ରିପୋର୍ଟ : ଗୋପୀନାଥ ଗୌଡ଼
ଭୁବନେଶ୍ୱର/ଟିକିରି, (୩୧/୦୭) : ଆଦିତ୍ୟ ବିର୍ଲା ଗ୍ରୁପ ର ହିଣ୍ଡାଲ୍କୋ ଇଣ୍ଡଷ୍ଟ୍ରିଜ ଲିମିଟେଡ଼ ର ଏକ ସହଯୋଗୀ କମ୍ପାନୀ ଉତ୍କଳ ଆଲୁମିନା ଇଣ୍ଟରନେସନାଲ ଲିମିଟେଡ଼ ନିମନ୍ତେ RIC ରାୟଗଡ଼ା ପକ୍ଷରୁ ଜିଲ୍ଲାପାଳ ଏବଂ ଜିଲ୍ଲା ମାଜିଷ୍ଟ୍ରେଟଙ୍କ ଅଧ୍ୟକ୍ଷତାରେ ଏକ ପ୍ଲାଣ୍ଟ ସ୍ତରୀୟ ପରାମର୍ଶକାରୀ କମିଟି ବୈଠକ (PLCC) ୨୦୨୨ ଜୁଲାଇ ୨୯ ତାରିଖରେ ଉତ୍କଳ ଆଲୁମିନା ର ସହରାଞ୍ଚଳ ପରିସରରେ ଆୟୋଜିତ ହୋଇଯାଇଛି ।
RIC ରାୟଗଡ଼ା ପକ୍ଷରୁ ଅନୁଷ୍ଠିତ ଏହି ବୈଠକରେ ଉତ୍କଳ ଆଲୁମିନା ର ଜିଲ୍ଲା ଗୁଡ଼ିକରେ SME ଉତ୍ପାଦ ଗୁଡ଼ିକର ଚାହିଦା ଓ ଯୋଗାଣ ସୁଯୋଗ ଅନୁଧ୍ୟାନ କରିବା ଏବଂ ଶିଳ୍ପ ସମୂହ ଓ MSME ଗୁଡ଼ିକ ମଧ୍ୟରେ କାର୍ଯ୍ୟକାରିତାଗତ ସମ୍ପର୍କକୁ ତ୍ୱରାନ୍ୱିତ କରିବା ସକାଶେ MSME ଓ ଶିଳ୍ପ ସମୂହ ମଧ୍ୟରେ ଏକ ସମ୍ପର୍କ ବିନ୍ଦୁ ସ୍ଥାପନ କରିବା ଏହାର ଉଦ୍ଦେଶ୍ୟ । ମୋଟାମୋଟି ଭାବରେ MSME ଗୁଡ଼ିକୁ ପ୍ରୋତ୍ସାହିତ କରି ଏହି ଅଞ୍ଚଳରେ ଔଦ୍ୟୋଗିକ ପରିବ୍ୟବସ୍ଥାକୁ ମଜବୁତ କରିବା ଏହି ବୈଠକ ର ଉଦ୍ଦେଶ୍ୟ ଥିଲା ।
ବୈଠକରେ ରାୟଗଡ଼ା ଜିଲ୍ଲାପାଳ ତଥା ଜିଲ୍ଲା ମାଜିଷ୍ଟ୍ରେଟ ଶ୍ରୀମତୀ ସ୍ଵଧା ଦେବ ସିଂ ଅଧ୍ୟକ୍ଷତା କରିଥିବା ବେଳେ ୟୁନିଟ ହେଡ଼ ଓ ପ୍ରେସିଡେଣ୍ଟ ଶ୍ରୀ ମଜହର ବେଗ ବୈଠକରେ ସହ ଅଧ୍ୟକ୍ଷତା କରିଥିଲେ । ଶ୍ରୀ ବିକାଶ ଚନ୍ଦ୍ର ବେନ, RIC, ରାୟଗଡ଼ା ସଦସ୍ୟ ଆବାହକ ଭାବରେ ଏହି ବୈଠକ ଆହୂତ କରିଥିଲେ ।
