ରିପୋର୍ଟ : ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ //
ରାୟଗଡା,(୦୮/୦୯) : ଗତ ସପ୍ତାହ ବ୍ୟାପୀ ଆୟୋଜିତ ୬୫ତମ ଏଲ ଆଇ ସି ସପ୍ତାହ ରାୟଗଡାରେ ଏଲ ଆଇ ସି ଶାଖାର ସଭାକକ୍ଷରେ ଉଦଯାପିତ ହୋଇ ଯାଇଛି ।
ରାୟଗଡାରେ ଏଲ ଆଇ ସି ବରିଷ୍ଠ ଶାଖା ପରିଚାଳକ ସନ୍ତୋଷ କୁମାର ପାତ୍ର ଏ ଉପଲକ୍ଷେ ଅନୁଷ୍ଠିତ ସଭାରେ ଅଧ୍ୟକ୍ଷତା କରି ନିକଟ ଭବିଷ୍ୟତରେ ସଂସ୍ଥାରେ ବୈଷୟିକ ଉନ୍ନତି ସହ ସମତାଳରେ ଅଗ୍ରଗତି କରିବା ଦିଗରେ ବୀମାଧାରୀଙ୍କ ମୋବାଇଲ ନମ୍ବର ଓ ଇମେଲ ଆଇଡି ଆଦିର ଉପଯୋଗ କରିବା ପାଇଁ ସମସ୍ତଙ୍କୁ ପ୍ରବର୍ତ୍ତାଇବା ସହ ମହାମାରୀ ସମୟରେ ସୁଦ୍ଧା ଏଲ ଆଇ ସି ବ୍ୟଵସାୟିକ ଉନ୍ନତି ହାସଲ ଓ ସେବା ପ୍ରଦାନରେ ପାରଦର୍ଶୀ ହୋଇ ପାରିଥିବା ବର୍ଣ୍ଣନା କରିଥିଲେ । ପ୍ରଶାସନିକ ଅଧିକାରୀ ପ୍ରକାଶ ଚନ୍ଦ୍ର ମୁଦୁଲିଙ୍କ ସଂଯୋଜନାରେ ଆୟୋଜିତ କାର୍ଯ୍ୟକ୍ରମକୁ ପ୍ରଶାସନିକ ଅଧିକାରୀ ସିଏଚ ଦୟାକର, ସହକାରୀ ଶାଖା ପରିଚାଳ ଅକ୍ରୂର ଜେନା, ସହ ପ୍ରଶାସନିକ ଅଧିକାରୀ ପି ନାଗ ଭୂଷଣ ରାଓ ଓ ସାୟାନ ଦତ୍ତ ପ୍ରମୁଖ ସହଯୋଗ କରିଥିଲେ ।
ବରିଷ୍ଠ ବ୍ୟବସାୟ ସହଯୋଗୀ ଗୋବିନ୍ଦ ପ୍ରସାଦ ରଥ ଏବଂ ବରିଷ୍ଠ ଅଭିକର୍ତ୍ତା ପ୍ରସନ୍ନ କୁମାର ନାୟକ ଓ ଉଚ୍ଚ ଶ୍ରେଣୀ ସହାୟକ (ପ୍ରଶାସନ) ଆରତି ପାତ୍ର ପ୍ରମୁଖ ନିଜ ନିଜ ବକ୍ତବ୍ୟରେ ଏଲ ଆଇ ସିର ଜନ କଲ୍ୟାଣକାରୀ ଭୂମିକାର ଆଲୋଚନା କରିଥିବା ବେଳେ, ସପ୍ତାହ ପାଳନାଅବସରରେ ସ୍ୱାସ୍ଥ୍ୟ ବିଭଗର ବିଭିନ୍ନ ସ୍ଥାନୀୟ କେନ୍ଦ୍ରରେ ପିପିଇ କିଟ , ସାନିଟାଇଜର ଓ ମାସ୍କ ବିତରଣ ନେଇ ସନ୍ତୋଷ ପ୍ରକାଶ ପାଇଥିଲା ।
ଏହି ଅବସରରେ ବରିଷ୍ଠ ଅଭିକର୍ତ୍ତା ବି ଏଚ ରାମଶାସ୍ତ୍ରୀ ଓ ବରିଷ୍ଠ ଉଚ୍ଚ ଶ୍ରେଣୀ ସହାୟକ ପି ସରୋଜାଙ୍କୁ ସମ୍ବର୍ଦ୍ଧିତ କରାଯାଇଥିବା ବେଳେ ସପ୍ତାହ ପାଳନ ମଧ୍ୟରେ ଆୟୋଜିତ ପିଲାଙ୍କ ଚିତ୍ରାଙ୍କନ ଓ କର୍ମଚାରୀଙ୍କ କୁଇଜ ପ୍ରତିଯୋଗିତାରେ ବିଜୟୀ ପ୍ରତିଯୋଗୀ ମାନଙ୍କୁ ବରିଷ୍ଠ ଶାଖା ପରିଚାଳକ ପୁରସ୍କୃତ କରିଥିଲେ ।