ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୨୫/୪) : ଆଜି ସିପିଆଇ (ଏମ୍ ଏଲ) ଲିବରେସନ ତରଫରୁ ରାୟଗଡ଼ା ନିର୍ବାଚନ ମଣ୍ଡଳୀ ର ଏମ୍ ଏଲ ଏ ପ୍ରାର୍ଥୀ ଭାବେ ଆଦିବାସୀ ନେତା କ୍ରିଷ୍ଟା ପାଲାକା ନାମାଙ୍କନ ଦାଖଲ କରିଛନ୍ତି ।
ଗଣତନ୍ତ୍ର ଓ ସମ୍ବିଧାନ ବିପଦରେ ପଡିଛି, କେନ୍ଦ୍ରର ବିଜେପି ସରକାର ଆଜି ଦେଶକୁ ଖଣ୍ଡ ଖଣ୍ଡ କରି ଦେବାକୁ ଷଡଯନ୍ତ୍ର କରିଛି ଏବଂ ଦେଶର ସମ୍ପଦ କୁ ବଡବଡ ପୁଞ୍ଜିପତି ମାନଙ୍କ ହାତରେ ଟେକି ଦେଉଛନ୍ତି । ଦରବୃଦ୍ଧି ହୁ ହୁ ହୋଇ ବଢିବା ସହ ବେକାର ସମସ୍ୟା ଚରମ ସୀମାରେ ପହଞ୍ଚିଲାଣି । ଦେଶର ଅନ୍ନଦାତା ଆଜି ଆତ୍ମହତ୍ୟା କରୁଛି । ରାଜ୍ୟର ବିଜେଡ଼ି ସରକାର ସବୁ କ୍ଷେତ୍ରରେ କେନ୍ଦ୍ର ସରକାରଙ୍କ ସମର୍ଥନ କରୁଛନ୍ତି । ରାଜ୍ୟ ସରକାର ଏଯାବତ ଦାଦନ ରୋକିବାରେ ସମ୍ପୁର୍ଣ୍ଣ ବିଫଳ ହୋଇଛନ୍ତି । ଜନସାଧାରଣ ଆର୍ଶ୍ରୀବାଦ ରହିଲେ ଆଗାମୀ ଦିନରେ ଏକ ବିକଶିତ ଓଡ଼ିଶା ଗଠନ କରାଯିବ ବୋଲି ସିପିଆଇ (ଏମ୍ ଏଲ) ଲିବରେସନର ଏମ୍ ଏଲ ଏ ପ୍ରାର୍ଥୀ କ୍ରୀଷ୍ଣା ପାଲାକା କହିଛନ୍ତି ।
ରାଜ୍ୟରୁ ଦୂର୍ନୀତି ହଟାଇ ଏକ ସୁସ୍ଥ ଓଡ଼ିଶା ଗଠନ ପାଇଁ ତିନି ତାରା ପତାକା ଚିହ୍ନରେ ବିପୁଳ ମାତ୍ରାରେ ଭୋଟ ଦେଇ କ୍ରୀଷ୍ଣା ପାଲାକାଙ୍କୁ ଜୟଯୁକ୍ତ କରାଇବା ପାଇଁ ରାଜ୍ୟ କମିଟି ସଭ୍ୟ ତ୍ରିପତି ଗମାଙ୍ଗ ଅନୁରୋଧ କରିଛନ୍ତି । ଆଜିର ଏହି କାର୍ଯ୍ୟକ୍ରମରେ ଶରତ ଚନ୍ଦ୍ର ତ୍ରିପାଠୀ, ଆଛାନା ମଣ୍ଡାଙ୍ଗି, ବୈଷ୍ଟମ ଉଲାକା, ରବର୍ଟ ଜାନି, ନବିନ ମାଝୀ, ଲବସିଂ ମାଝୀ, ରାଧାମା ତାଡିଗିଂ, ସୁଭଦ୍ରା ଉଲାକା ପ୍ରମୁଖ ଉପସ୍ଥିତ ଥିଲେ ।