ଶ୍ରୀ ସୁଧାକର ବିଶ୍ୱାଳ, ଚିଫ ଫାଇନାନ୍ସ ଅଫିସର ଉତ୍କଳ ଆଲୁମିନା ଉକ୍ତ ବୈଠକରେ ଉତ୍କଳ ଆଲୁମିନା ପ୍ଲାଣ୍ଟ ସମ୍ପର୍କରେ ଏକ ମୋଟାମୋଟୀ ଚିତ୍ର ଉପସ୍ଥାପନା କରିବା ସହିତ ଏହି ଅଞ୍ଚଳ ର MSME ଗୁଡ଼ିକୁ ସମର୍ଥନ କରିବା ନେଇ ରହିଥିବା ସୁଯୋଗ ଓ ସମ୍ଭାବନା ସମ୍ପର୍କରେ ଆଲୋକପାତ କରିଥିଲେ ।
ହେଡ଼ କମର୍ସିୟାଲ, ଉତ୍କଳ ଆଲୁମିନା ଶ୍ରୀ ଅମିତ ପଣ୍ଡା MSME ଗୁଡ଼ିକ ସହିତ ବ୍ୟବସାୟିକ ସହଭାଗିତା ସମ୍ପର୍କରେ ପ୍ରକାଶ କରିଥିଲେ । ସେ କମ୍ପାନୀ ର ଭେଣ୍ଡର ପଞ୍ଜିକରଣ ବ୍ୟବସ୍ଥା, ଆହାରଣଯୋଗ୍ୟ ସାମଗ୍ରୀ ର ଶିଳ୍ପ ସ୍ତରରେ ଆବଶ୍ୟକତା ସମ୍ପର୍କରେ ତଥା ଉପସ୍ଥାପନ କରିବା ସହିତ କମ୍ପାନୀ ପକ୍ଷରୁ ଫ୍ଲାଇ ଆସ ଏବଂ ଲାଇମ ଗ୍ରୀଡ଼ ଯୋଗାଇ ଦିଆଯାଇଥିବା ଭେଣ୍ଡରମାନଙ୍କର ତାଲିକା ପ୍ରକାଶ କରିଥିଲେ ।
ଉତ୍କଳ ଆଲୁମିନା ର ଟିମ CSR ଏବଂ CR ଏଣ୍ଡ ସଷ୍ଟେନେବିଲିଟି ଗୋଷ୍ଠୀ ବିକାଶ ପ୍ରୟାସ ସମୂହ ଏବଂ ପ୍ରୋଜେକ୍ଟ “ଉଦ୍ୟମି” ଅଧୀନରେ କ୍ଷୁଦ୍ର ଉଦ୍ୟୋଗୀ ମାନଙ୍କୁ ପ୍ରୋତ୍ସାହିତ କରିବା ସମ୍ଭାବନା ସମ୍ପର୍କରେ ପ୍ରକାଶ କରିଥିଲେ । ଉତ୍କଳ ଆଲୁମିନା ପକ୍ଷରୁ ଏହାର ପ୍ରୋଜେକ୍ଟ “ଉଦ୍ୟମି” ଅଧୀନରେ ଏହାର ପରିପାର୍ଶ୍ଵିକ ଅଞ୍ଚଳରେ କ୍ଷୁଦ୍ର ଶିଳ୍ପ ଗୁଡ଼ିକୁ ପ୍ରୋତ୍ସାହିତ କରିବା ଦିଗରେ ଯୋଗାଇ ଦିଆଯାଉଥିବା ସମର୍ଥନ ଆଲୋଚନା ବୈଠକରେ ଉପସ୍ଥିତ ଥିବା ଅଧିକାଂଶ ଅତିଥିଙ୍କର ଦୃଷ୍ଟି ଆକର୍ଷଣ କରିଥିଲା ।
