ରିପୋର୍ଟ : ସୁଶାନ୍ତ ବେହେରା
ବୌଦ୍ଧ, (୨୯/୧୨) : ବୌଦ୍ଧ ଜିଲ୍ଲା ବୌଦ୍ଧ ପଞ୍ଚାୟତ ମହାବିଦ୍ୟାଳୟ ର ଇଂରାଜୀ ବିଭାଗ ଓ ଭୈରବୀ ଡିଗ୍ରୀ ମହାବିଦ୍ୟାଳୟ ପୁରୁଣା କଟକ ଇଂରାଜୀ ବିଭାଗ ର ସହଯୋଗରେ ଏକ ଆନ୍ତଃ ମହାବିଦ୍ୟାଳୟ ଇଂରାଜୀ ପାଠଚକ୍ର ଅନୁଷ୍ଠିତ ହୋଯାଇଅଛି ।
ଉକ୍ତ କାର୍ଯ୍ୟକ୍ରମ ରେ ବୌଦ୍ଧ ପଞ୍ଚାୟତ ମହାବିଦ୍ୟାଳୟ ର ଇଂରାଜୀ ବିଭାଗ ର ମୁଖ୍ୟ ସଂଜୀବ ନାଏକ ସଭାପତିତ୍ୱ କରିଥିଲା ବେଳେ ମହାବିଦ୍ୟାଳୟ ର ଅଧ୍ୟକ୍ଷ ଶ୍ରୀଯୁକ୍ତ ପ୍ରକାଶଚନ୍ଦ୍ର ବେହେରା ମୁଖ୍ୟ ଅତିଥି ଭାବରେ ଯୋଗଦାନ କରିଥିଲେ । ମହାବିଦ୍ୟାଳୟ ର ଇଂରାଜୀ ଅଧ୍ୟାପିକା ଶୁଭଙ୍କରୀ ବଡମାଲି ଅତିଥି ପରିଚୟ ପ୍ରଧାନ କରିଥିଲେ ।
ବୌଦ୍ଧ ପଞ୍ଚାୟତ ମହାବିଦ୍ୟାଳୟର ଇଂରାଜୀ ସମ୍ମାନ ୩୫ ଜଣ ଛାତ୍ରଛାତ୍ରୀ ଓ ଭୈରବୀ ମହାବିଦ୍ୟାଳୟର ୪୦ ଜଣ ଛାତ୍ରଛାତ୍ରୀ ଯୋଗଦେଇ ପ୍ରାୟ ୨୦ ଟି ସନ୍ଦର୍ଭକୁ ପାଠ କରିଥିଲେ । ଉକ୍ତ ପାଠଚକ୍ରରେ ” Structuralism and Fuminism” ଉପରେ ଆଲୋଚନା କରାଯାଇଥିଲା । ଉକ୍ତ ପାଠଚକ୍ରରେ ଭୈରବୀ ଡିଗ୍ରୀ ମହାବିଦ୍ୟାଳୟ ର ଇଂରାଜୀ ବିଭାଗ ର ମୁଖ୍ୟ ଡ.ପ୍ରମୋଦ କୁମାର ମହପାତ୍ର ଫ୍ରେମିନିଜିମ୍ ଉପରେ ଆଲୋଚନ କରି ନାରୀ ମାନଙ୍କର ଅଧିକାର ଓ କର୍ତ୍ତବ୍ୟ ଉପରେ ଆଲୋକପାତ କରିଥିଲେ । ବୌଦ୍ଧ ମହାବିଦ୍ୟାଳୟର ମୁଖ୍ୟ ସଂଜୀବ ନାୟକ Structuralism and Fuminism ଉପରେ ଆଲୋଚନା କରିଥିଲେ ।
ଉକ୍ତ ପାଠଚକ୍ରରେ ଅଂଶ ଗ୍ରହଣ କରିଥିବା ଛାତ୍ରଛାତ୍ରୀ ମାନଙ୍କୁ ପ୍ରଶଂସା ପ୍ରଦାନ କରାଯାଇଥିଲା । ପ୍ରଶଂସା ପତ୍ର ର ଅର୍ଥ ରାଶି କୁ ପ୍ରଣାମ ଡ୍ୟାନ୍ସ ଏକାଡେମୀ ର ଉପଦେଷ୍ଟା ଡ ପ୍ରୀୟବତ ବେହେରା ପ୍ରଦାନ କରିଥିଲେ ।
ଉକ୍ତ କାର୍ଯ୍ୟକ୍ରମରେ ଇଂରାଜୀ ବିଭାଗ ର ଅଧ୍ୟାପିକା ମାଡ଼ାମ୍ ଓ ଅଧ୍ୟାପକ ଲକ୍ଷ୍ମଣ ମେହେରଙ୍କ ସହିତ ଅନ୍ୟାନ୍ୟ ଅଧ୍ୟାପକ ମାନେ ଉପସ୍ଥିତ ଥିଲେ । ସର୍ବଶେଷରେ ଅଧ୍ୟାପକ ଲକ୍ଷ୍ମଣ ମେହେର ଧନ୍ୟବାଦ୍ ଅର୍ପଣ କରିଥିଲେ । ସୃତି ଅଗ୍ରୱାଲା ଓ ବିଶ୍ୱଜିତ ପାତ୍ର ଉକ୍ତ କାର୍ଯ୍ୟକ୍ରମକୁ ସଂଯୋଜନା କରିଥିଲେ ।