ରିପୋର୍ଟ : ଭଗବାନ ମହାନ୍ତି
ମୁରିବାହାଲ, (୧୬/୧୧) : ମୁରିବାହାଲ ରେଳ ଷ୍ଟେସନଠାରୁ ପଶ୍ଚିମ ଦିଗକୁ ୧୮୩/୧୬-୧୮ ରେଳଖମ୍ୱର ରେଳ ଲାଇନ ପାର୍ଶ୍ୱ ପୋଖରି ନିକଟରୁ କଣ୍ଟାବାଞ୍ଜି ଜିଆରପି ପୋଲିସ ଜଣେ ବିଜେଡ଼ି ନେତାଙ୍କ ମୃତଦେହକୁ ଉଦ୍ଧାର କରିଛି ।
ମୃତ ବିଜେଡ଼ି ନେତା ଜଣଙ୍କ ମୁରିବାହାଲ ସଦର ମହକୁମାର ଗୋବିନ୍ଦ ବଘାର (୬୧) ବୋଲି ଜଣାପଡିଛି । ସେ କୌଣସି ଦ୍ରୁତଗାମୀ ଟ୍ରେନରୁ ପଡ଼ିଯାଇଥିବା କିମ୍ବା କୌଣସି ଦ୍ରୁତଗାମୀ ଟ୍ରେନ ତାଙ୍କୁ ଧକ୍କା ଦେଇଥିବାରୁ ଘଟଣାସ୍ଥଳରେ ହିଁ ତାଙ୍କ ମୃତ୍ୟୁ ଘଟିଥିବା ସନ୍ଦେହ କରାଯାଉଛି । ମୃତ ଗୋବିନ୍ଦଙ୍କ ଘରେ ତାଙ୍କ ଧର୍ମପତ୍ନୀ ଓ ଜଣେ ପୁତ୍ର ଅଛନ୍ତି । କଣ୍ଟାବାଞ୍ଜି ଜିଆରପି ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି । ଏ ସମ୍ପର୍କରେ ଜିଆରପି ପୋଲିସ ଅପମୃତ୍ୟୁ କେଶ ନ ୫୫/୨୩ ରୁଜ୍ଜୁ କରି ଅଧିକ ତଦନ୍ତ ଜାରି ରଖିଥିବା ଜଣାପଡିଛି । ସେ ଜଣେ ପରୋପକାରୀ ମିଷ୍ଟ୍ରଭାସୀ ଥିଲେ ।ଶବାଧାରରେ ମୁରିବାହାଲ ସଦର ସରପଞ୍ଚ ତଥା ବ୍ଲକ ସରପଞ୍ଚ ସଂଘ ସଭାପତି ବିଶ୍ବବିହାରୀ ଯୋଶୀ, ବହୁ ନେତୃସ୍ଥାନୀୟ ବ୍ୟକ୍ତି, ପରିବାର ଓ ଆତ୍ମୀୟସ୍ୱଜନ ସାମିଲ ହୋଇଥିଲେ।ମୃତ ଗୋବିନ୍ଦଙ୍କ ପରଲୋକରେ ବହୁ ନେତୃସ୍ଥାନୀୟ ବ୍ୟକ୍ତି ଗଭୀର ଶୋକ ପ୍ରକାଶ କରିବା ସହ ତାଙ୍କ ଅକାଳ ବିୟୋଗରେ ସମଗ୍ର ଅଞ୍ଚଳରେ ଶୋକର ଛାୟା ଖେଳିଯାଇଛି ।