ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର/ଟିଟିଲାଗଡ, (୧୬/୦୪) : ଟିଟିଲାଗଡ ରେଳ ଜଙ୍କସନ ରୁ ସିକେର ରେଳ ଷ୍ଟେସନ ମଧ୍ୟରେ ଥିବା ରେଳ ଟ୍ରାକ ରୁ ଟିଟିଲାଗଡ ସହର ନେହେରୁନଗର ନିବାସୀ ସୁରଜ୍ ସାହୁ ଙ୍କ ସ୍ତ୍ରୀ କୁମାରୀ ସାହୁ ଙ୍କ ମୃତଦେହ ଉଦ୍ଧାର କରାଯାଇଛି ।
ଶିକେର ରେଳ ଟ୍ରାକ ରେ ମହିଳା ଙ୍କ ଶବ ଦେଖି ଜିଆରପି ପୁଲିସ୍ କୁ ଖବର ଦିଆଯାଇଥିଲା । ଟିଟିଲାଗଡ ଜି ଆର ପି ପୋଲିସ ସିକର ମୁଖ୍ୟ ଜି ଆର ପି ଥାନା କୁ ଖବର ଦେଇଥିଲେ । ବଲାଙ୍ଗୀର ଜି ଆର ପି ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ବଲାଙ୍ଗିର ଭୀମଭୋଇ ମେଡ଼ିକାଲ କଲେଜ ହସ୍ପିଟାଲ ପଠାଇ ଦେଇ ଥିଲା । ଉକ୍ତ ମହିଳା ଙ୍କୁ ହତ୍ୟା କରାଯାଇଛି ନା ଅନ୍ୟ କିଛି କାରଣ ଅଛି ସେ ନେଇ ନାନା ଆଲୋଚନା ହେଉଥିବା ବେଳେ ଏ ନେଇ ଜି ଆର ପି ପୋଲିସ ଅଧିକ ତଦନ୍ତ ଆରମ୍ଭ କରିଛି ।
ପ୍ରକାଶ ଯେ, ପଡିଶା ଲୋକ ଙ୍କ କହିବା ଅନୁଯାୟୀ ସୁରଜ୍ ଙ୍କ ସହ ତାଙ୍କ ମୃତ ସ୍ତ୍ରୀ ଙ୍କ କୌଣସି କାରଣରୁ ପାରିବାରିକ ବିବାଦ ଲାଗି ରହି ଆସୁଥିଲା । ମହିଳା ଙ୍କ ଘର କୁ ରାତି ପ୍ରାୟ ୧୨ ଟା ସମୟ ରେ ଏକ ଅଟୋ ଆସିଥିଲା ଓ ସେ ଅଟୋ ରେ ଚାଲିଯାଇ ଥିଲେ, ଏପରିକି ତାଙ୍କୁ ଟିଟିଲାଗଡ ରେଳ ଷ୍ଟେସନରେ ବୁଲୁଥିବା କିଛି ସ୍ଥାନୀୟ ଲୋକ ମଧ୍ୟ ଦେଖିଥିଲେ । ପରଦିନ ସକାଳେ ଟିଟିଲାଗଡ ରୁ ଶଗଡ଼ଘାଟ ରେଳ ଧାରଣା ବା ଟ୍ରାକ ରେ ସନ୍ଦେହ ଜନକ ଅବସ୍ଥାରେ ତାଙ୍କ ମୃତ ଦେହକୁ ଉଦ୍ଧାର କରାଯାଇଥିଲା ।
ଉକ୍ତ ସୁରଜ୍ ଙ୍କ ସ୍ତ୍ରୀ ବିଳମ୍ବିତ ରାତି ରେ କାହିଁକି ଘରୁ ଏକୁଟିଆ ଗଲେ,ତଥା ତାଙ୍କ ପାରିପାର୍ଶିକ ଅବସ୍ଥା ଅନୁଯାୟୀ ଏହା ଆତ୍ମହତ୍ୟା ନୁହେଁ ବୋଲି ସନ୍ଦେହ ଘନିଭୂତ ହେଉଥିବା ବେଳେ ଏ ନେଇ ତାଙ୍କ ପରିବାର କିଛି ପ୍ରତିକ୍ରିୟା ଦେବେ ନାହିଁ ବୋଲି ସ୍ପଷ୍ଟ ମନାକରି ଦେଇଛନ୍ତି। କେହି ହତ୍ୟା କରି ଉକ୍ତ ମହିଳା ଙ୍କୁ ଟ୍ରେନ ଲାଇନ ରେ ଫିଙ୍ଗି ଦେଇଥିବା ଭଳି ଗୁରୁତର ଅଭିଯୋଗ ହୋଇଛି । ଏ ଘଟଣା ର ଉପଯୁକ୍ତ ତଦନ୍ତ କରାଯିବା ନିମନ୍ତେ ଦାବି ହେଉଛି ।