ଶ୍ରୀ କେ. ନାରିନ କୁମୁଦନ, ପ୍ରେସିଡେଣ୍ଟ, ଓଡ଼ିଶା ଆସେମ୍ବ୍ଲି ଅଫ ସ୍ମଲ ଆଣ୍ଡ ମିଡ଼ିଅମ ଏଣ୍ଟରପ୍ରାଇଜେସ (OASME , ରାୟଗଡ଼ା) ଏବଂ ଶ୍ରୀ ଏ. ଗୋବିନ୍ଦ ରାଓ, ପ୍ରେସିଡେଣ୍ଟ ଡିଷ୍ଟ୍ରିକ୍ଟ ସ୍ମଲ ସ୍କେଲ ଇଣ୍ଡଷ୍ଟ୍ରିଜ ସେଣ୍ଟର (DSSIA , ରାୟଗଡ଼ା) ସହଯୋଗିତା ସ୍ଥାପନ ଦିଗରେ ଟଯଲ ଆଲୁମିନା ସହିତ ସେମାଙ୍କର ସହଯୋଗିତା ସମ୍ପର୍କରେ ପ୍ରକାଶ କରିବା ସହିତ ସ୍ଥାନୀୟ MSME ଗୁଡ଼ିକ ଯେଭଳି କମ୍ପାନୀ ର ଆବଶ୍ୟକତା ପୂରଣ କରି ପାରିବେ, ସେଠି ପାଇଁ ସେମାନଙ୍କୁ ଅଗ୍ରାଧିକାର ଦେବାକୁ କମ୍ପାନୀକୁ ଅନୁରୋଧ କରିଥିଲେ ।
ଜିଲ୍ଲା ଗୁଡ଼ିକର ଉଦ୍ୟୋଗୀ ମାନେ ଉକ୍ତ ମଞ୍ଚରେ ସେମାନଙ୍କର ରହିଥିବା ବିଭିନ୍ନ ପ୍ରସଙ୍ଗ ଏବଂ ସମ୍ପର୍କରେ ଆଲୋଚନା କରିଥିଲେ । ଶ୍ରୀ ଭୀମସେନ ଶବର, ସବକଲେକଟର ଓ SDM ରାୟଗଡ଼ା, ଶ୍ରୀ ଧୀରେନ୍ଦ୍ରନାଥ ବିହାରୀ, LDM ରାୟଗଡ଼ା, ଶ୍ରୀ ସବ୍ୟସାଚୀ ସାହୁ, IPO ରାୟଗଡ଼ା, ଉତ୍କଳ ଆଲୁମିନା ର ବରିଷ୍ଠ ଅଧିକାରୀଗଣଙ୍କ ସମେତ ଅନ୍ୟ ବିଶିଷ୍ଟ ବ୍ୟକ୍ତିମାନେ ଏହି ବୈଠକରେ ଉପସ୍ଥିତ ଥିଲେ ।
ଏହି ଅବସରରେ ପ୍ରକାଶ କରି ଉତ୍କଳ ଆଲୁମିନା ର ୟୁନିଟ ହେଡ଼ ଦୋହରାଇ ଥିଲେ ଯେ କ୍ଷୁଦ୍ର ଓ ମଧ୍ୟମ ଉଦ୍ୟୋଗ ଗୁଡ଼ିକ ଆମ ଅର୍ଥନୀତି ର ମେରୁଦଣ୍ଡ । ଏଗୁଡ଼ିକୁ ମଜଭୁତ କରାଗଲେ ତାହାଦ୍ୱାରା କେବେଳ ସେମାନଙ୍କର ଉନ୍ନତି ସାଧିତ ହେବ ନାହିଁ, ତାହା ସହିତ ଏହି ଅଞ୍ଚଳ ର ସମୁଦାୟ ଉଦ୍ୟୋଗୀକ ପରିବ୍ୟବସ୍ଥାରେ ରୂପାନ୍ତରଣ ହୋଇ ପାରିବ । ସେ ଉଲ୍ଲେଖ କରିଥିଲେ ଯେ ଉତ୍କଳ ଆଲୁମିନା ଏହି ଅଞ୍ଚଳ ର MSME ସମୂହ ଏବଂ ନବାଗତା ଉଦ୍ୟୋଗୀ ମାନଙ୍କୁ ସମର୍ଥନ କରିବାକୁ ପ୍ରତିବଦ୍ଧ ରହିଛି ।
