ରିପୋର୍ଟ : ଦେବଦତ୍ତ ପଣ୍ଡା //
କଳାହାଣ୍ଡି,(୦୧/୧୨) : ସ୍ଥାନୀୟ କଳାହାଣ୍ଡି ବିଶ୍ଵବିଦ୍ୟାଳୟ, ଭବାନୀପାଟଣାରେ ଏନ ଏସ ଏସ ବ୍ୟୁରୋ ଆନୁକୁଲ୍ୟରେ ବିଶ୍ଵ ଏଡସ ଦିବସ ପାଳିତ ହୋଇଯାଇଛି । ପ୍ରତିବର୍ଷ ଡିସେମ୍ବର ୦୧ ତାରିଖକୁ ବିଶ୍ଵ ଏଡସ ଦିବସ ରୂପେ ବିଶ୍ଵ ବ୍ୟାପୀ ପାଳନ କରାଯାଏ ।
କଳାହାଣ୍ଡି ବିଶ୍ଵବିଦ୍ୟାଳୟ କୁଳପତି ପ୍ରଫେସର ସଞ୍ଜୟ କୁମାର ଶତପଥୀ ଏହି ସଭାରେ ସଭାପତିତ୍ଵ କରିଥିଲେ । ସେ ତାଙ୍କର ଅଭିଭାଷଣରେ ଏନ ଏସ ଏସ ସ୍ଵେଚ୍ଛାସେବୀ ମାନଙ୍କୁ ଏଡସର ଭୟାଭୟତା ବିଷୟରେ ନିଜର ବକ୍ତବ୍ୟ ପ୍ରଦାନ କରିଥିଲେ । ବିଶ୍ଵବିଦ୍ୟାଳୟର କୁଳସଚିବ ଶ୍ରୀ ପିତାମ୍ବର ଭୋଇ, ପି.ଜି. କାଉନସିଲ ଅଧ୍ୟକ୍ଷ ଡ. ଜୟଦେବ ସାହୁ, ଅଧ୍ୟାପିକା ଡ. ରାଧାରଣୀ ନାୟକ ସମ୍ମାନୀତ ଅତିଥି ରୂପେ ଯୋଗଦାନ କରିଥିଲେ । ଏହି ସଭାରେ ଜିଲ୍ଲା ମୁଖ୍ୟ ଚିକିତ୍ସାଳୟ ଭବାନୀପାଟଣା ର ବରିଷ୍ଠ ଚିକିତ୍ସକ ଡା. ପୂର୍ଣ୍ଣଚନ୍ଦ୍ର ପଣ୍ଡା ମୁଖ୍ୟ ଅତିଥି ତଥା ବିଶେଶଜ୍ଞ ରୂପେ ଯୋଗଦାନ କରି ସ୍ଵେଚ୍ଛାସେବୀ ମାନଙ୍କୁ ଏଚ.ଆଇ.ଭି. (H.I.V) ଭୁତାଣୁର ସଂକ୍ରମଣ ମାଧ୍ୟମ, ଏଡସ (AIDS) ରୋଗର ଭୟାଭୟତା, ସଂଯମତା ଓ ନିରାକରଣ ବିଷୟରେ ଆଲୋଚନା କରିଥିଲେ । ଉକ୍ତ କାର୍ଯ୍ୟକ୍ରମ କୁ ଏନ ଏସ ଏସ ବ୍ୟୁରୋ କାର୍ଯ୍ୟକ୍ରମ ସଂଯୋଜକ ଡ. ଚିତ୍ତରଞ୍ଜନ ଖୁଣ୍ଟିଆ ପରିଚାଳନା କରିଥିଲେ ।
ଏହି ସଭାରେ ସ୍ଵେଚ୍ଛାସେବୀ ମାନଙ୍କ ମଧ୍ୟରେ ଗୋବିନ୍ଦ ନିଆଲ, ରୋସନ ନାଏକ, ଜଣ୍ଟି ସାହୁ, ବିଭୁସା ବ୍ୟାସ, ସୁରକ୍ଷା ପଟ୍ଟନାୟକ, ଅଭିଷେକ ପଟ୍ଟନାୟକ, ବିକାଶ ପଟେଲ, ଗୀତାଞ୍ଜଳି, ଚୁମକି ସାହୁ ପ୍ରମୁଖ ଏନ ଏସ ଏସ ସ୍ଵେଚ୍ଛାସେବୀ ମାନେ ଅଂଶଗ୍ରହଣ କରିଥିଲେ ଏବଂ କାର୍ଯ୍ୟକ୍ରମ ଶେଷରେ ଏନ ଏସ ଏସ କାର୍ଯ୍ୟକ୍ରମ ଅଧିକାରୀ ଶ୍ରୀ ବାପି ଗୋଛାୟତ ଧନ୍ୟବାଦ ଅର୍ପଣ କରିଥିଲେ ।