-5.7 C
Innichen
Thursday, August 18, 2022

ସିଭିଲ ଇଂଜିନିୟର ଚାକିରି ଛାଡ଼ି ସରପଞ୍ଚ ହେଲେ ଏସିଅ ଶଵର

ରିପୋର୍ଟ : ବିରଞ୍ଚି ପ୍ରସାଦ //
ଗୁଣୁପୁର, (୨୫/୦୩) : ମନରେ ସମାଜ ସେବା କରିବାର ଜୁନୁନ ଯେ, ଜଣେ ମୋଟା ଅଙ୍କର ଵେତନଧାରି କାର୍ଯ୍ୟରତ ସିଭିଲ ଇଂଜିନିୟର କୁ ବାଧ୍ୟ କରିବ ରାଜନୀତି କରିବାକୁ ଏହା ବିଶ୍ଵାସ ଯୋଗ୍ୟ ନୁହେଁ । କିନ୍ତୁ ଏଭଳି ଏକ ଘଟଣା ଘଟିଛି ରାୟଗଡା ଜିଲ୍ଲା ଗୁଣପୁର ବ୍ଲକ ଅନ୍ତର୍ଗତ ପୁଟାସିଙ୍ଗ ଗ୍ରାମ ପଞ୍ଚାୟତରେ ।

ଏସିଅ ଶଵର ଇଞ୍ଜିନିୟର ଚାକିରି ଛାଡ଼ି ଚଳିତ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ସରପଞ୍ଚ ପ୍ରାର୍ଥୀ ଭାବେ ନିର୍ବାଚନ ଲଢ଼ି ବିଜୟୀ ହୋଇଛନ୍ତି । ଜଣେ ଉଚ୍ଚ ଶିକ୍ଷିତ ଆଦିବାସୀ ଯୁବକ କୁ ନିଜ ପଞ୍ଚାୟତ ର ସରପଞ୍ଚ ଭାବେ ପାଇ ପଞ୍ଚାୟତଵାସି ଏକ ସ୍ବାଗତ ସମାରୋହର ଆୟୋଜନ କରିଥିଲେ । ଆଦିବାସୀ ଅଧ୍ୟୁଷିତ ପୁଟାସିଙ୍ଗ ପଞ୍ଚାୟତ ର ଏକ ଚାଷି ପରିବାରରେ ଜନ୍ମଗ୍ରହଣ କରିଥିବା ଏସିଅ ଶଵର ଗୁଣପୁର ଅଞ୍ଚଳରେ ପ୍ରାଥମିକ ଶିକ୍ଷା ସମାପ୍ତ ପରେ ଭୂଵନେଶ୍ଵର ସ୍ଥିତ କିସ୍ ଶିକ୍ଷାନୁଷ୍ଠାନରେ ଯୁକ୍ତ ଦୁଇ ଓ ଗୁଣପୁର ଵିଟସ୍ କଲେଜରେ ଡିପ୍ଲୋମା ଓ ଶେଷରେ ରାୟଗଡା ରିତମ୍ ଶିକ୍ଷାନୁଷ୍ଠାନରୁ ସିଭିଲ ଇଂଜିନିୟର ଡିଗ୍ରୀ ହାସଲ କରିଥିଲେ ।

ଶିକ୍ଷା ସମାପ୍ତ ପରେ ମାଲକାନଗିରି ଜିଲ୍ଲାରେ ମୃତ୍ତିକା ସଂରକ୍ଷଣ ଵିଭାଗରେ କନିଷ୍ଠ ଯନ୍ତ୍ରୀ ଭାବେ କାର୍ଯ୍ୟ କରୁଥିଲେ । ପିଲାଟି ଦିନରୁ ଜନସେଵା କରିବା ଇଛା ଶେଷରେ ଚାକିରି ଛାଡ଼ି ନିଜ ଜନ୍ମମାଟିକୁ ଫେରିବାକୁ ବାଧ୍ୟ ହୋଇଥିଲେ । ଗାଁ କୁ ଫେରି ପ୍ରଥମେ ” ପରିବର୍ତ୍ତନ” ନାମରେ ଏକ ଟ୍ରଷ୍ଟ୍ ଗଠନ କରି ଦିନ ଦରିଦ୍ରଙ୍କ ସେଵା ଆରମ୍ଭ କରିଥିଲେ । ଲକ୍ଷ ଥିଲା ଗରିବ ନିଷ୍ପେସିତ ଲୋକଙ୍କୁ ମୁଖ୍ୟ ସ୍ରୋତରେ ସାମିଲ କରିବା ସହ ସେମାନଙ୍କ ଶିକ୍ଷା , ଚିକିତ୍ସା , ଆର୍ଥିକ ଓ ବହୁବିଧ ଉନ୍ନତି କରି ନିଜ ଅଞ୍ଚଳର ବିକାଶ କରିବା । ଶେଷରେ ପଞ୍ଚାୟତବାସିଙ୍କ ଅନୁରୋଧ କ୍ରମେ ଚଳିତ ପଞ୍ଚାୟତ ନିର୍ବାଚନରେ ସରପଞ୍ଚ ପ୍ରାର୍ଥୀ ଭାବେ ନିର୍ବାଚନ ଲଢ଼ି ବିଜୟୀ ହୋଇଥିଲେ ଏସିଅ ଶଵର ।

ଏହି ଵିଜୟର ଶ୍ରେୟ ଏସିଅ , ପଞ୍ଚାୟତ ବାସୀଙ୍କୁ ଦେଇଥିବା ବେଳେ ଆଜୀଵନ ଜନସାଧାରଣଙ୍କ ସେଵାରେ ନିଜକୁ ନିୟୋଜିତ କରିଵେ ଵୋଲି କହିଛନ୍ତି । ଏବଂ ସରକାରଙ୍କ ଯୋଜନା ଗୁଡିକରେ ଲୋକମାନଙ୍କୁ ସାମିଲ କରିବା ଦିଗରେ ପ୍ରାଥମିକତା ଦେଵେ ବୋଲି ପ୍ରତିଶ୍ରୁତି ଦେଇଛନ୍ତି । ନିଜ ପଞ୍ଚାୟତକୁ ଶ୍ରେଷ୍ଠ ପଞ୍ଚାୟତରେ ପରିଣତ କରିବା ପାଇଁ ସେ ସମସ୍ତଙ୍କ ସହଯୋଗ ଭିକ୍ଷା କରିଛନ୍ତି । ତେବେ ଏହି ଯୁବ ସରପଞ୍ଚ ଏସିଅ ଶଵର ନିଜ ରାଜନୀତି କ୍ଷେତ୍ରରେ କେତେ ସଫଳ ହେଉଛନ୍ତି ଓ ଏହି ବଅବହେଳିତ ନିଷ୍ପେସିତ ଆଦିବାସୀ ମାନେ କେବେ ମୁଖ୍ୟ ସ୍ରୋତରେ ସାମିଲ ହେଉଛନ୍ତି ଦେଖିବାକୁ ବାକି ରହିଲା ।

Related Articles

Stay Connected

0FansLike
3,437FollowersFollow
20,000SubscribersSubscribe
- Advertisement -spot_img

Latest Articles