ଜିଲ୍ଲାପାଳ ତଥା ଜିଲ୍ଲା ମାଜିଷ୍ଟ୍ରେଟେ RIC , ରାୟଗଡ଼ା ଏବଂ ଉତ୍କଳ ଆଲୁମିନା ପକ୍ଷରୁ PLCC ବୈଠକ ଆୟୋଜନକୁ ପ୍ରଶଂସା କରିଥିଲେ । ସେ ଏକ ସମତୁଲ କ୍ଷେତ୍ର ଯୋଗାଇ ଦେବା ଉପରେ ଗୁରୁତ୍ୱ ଦେଇଥିଲେ ଯେଉଁଠାରେ MSME ସମୂହ ଏବଂ କର୍ପୋରେଟେ ସମ୍ମିଳନୀ ଭାବରେ ସମୃଦ୍ଧି ହାସଲ ସହିତ ଉକ୍ତ ଅଞ୍ଚଳ ର ସାମାଜିକ-ଅର୍ଥନୈତିକ ସ୍ଥିତିରେ ରୂପାନ୍ତରଣ ଆଣିପାରିବେ ।
ଏକ ଦାୟିତ୍ଵସମ୍ପନ୍ନ କର୍ପୋରେଟ ସଂସ୍ଥା ଭାବରେ UAIL ରାୟଗଡ଼ା ଓ କଳାହାଣ୍ଡି ଆଦି ଦୁଇଟି ଜିଲ୍ଲାରେ ତାହାର CSR ଏବଂ CR ଏଣ୍ଡ ସଷ୍ଟେନେବିଲିଟି ପ୍ରୟାସ ସମୂହ ଅଧୀନରେ ନିଜର ପରିପାର୍ଶ୍ଵିକ ବିକାଶ କାର୍ଯ୍ୟ ଗୁଡ଼ିକ କାର୍ଯ୍ୟକାରୀ କରିବାରେ ଗଭୀର ଭାବରେ ନିୟୋଜିତ ରହିଛି ଏବଂ ଏହି ଦୁଇ ଜିଲ୍ଲାରେ ୨ ଟି ବ୍ଲକ ର ୧୨ ଟି ଗ୍ରାମ ପଞ୍ଚାୟତ ଅନ୍ତର୍ଗତ ୨୩୨ ଟି ଗ୍ରାମକୁ ସେବା ଯୋଗାଇ ଦେଉଛି ।
ABG ର ଶିକ୍ଷା, ସ୍ୱାସ୍ଥ୍ୟସେବା, ଦୀର୍ଘସ୍ଥାୟୀ ଜୀବିକା ଉପାର୍ଜନ, ଗ୍ରାମାଞ୍ଚଳ ଭିତ୍ତିଭୂମି ଏବଂ ସାମାଜିକ ପ୍ରସଙ୍ଗ ଗୁଡ଼ିକ ପ୍ରତି ଦୃଷ୍ଟି ଦେଇ ସମାଧାନ କରିବା ଆଦି ୫ ଟି ମୁଖ୍ୟ କ୍ଷେତ୍ର ଉପରେ ଦୃଷ୍ଟିନିବଦ୍ଧ ପ୍ରୟାସ ଅଧୀନରେ UIAL ମୋଟାମୋଟି ଭାବରେ ୨,୦୦,୦୦୦ ରୁ ଅଧିକ ଲୋକଙ୍କ ଜୀବନକୁ ସ୍ପର୍ଶ କରୁଛି । UIAL ର ଅନନ୍ୟ ବହୁଧା-ସହଭାଗୀ ଭିତ୍ତିକ ପ୍ରୟାସ ଗୁଡ଼ିକ ଆଜିକୁ ୨ ଦଶନ୍ଧିରୁ ଅଧିକ ସମୟ ଧରି ଜନ ଜୀବନକୁ ସମୃଦ୍ଧ କରି ଆସୁଅଛି ।