଼ଃ ଚନ୍ଦ୍ରଶେଖର ପାଢ଼ୀ, ଆଇନଜୀବି ଶ୍ରୀ ସାମୁଏଲ ତାଣ୍ଡି, ବିଶ୍ୱନାଥ ଗନ୍ତାୟତ ପ୍ରମୁଖ ଯୋଗ ଦେଇଥିଲେ l
ଜିଲ୍ଲା ଆଇନ ସେବା ପ୍ରାଧିକରଣ ର ସଚିବ ଶ୍ରୀ ମିଶ୍ର ନିଜ ର ବକ୍ତବ୍ୟ ରେ ସ୍ୱାଧୀନତା ର ଅମୃତ ମହୋତ୍ସବ ପାଳନ ଅବସରରେ ଆଇନ ସେବା ସମ୍ପର୍କିତ ଆଇନ ବିଷୟରେ ଆଲୋକପାତ କରିବା ସହିତ ଆଇନ ସେବା ଦିବସ ର ତାତ୍ପର୍ଯ୍ୟ ଉପରେ କହିଥିଲେ l ଆଇନଜୀବୀ ଶ୍ରୀ ତାଣ୍ଡି ଛାତ୍ର ଛାତ୍ରୀ ମାନଙ୍କୁ ଆଇନ ସେବା ପ୍ରାଧିକରଣ ର କାର୍ଯ୍ୟକ୍ରମ ସମ୍ପର୍କ ରେ ସୂଚନା ଦେଇଥିଲେ l
ଆଇନଜୀବୀ ଶ୍ରୀ ଗନ୍ତାୟତ ସମ୍ମୁଖ କାର୍ଯ୍ୟାଳୟ ର ଭୂମିକା ଏବଂ ସମାଜ ର ବହୁବିଧ ସମସ୍ୟା ର ନିରାକରଣ ସମ୍ବନ୍ଧରେ ଜିଲ୍ଲା ଆଇନସେବା ପ୍ରାଧିକରଣ ର ଭୂମିକା ବିଷୟରେ ଆଲୋଚନା କରିଥିଲେ l ନିର୍ଦେଶକ ଶ୍ରୀ ପାଢ଼ୀ ଛାତ୍ର ଛାତ୍ରୀ ମାନଙ୍କୁ ଏହି କାର୍ଯ୍ୟକ୍ରମ ଲାଭାନ୍ବିତ କରିବ ବୋଲି ଆଶା ପୋଷଣ କରିଥିଲେ l ଏହି କାର୍ଯ୍ୟକ୍ରମ ରେ ବିଶ୍ୱ ବିଦ୍ୟାଳୟ ର ଛାତ୍ର ଛାତ୍ରୀ ମାନେ ଅଂଶଗ୍ରହଣ କରିଥିଲେ ଓ କର୍ମଚାରୀ ମାନେ ପରିଚାଳନା ରେ ସହାୟତା କରିଥିଲେ l