ରିପୋର୍ଟ : ଲୋକନାଥ ସାହୁ
ଗୁଡ଼ାରୀ, (୧୬/୪) : ରାୟଗଡା ଜିଲ୍ଲା ଗୁଡ଼ାରୀ ବ୍ଲକ ମିଶନ ଶକ୍ତି ଭବନ ମନ୍ତ୍ରୀ ଶ୍ରୀ ଜଗନ୍ନାଥ ସାରକାଙ୍କ କରକମଳରେ ଉଦଘାଟିତ ହୋଇଯାଇଛି ।
ଆଦିବାସୀ ପାରମ୍ପାରିକ ନୃତ୍ୟ ରେ ଅତିଥି ମାନଙ୍କୁ ସ୍ଵାଗତ କରାଯାଇଥିଲା । ଗୁଡ଼ାରୀ ବ୍ଲକ ମିଶନ ଶକ୍ତି ଭବନ ଉଦ୍ଘାଟନ କାର୍ଯ୍ୟକ୍ରମରେ ବିଧାୟକ ରଘୁନାଥ ଗମାଙ୍ଗ, ରାୟଗଡା ବିଧାୟକ ମକରନ୍ଦ ମୁଦୁଲି, ବିଜୁ ସ୍ୱାସ୍ଥ୍ୟ କଲ୍ୟାଣ ଉପଦେଷ୍ଟା ସୁଧୀର ଦାସ, ଜିଲ୍ଲା ପରିଷଦ ଅଧ୍ୟକ୍ଷା ସରସ୍ୱତୀ ମାଝୀ ଅତିଥି ଭାବେ ଉପସ୍ଥିତ ରହିଥିଲେ । ଏହି ଭବନ କାର୍ଯ୍ୟକ୍ଷମ ହେଲେ ବ୍ଲକ ର ସମସ୍ତ ମିଶନଶକ୍ତି ଅନ୍ତର୍ଭୁକ୍ତ ମହିଳାମାନେ ଏଠାରେ ନିଜର ସମସ୍ତ ସରକାରୀ କାର୍ଯ୍ୟ ସମ୍ପାଦନ କରିପାରିବେ ବୋଲି ବିପିଏମ ମାନସ କୁମାର ବାରିକ ମତ ଦେଇଛନ୍ତି । କାର୍ଯ୍ୟକ୍ରମରେ ବ୍ଲକ ମିଶନଶକ୍ତି ସଭାପତି ସଂଯୁକ୍ତା ବୀରଦଳେଇଙ୍କ ସମେତ ସମସ୍ତ ସ୍ୱୟଂ ସହାୟକ ଗୋଷ୍ଠୀର ମହିଳା ମାନେ ଉପସ୍ଥିତ ଥିଲେ ଓ ଗୁଡ଼ାରୀବ୍ଲକ ର ସମସ୍ତ ବିଜେଡି ଦଳର କର୍ମୀ, ଗୁଡ଼ାରୀ ବିଜେଡି ନେତା ସନ୍ତୋଷ ମହାନ୍ତି ଓ କେଦାର ସାହୁ ଉପସ୍ଥିତ ଥିଲେ ।