ରିପୋର୍ଟ : ଅକ୍ଷୟ କୁମାର ପିଡ଼ିସିକା
କଲ୍ୟାଣସିଂହପୁର, (୫/୩) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ତହସିଲ କାର୍ଯ୍ୟାଳୟ ର ସଦଭାବନା ଗୃହ ଠାରେ ପଞ୍ଚାୟତରାଜ ଦିବସ ଅବସରରେ ବିଦ୍ୟାଳୟ ର ଶିକ୍ଷକ ମାନଙ୍କୁ ବିଦ୍ୟାଳୟ ନିମନ୍ତେ ଜମି ପଟ୍ଟା ବଣ୍ଟନ କରାଯାଇଛି । 
ପଞ୍ଚାୟତରାଜ ଦିବସ ଅବସରରେ ଶିକ୍ଷକ ମାନଙ୍କୁ ବିଦ୍ୟାଳୟ ନିମନ୍ତେ ଜମି ପଟ୍ଟା ବଣ୍ଟନ ସମୟରେ ତହସିଲଦାର ଦେବାଶିଷ କର, ଅତିରିକ୍ତ ତହସିଲଦାର ଗଣେଶ ଦଳେଇ, ଏବିଇଓ ମୋହନ ରାଓ କଣ୍ଡାଗରୀ ମଞ୍ଚାସିନ ରହିଥିଲେ । ପୂର୍ବରୁ ରହିଥିବା ବିଦ୍ୟାଳୟ ଗୁଡିକର ଜମି ପଟ୍ଟା ହୋଇ ନ ଥିବାରୁ ବିଭିନ୍ନ ସମସ୍ୟା ର ସମ୍ମୁଖୀନ ହେଉଥିଲେ । ଏସବୁ ସମସ୍ୟାକୁ ନେଇ ସରକାରଙ୍କ ବିଦ୍ୟାଳୟ ମାନଙ୍କର ଜମି ଚିହ୍ନଟ କରିବାକୁ ତହସିଲ କାର୍ଯ୍ୟାଳୟକୁ ନିର୍ଦ୍ଦେଶ ଦେଇଥିଲେ ।
ଉକ୍ତ ବ୍ଲକରେ ଯେତେ ସରକାରୀ ବିଦ୍ୟାଳୟ ରହିଛି । ସେ ସବୁର ଜମି ଚିହ୍ନଟ କରି ବିଦ୍ୟାଳୟ ଜମି ପଟ୍ଟା କରିଥିଲେ । ସ୍ପେଶାଲ ରାଇଟ ହିସାବରେ ୯୩ ଟି ସରକାରୀ ବିଦ୍ୟାଳୟ ର ଜମି ପଟ୍ଟା କରାଯାଇଛି । ପ୍ରଥମ ପର୍ଯ୍ୟାୟରେ ୩୨ ଟି ବିଦ୍ୟାଳୟ ର ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ଡାକି ପଟ୍ଟା ପ୍ରଦାନ କରିଥିଲେ ।
ବର୍ତ୍ତମାନ ଯେଉଁ ୫୧ ଟି ବେସରକାରୀ ବିଦ୍ୟାଳୟ ରହିଛି । ଏହି ବିଦ୍ୟାଳୟ ର ଜମି ମାଲିକମାନେ ଯଦି ସାଧାରଣ, ଜାତି ଓ ଜନ ଜାତି ବର୍ଗ ର ଲୋକେ ବିଦ୍ୟାଳୟ କୁ ଭୂମି ଦାନ କଲେ ଆଗାମୀ ଦିନରେ ସେହି ଜମିକୁ ଚିହ୍ନଟ କରି ଉକ୍ତ ବିଦ୍ୟାଳୟ କୁ ପ୍ରଦାନ କରାଯିବ ବୋଲି ତହସିଲଦାର ଦେବାଶିଷ କର ସୂଚନା ଦେଇଛନ୍ତି ।
ଏହାକୁ ଅମିନ ସି ରାଜୁ, ଜଙ୍ଗଲ ଜମି ଅଧିକାର ସଂଯୋଜକ ମଦନ ସୁନ୍ଦର ସାମଲ, ରାଜସ୍ୱ ଅଧିକାରୀ ସତ୍ୟଜିତ ଦାସ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।