ରିପୋର୍ଟ : ପ୍ରଣତି ସାବତ
କାଶୀନଗର, (୦୪/୦୮) : ବିଭିନ୍ନ ଦାବି ନେଇ ପାରଳାଖେମୁଣ୍ଡି ରୁ ଆଇନଜୀବୀ ଶ୍ରୀ ପ୍ରଶାନ୍ତ ପ୍ରଧାନ ଙ୍କ ନେତୃତ୍ୱରେ ୱାଲଟିଆରରେ ବିଶାଖା ଡିଭିଜନ ର ଡି.ଆର.ଏମ. ଶ୍ରୀ ଅନୁପ କୁମାର ଶତପଥୀ ଙ୍କୁ ଭେଟି ଥିବା ଜଣାପଡିଛି ।
ପ୍ରକାଶ ଥାଉ କି ଶ୍ରୀ ପ୍ରଧାନ ବିଭିନ୍ନ ସମୟରେ ରେଳ ନିମନ୍ତେ ଆନ୍ଦୋଳନ କରି ଆସୁଥିଲେ । କଟକ ପଲାସମେମୁ ଟ୍ରେନ କୁ ଗୁଣୁପୁର ପର୍ଯ୍ୟନ୍ତ କୁ ସମ୍ପ୍ରସାରଣ ଦାବି ପୂରଣ ହୋଇଥିବା ରୁ ପ୍ରତିନିଧି ଦଳ ୱାଲଟିଆରରେ ଶ୍ରୀ ଶତପଥୀ ଙ୍କୁ ପୁଷ୍ପ ମାଳ ଦେଇ ସମ୍ବର୍ଦ୍ଧନା କରିଥିଲେ । ଏତଦ ବ୍ୟତୀତ ପାରଳାଖେମୁଣ୍ଡି, କାଶୀନଗର, ଗୁଣୁପୁର ଷ୍ଟେସନରେ ଆଲୋକୀକରଣ, ଅଟମେଟିକ ଟିକେଟ, ବ୍ୟବସ୍ତା, ପ୍ଲାଟଫର୍ମ ର ଉଚ୍ଚତା ବୃଦ୍ଧି, ପାନୀୟ ଜଳ ବ୍ୟବସ୍ଥା ଆଦି ଯୋଗାଇବାକୁ ପ୍ରତିନିଧି ଦଳ ଦାବି ରଖିଥିଲେ । ଏହି ପ୍ରତିନିଧି ଦଳରେ ସୁନୀଲ ପଟ୍ଟନାୟକ ଓ କନ୍ୟା କୁମାରୀ ସାହୁ ଯାଇଥିଲେ ।