ରିପୋର୍ଟ : ଲୋକନାଥ ସାହୁ
ଗୁଡ଼ାରୀ, (୦୩/୦୮) : ରାୟଗଡା ଜିଲ୍ଲା ଗୁଡ଼ାରୀ ବ୍ଲକ ଶିରିଗୁଡ଼ା ଗ୍ରାମ ପଞ୍ଚାୟତ ନିକଟସ୍ଥ ଶିରିଗୁଡ଼ା ନାଳ ଦୁଇ ପାର୍ଶ୍ୱ ରେ ମାଟି ଖସିବା ସହ ପୋଲ ବର୍ଷା ରେ ଭାଙ୍ଗି ଯାଇଥିବା ଜଣାପଡ଼ିଛି l
ଦୁଇ ଦିନ ଧରି ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ଗୁଡ଼ାରୀ ତଥା ଆଖପାଖ ପଞ୍ଚାୟତ ଗୁଡିକରେ ଅବସ୍ଥା ସାଂଘାତିକ ହେଲାଣି । ନଦୀ ନାଳରେ ପାଣି ବଢିବାରେ ଲାଗିଛି । ଏହା ମଧ୍ଯରେ ଗ୍ରାମ ପାର୍ଶ୍ୱରେ ନାଳର ପାଣି ବଢିବାରେ ଲାଗିଛି।ସେଠାରେ ନିର୍ମାଣଧୀନ ପୋଲ କାମ ଚାଲୁଥିବା ବେଳେ ପାର୍ଶ୍ୱରେ ଥିବା ପୁରୁଣା ପୋଲ ଏବେ ସେଠାକାର ଜନସାଧାରଣ ଯିବା ଆସିବା କରୁଛନ୍ତି । ଲଗାଣ ବର୍ଷା ଯୋଗୁଁ ରାସ୍ତା ଉଭୟ ପାର୍ଶ୍ଵରୁ ମାଟି ଧୋଇ ଯାଇଛି ।
ଶିରିଗୁଡ଼ା ଗ୍ରାମ ପଞ୍ଚାୟତ ର ୧୦ ରୁ ଉର୍ଦ୍ଧ ଗ୍ରାମ ଶିରିଗୁଡ଼ା ରୁ ବିଚ୍ଛିନ୍ନ ହୋଇପଡ଼ିଛନ୍ତି l ସେଠାରୁ କଲେଜ ଓ ସ୍କୁଲ ଆସୁଥିବା ଛାତ୍ରଛାତ୍ରୀ ଯିବାଆସିବା ରେ ବହୁତ ଅସୁବିଧା ର ସମ୍ମୁଖୀନ ହେଉଛନ୍ତି l ପୋଲ କାମ ଆରମ୍ଭ ଦିନରୁ ଆର. ଡି ପକ୍ଷରୁ ଯାତାୟତ ପାଇଁ ସମସ୍ତ ପ୍ରକାରର ବ୍ୟବସ୍ଥା କରାଯାଇଛି । କିନ୍ତୁ ଗତ ଦୁଇ ଦିନ ହେଲାଣି ବର୍ଷା ଯୋଗୁଁ ରାସ୍ତାଟି ବନ୍ଦ କରାଯାଇଛି ବୋଲି ଆର.ଡି ଜେ ଇ କହିଛନ୍ତି । ବର୍ଷା ପରିମାଣ କମିଲେ ଏହାର ପୂର୍ଣ୍ଣ କାର୍ଯ୍ୟକ୍ଷମ କରାଯିବ ବୋଲି କହିଛନ୍ତି । ଅପରାହ୍ନ ରେ ଘଟଣା ସ୍ଥଳରେ ପହଞ୍ଚି ଗୁଣୁପୁର ବିଧାୟକ ଶ୍ରୀ ରଘୁନାଥ ଗମାଙ୍ଗ ସ୍ଥିତ ପରଖି ସମ୍ପୃକ୍ତ ଯନ୍ତ୍ରୀଙ୍କୁ ମୁନା ନାୟକ ଏହି କାମ କହୁବୁଶୀଘ୍ର କାର୍ଯ୍ୟକାରୀ ହେଉ ବଲି କହିଥିଲେ l