ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର, (୧୨/୦୧) : ଜିଲ୍ଲାପାଳ ଙ୍କ ଫଣ୍ଡ କାଟିବା ନେଇ ବିରୋଧ କଲେ ବିଧାୟକ । ସରକାର ଙ୍କ କେବିକେ ଅଞ୍ଚଳ ଗୁଡିକ ନିମନ୍ତେ ଆସୁଥିବା ଫଣ୍ଡ କୁ ସଠିକ ବିନିଯୋଗ ନ କରି ନିଜ ମନୋମୁଖୀ ଭାବେ ବ୍ୟବହାର କରିବା ଓ ସାଧାରଣ ଙ୍କୁ ଉକ୍ତ କାର୍ଯ୍ୟକ୍ରମ ଗୁଡିକ ରୁ ବଞ୍ଚିତ ରଖାଯାଉ ଥିବା ଭଳି ଗୁରୁତର ଅଭିଯୋଗ କରିଛନ୍ତି କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା ।
ଜିଲ୍ଲାପାଳ ଙ୍କ ଫଣ୍ଡ କାଟିବା ନେଇ ବିରୋଧ କଲେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା । ଏପରିକି ଜନ ପ୍ରତିନିଧି ଙ୍କୁ ସମ୍ପୂର୍ଣ୍ଣ ଅବହେଳା କରାଯାଉ ଥିବା ନିଜ କ୍ଷମତା ର ଦୁର୍ବ୍ୟବହାର କରି ଶାସକ ଦଳ ନେତାଙ୍କ ସୁହାଇଲା ଭଳି ନିଜ କ୍ଷମତା ର ଅପବ୍ୟବହାର କରାଯାଉଛି ବୋଲି ପ୍ରକାଶ କରିଛନ୍ତି ଶ୍ରୀ ସାଲୁଜା । ପ୍ରତି ତିନି ମାସରେ ଥରେ ଜିଲ୍ଲା ପରିଷଦ ବୈଠକ ଅନୁଷ୍ଠିତ ହେବା ନିୟମ ରହିଥିବା ସତ୍ୱେ ସାତ ମାସ ପରେ ବୈଠକ ଅନୁଷ୍ଠିତ କରାଯାଉଅଛି ବୋଲି ପ୍ରକାଶ କରିଛନ୍ତି । ବିଜୁ କେବିକେ ସେୟାର ଗୁଡ଼ିକୁ ନିଜ ମନ ମୁତାବକ ଆବଣ୍ଟନ ଓ ଅନିୟମିତତା ହୋଇ ଆସୁଥିବା କହିଛନ୍ତି । ଏପରି କି, ସରକାରୀ ଗାଇଡ ଲାଇନ ଗୁଡ଼ିକୁ ଠିକ୍ ଭାବରେ ପାଳନ ନ କରୁଥିବା ଅଭିଯୋଗ ଉଠାଇଛନ୍ତି । ବଲାଙ୍ଗୀର ରେ ଆୟୋଜିତ ଏହି ବୈଠକ ରେ ଜିଲ୍ଲାପାଳ ଚଞ୍ଚଳ ରାଣା ଙ୍କ ସହ ଶ୍ରୀ ସାଲୁଜା ବେଶ ଯୁକ୍ତି, ତର୍କ କରିବା ସହ ଅଧା ରୁ ଉଠି ଚାଲିଯାଇ ଥିଲେ । ଏହି ବୈଠକ ରେ ଟିଟଲାଗଡ ବିଧାୟିକା ତଥା ମନ୍ତ୍ରି ଟୁକୁନି ସାହୁ ମଧ୍ୟ ଉପସ୍ଥିତ ରହି ଥିଲେ । ଏ ନେଇ ଜିଲ୍ଲାପାଳ କୌଣସି ପ୍ରକାର ପ୍ରତିକ୍ରିୟା ଦେଇ ନାହାଁନ୍ତି ।