ରିପୋର୍ଟ : ଅକ୍ଷୟ କୁମାର ପିଡ଼ିସିକା //
କଲ୍ୟାଣସିଂହପୁର, (୧୬/୩) : ରାୟଗଡା ଜିଲା କଲ୍ୟାଣସିଂହପୁର ବ୍ଲକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ସଦଭାବନ ଗୃହଠାରେ ଆଇ.ସି. ଏମ୍. ଆର ଆଞ୍ଚଳିକ ଭେଷଜ ଗବେଷଣା କେନ୍ଦ୍ର ଭୁବନେଶ୍ୱର ତରଫରୁ ୟୁନିଭର୍ସାଲ ହେଲଥ କଭରେଜ (ୟୁହେଚସି) ପ୍ରକଳ୍ପ ଆନୁକୂଲ୍ୟରେ ଏକଷ୍ଟେକ ହୋଲ୍ଡର ବୈଠକ ଅନୁଷ୍ଠିତ ହୋଇ ଯାଇଛି ।
କଲ୍ୟାଣସିଂହପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଷ୍ଟେକ ହୋଲ୍ଡର ବୈଠକରେ ଅତିରିକ୍ତ ତହସିଲଦାର ଗଣେଶ ଦଳେଇ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ (ଏଡିଏମଓ) ଅତିତିକ୍ତ ଜିଲା ସ୍ୱାସ୍ଥ୍ୟ ଅଧିକାରୀ ଡାକ୍ତର ଶ୍ରବଣ କୁମାର ସାହୁକାର, ଆଇ.ସି. ଏମ୍. ଆର ପ୍ରକଳ୍ପ ର ମୁଖ୍ୟ ଗବେଷକ ଡାକ୍ତର ଶ୍ରୀକାନ୍ତ କାନୁନଗୋ, ପ୍ରକଳ୍ପ ର ମୁଖ୍ୟ ଅଧିକାରୀ ଡାକ୍ତର ଅଞ୍ଜନ ବିଷୋୟୀ, ଭାରପ୍ରାପ୍ତ ଡାକ୍ତର ଚିନ୍ମୟୀ ଲିମା, ମାଝୀଗୁଡା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରର ଡାକ୍ତର ତିର୍ଥ ନାରାୟଣ ନାୟକ, ବଡତୋଡ୍ରରା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ର ଡାକ୍ତର ବିବେକାନନ୍ଦ ମହାପାତ୍ର, ଡାକ୍ତର ଶୋଭାଗ୍ୟ ହୁଈ, ଅର୍ଣ୍ଣପୂର୍ଣ୍ଣା ତାଣ୍ଡି ଅତିଥି ଭାବେ ମଞ୍ଚାସିନ ରହିଥିଲେ ।
ପ୍ରଥମେ ସ୍ଥାନୀୟ ଭାରପ୍ରାପ୍ତ ଡାକ୍ତର ଲିମା ସ୍ୱାଗତ ଭାଷଣ ଦେଇଥିଲେ, ପରେ ପ୍ରକଳ୍ପର କାର୍ଯ୍ୟକାରିତା ଓ ସ୍ୱାସ୍ଥ୍ୟକର୍ମୀମାନଙ୍କ ଦକ୍ଷତା ବୃଦ୍ଧି ବିଷୟରେ ଆଲୋକପାତ କରିଥିଲେ । ଯକ୍ଷ୍ମା ରୋଗ ର ନିରାକରଣ ଓ ଚିକିତ୍ସା ପାଇଁ ନିଆଯାଉଥିବା ବିଭିନ୍ନ ପଦକ୍ଷେପ ବିଷୟରେ ଅତିଥିମାନେ ବୁଝାଇଥିଲେ ।
ଶେଷରେ ପ୍ରକଳ୍ପ ର ମୁଖ୍ୟ ଅଧିକାରୀ ଅଞ୍ଜନ ବିଷୋୟୀ ଏହାକୁ ସମ୍ପୂର୍ଣ୍ଣ ପରିଚାଳନା କରିବା ସହ ଉପସ୍ଥିତ ଅତିଥିଙ୍କୁ ଧନ୍ୟବାଦ ଅର୍ପଣ କରିଥିଲେ ।ଏହାକୁ ଆଇ.ସି. ଏମ୍. ଆରର କର୍ମଚାରୀ ଇନ୍ଦୁରାଣୀ ସାଗର, ସନ୍ତୋଷ ସାହୁ, ରାଜେଶ ପଣ୍ଡା ସହଯୋଗ କରିଥିଲେ । ଏଥିରେ ଡାକ୍ତର, ଆଶା, ଅଙ୍ଗନବାଡି କର୍ମୀ, ମହିଳା ଓ ପୁରୁଷ ସ୍ୱାସ୍ଥ୍ୟ କର୍ମୀ ପ୍ରମୁଖ ଉପସ୍ଥିତ ରହିଥିଲେ । ପ୍ରକାଶ ଥାଉକି ୟୁ. ଏଚ. ସି ପ୍ରକଳ୍ପ ଟି ପ୍ରଥମ ଥରପାଇଁ ରାୟଗଡା ଜିଲ୍ଲା ରେ ଚାଲୁଛି । ଏଥିରେ ଯକ୍ଷ୍ମା, ମାତୃ ଶିଶୁ ସ୍ୱାସ୍ଥ୍ୟ ସେବା ଓ ସ୍ୱାସ୍ଥ୍ୟ ଓ ଆରୋଗ୍ୟ କେନ୍ଦ୍ର ର ସଫଳ ରୂପାୟନ ଉପରେ ପ୍ରାଧାନ୍ୟ ଦିଆଯାଉଛି ।