ରିପୋର୍ଟ : ଅକ୍ଷୟ କୁମାର ପିଡ଼ିସିକା
କଲ୍ୟାଣସିଂହପୁର, (୧୨/୧୧) : ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ବୁଡ଼ାଗୁଡା ପଞ୍ଚାୟତର ଦେଉଳବାଡି ଗାଁ’ରେ ଠିଆ ହୋଇଥିବା ଘୋରାଇ ବସ କୁ ଧକ୍କା ଦେଇ ବାଇକ ଚାଳକ ଗୁରୁତର ହୋଇ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତି ହୋଇଥିବା ଦେଖିବାକୁ ମିଳିଛି ।
ଆଜି ସୁନାଖଣ୍ଡି ଠାରୁ ରାୟଗଡ଼ା ଅଭିମୁଖେ ଯାଉଥିବା ଘୋରେଇ ବସ ଟି ଦେଉଳବାଡି ଗାଁ’ରେ ଯାତ୍ରୀ ଙ୍କୁ ହୋଲ୍ଲାଇବା ପାଇଁ ଠିଆ ହୋଇ ଥିବାବେଳେ ଏକ ବାଇକରେ ସୁଶାନ୍ତ ପ୍ରାସ୍କା ଆସି ଘୋରେଇ ବସ କୁ ଧକ୍କା ଦେଇଥିଲା । ଯାହା ଫଳରେ ସୁଶାନ୍ତ ଗୁରୁତର ଅବସ୍ଥାରେ ପଡ଼ିଥିବାରୁ କିଛି ଲୋକ ରୋଗୀବୁହା ଗାଡିକୁ ଯୋଗାଯୋଗ କରି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ଏଠାରେ ଡାକ୍ତର ସମୟ ରଞ୍ଜନ ଜେନା ଦେଖି ପ୍ରାଥମିକ ଚିକିତ୍ସା କରି ଗୁରୁତର ରହିଥିବାରୁ ରାୟଗଡ଼ା ମୁଖ୍ୟ ଚିକିତ୍ସାଳୟ କୁ ପଠାଇଦେଇଛନ୍ତି । ଉକ୍ତ ଯୁବକର ଘର ବୁଡ଼ାଗୁଡା ଗାଁ’ର ବୋଲି ଜଣାପଡ଼ିଛି ।