ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ରାୟଗଡା, (୦୯/୦୪) : ଆଜି ବିଷୁବ ବନ୍ଧୁମିଳନ ଉତ୍ସବ କମିଟି, ରାୟଗଡା ଜିଲ୍ଲା ତରଫରୁ ମହିଳା ମାନଙ୍କ ପାଇଁ “ଓଡ଼ିଆ ପିଠା ପ୍ରସ୍ତୁତି” କାର୍ଯ୍ୟକ୍ରମ ରାୟଗଡା ନଗର ସ୍ଥିତ କୃଷ୍ଣଚନ୍ଦ୍ର ନଗର ଭବନ ଠାରେ ଆୟୋଜିତ ହୋଇଥିଲା ।
ବିଷୁବ ବନ୍ଧୁମିଳନ ଉତ୍ସବ କମିଟି ତରଫରୁ ମହିଳା ମାନଙ୍କ କାର୍ଯ୍ୟକ୍ରମ ରେ ସମୁଦାୟ ୩୪ ଜଣ ମହିଳା ଅଂଶଗ୍ରହଣ କରିଥିଲେ । ଏହି ପ୍ରତିଯୋଗୀତାରେ ଶ୍ରୀମତୀ ଦିପ୍ତୀ ମହାନ୍ତି ପ୍ରଥମ ସ୍ଥାନ, ଶ୍ରୀମତୀ ସଂଯୁକ୍ତା ମିଶ୍ର ଦ୍ଵିତୀୟ ସ୍ଥାନ, ଶ୍ରୀମତୀ ସଂଯୁକ୍ତା ଚାମୁଣ୍ଡା ତୃତୀୟ ସ୍ଥାନ ରେ ରହିଥିଲେ । କମିଟି ସଭାପତି ଡ଼ଃ ନିରଞ୍ଜନ ପ୍ରସାଦ ବକ୍ସିପାତ୍ରଙ୍କ ନେତୃତ୍ୱରେ ଆୟୋଜିତ ଉତ୍ସବର ଏହି ପ୍ରତିଯୋଗୀତା କୁ ଶ୍ରୀମତୀ ସୁଶ୍ରୀତା ଦାଶ, ଶ୍ରୀମତୀ ବିଦୁଲତା ହୁଈକା, ଶ୍ରୀମତୀ ଭାରତୀ ଚୌଧୁରୀ ଏବଂ ଶ୍ରୀ କେ.କେ ଜେନା ପରୀକ୍ଷଣ କରିଥିଲେ । ସେହିଭଳି ଭାବେ ୫ ରୁ ୧୫ ବର୍ଷ ବର୍ଗର ପିଲା ମାନଙ୍କୁ ନେଇ ଓଡ଼ିଆ ଗୀତ ମାଧ୍ୟମରେ ନୃତ୍ୟ ପ୍ରତିଯୋଗୀତା ଆୟୋଜିତ ହୋଇସାରିଛି । ଏଥିରେ ସମୁଦାୟ ୩୦ ଜଣ ପିଲା ଭାଗ ନେଇଥିଲେ ।
ଏଥିରେ ସୁଶ୍ରୀ ସମୃଦ୍ଧି ଦାଶ ପ୍ରଥମ, ସୁଶ୍ରୀ ଦିବ୍ୟାଂଶା ସାହୁ ଦ୍ଵିତୀୟ ଓ ରିତିକା ବେହେରା ତୃତୀୟ ସ୍ଥାନ ଗ୍ରହଣ କରିଛନ୍ତି । ଏହା ସହ ସୁଶ୍ରୀ ସମୃଦ୍ଧି ଛୁଆଳସିଂ ଏବଂ ସୁଶ୍ରୀ ପ୍ରଜ୍ଞାନୀ ସାହୁ ଙ୍କୁ ଅତିରିକ୍ତ ସ୍ଥାନ ଗ୍ରହଣ କରିଛନ୍ତି । ଏହି ପ୍ରତିଯୋଗୀତା କୁ ଶ୍ରୀମତୀ ସସ୍ମିତା ସାମଲ, ଶ୍ରୀମତୀ ଚିରଶ୍ମିତା ନାୟକ ଏବଂ ଶ୍ରୀ ରାଜେଶ ପାଢ଼ୀ ପରୀକ୍ଷଣ କରିଥିଲେ । ଶ୍ରୀମତୀ ଶୁଭ୍ରା ପଣ୍ଡା ଙ୍କ ସହ ଅନ୍ୟାନ୍ୟ ସଂଯୋଜିକା ଗଣ ଏହି କାର୍ଯ୍ୟକ୍ରମ କୁ ପରିଚାଳନା କରିଥିଲେ । ଏହି ବିଷୁବ ବନ୍ଧୁ ମିଳନ ଉତ୍ସବ ଆସନ୍ତା ୧୪ ଓ ୧୫ ଦୁଇଦିନ ଧରି ରାୟଗଡା ସଦରମହକୁମା ସ୍ଥିତ ଜିସିଡ଼ି ହାଇସ୍କୁଲ ପଡ଼ିଆ ଠାରେ ଆୟୋଜିତ ହେବ ।