ରିପୋର୍ଟ : ସୁନୀଲ ଆଚାର୍ଯ୍ୟ
ବଲାଙ୍ଗୀର,ଟିଟିଲାଗଡ, ତା(୨୪/୦୭) : ଟିଟିଲାଗଡ ୱାର୍ଡ ନଂ-୧୪ ରେ ଜଣେ ମହିଳା ଙ୍କ ଘରେ ପଶି ଗତ ରାତିରେ କେହି ମହିଳା ଙ୍କୁ ହତ୍ୟା କରି ଫେରାର ହୋଇଯାଇଥିବା ସ୍ଥାନୀୟ ଅଞ୍ଚଳରେ ଆଲୋଡନ ସୃଷ୍ଟି ହୋଇଛି ।
ସୂଚନା ଅନୁଯାୟୀ ଟିଟିଲାଗଡ ୱାର୍ଡ ନଂ-୧୪ ରେ ଗତ ଚାରି ବର୍ଷ ଧରି କଳାହାଣ୍ଡି ଜିଲ୍ଲା ବିଶ୍ୱନାଥ ପୁର ରୁ ଗୁଣନିଧି ଡାକୁଆ ତାଙ୍କ ସ୍ତ୍ରୀ ଲିଜା ଡାକୁଆ ଆସି ବିଭୁତି ଦଳେଇ ଙ୍କ ଘରେ ଭଡ଼ା ରେ ରହୁଥିଲେ । ଗତ ଶୁକ୍ରବାର ଅପରାହ୍ନ ସମୟରେ ମୃତା ଲିଜା ଡାକୁଆ(୨୭) ସାଇ ରେ ଚଳ ପ୍ରଚାଳ ସ୍ୱାଭାବିକ ଭାବରେ କରୁଥିବା ବେଳେ ଆଜି ସକାଳ ପ୍ରାୟ ଛଟା ସମୟରେ ଘର ମାଲିକ କବାଟ ଖୋଲା ଥିବା ଦେଖି ଡାକିଥିଲେ କିନ୍ତୁ କିଛି ଉତ୍ତର ନ ଶୁଣି ତାଙ୍କ ସ୍ତ୍ରୀ ସହ ପଶି ମହିଳା ଙ୍କୁ ମୃତ ଅବସ୍ଥାରେ ପଡିଥିବା ଦେଖି ଟିଟିଲାଗଡ ଥାନା ରେ ସୂଚନା ଦେଇଥିଲେ ।
ମୃତ ଲିଜା ଙ୍କ ସ୍ୱାମୀ ଗୁଣନିଧି ଡାକୁଆ ମୁନିଗୁଡା ଯାଇସେଠି ଅନ୍ୟ ଏକ ସ୍ତ୍ରୀ ସହ ରହୁଥିବା ବେଳେ ଲିଜା ଏକୁଟିଆ ରହୁଥିଲେ । ପାରିବାରିକ କଳହ ରହୁଥିବା ବେଳେ ଏଠି ଏକ ଗ୍ରୁପ ଲୋନ ମଧ୍ୟ ରହିଥିଲା । କଟକ ରେ ମୃତ ଲିଜା ଙ୍କ ମାଆ ଘର ହୋଇଥିବା ବେଳେ ପାରିପାର୍ଶ୍ଵିକ ଅବସ୍ଥା ଓ କବାଟ ଖୋଲା ଅବସ୍ଥାରୁ ସନ୍ଦେହ ସୃଷ୍ଟି ହେଉଛି ଯେ କେହି ଗତ ରାତି ରେ ଆସି ପୁଣି ଚାଲିଯାଇଛି ।
ମୃତ ଲିଜା ଙ୍କ ବ୍ୟବହାର କରୁଥିବା ମୋବାଇଲ ମଧ୍ୟ ତାଙ୍କ ନିକଟରେ ନ ଥିବା ଜଣାପଡ଼ିଛି । ସ୍ୱାମୀ ଗୁଣନିଧି ପ୍ରେମ ବିବାହ କରିଥିବା ବେଳେ ସେ ଅନ୍ୟ ଏକ ସ୍ତ୍ରୀ ମୁନିଗୁଡା ରେ ବିବାହ କରି ଥିବା ଓ ଏକ କନ୍ୟା ସନ୍ତାନ ଥିବା ବେଳେ ଏ ନେଇ ମୃତ ଲିଜା ଙ୍କୁ ସଠିକ ଭାବେ ଚଳିବା ଖର୍ଚ୍ଚ ଦେଉ ନ ଥିବା ଚର୍ଚ୍ଚା ହେଉଛି ।
କେହି ଜଣେ ଆସି ତାଙ୍କୁ ଘରେ ହତ୍ୟା କରିଦେଇ ଫେରାର ହୋଇଯାଇଥିବାରୁ କବାଟ ଖୋଲା ଥିବା ସନ୍ଦେହ ସୃଷ୍ଟି ହୋଇଛି । ବର୍ତ୍ତମାନ ତାଙ୍କ ସ୍ୱାମୀ ବସ ରେ ମୁନିଗୁଡା ରୁ ଆସୁଛି ବୋଲି ଫୋନ ରେ କହିଥିବା ପ୍ରକାଶ ପାଇଛି । ଏ ନେଇ ପୋଲିସ ସବିଶେଷ ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରୁ ବୋଲି ସ୍ଥାନୀୟ ଅଞ୍ଚଳରେ ଦାବୀ ହୋଇଛି ।