ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୨୬/୪) : ବିଜୁ ଜନତା ଦଳର ଷ୍ଟାର ପ୍ରଚାରକ ଭି କେ ପାଣ୍ଡିଆନ କୋରାପୁଟ ଜିଲ୍ଲାରେ ଆରମ୍ଭ କରିଛନ୍ତି ନିର୍ବାଚନ ପ୍ରଚାର ।
ଲୋକଙ୍କ କାମର ହିସାବ ଦେବା ସହ ନିର୍ବାଚନ ପ୍ରଚାର ମଙ୍ଗ ସମ୍ଭାଳିଲେ ଷ୍ଟାର ପ୍ରଚାରକ ପାଣ୍ଡିଆନ । ଆଜି ପିଣ୍ଡିଆନ ଗୁଣପୁର ଗସ୍ତ କରି ଏକ ସାଧାରଣ ସଭାର ଉଦବୋଧନ ଦେଇ ସିଧା ସଳଖ ବିରୋଧୀଙ୍କୁ ଟାର୍ଗେଟ କରି କରିଥିଲେ ସରକାରଙ୍କ ସଫଳତା ଦେଖି ବିରୋଧୀ କୁମ୍ଭୀର କାନ୍ଦଣା କାନ୍ଦୁଛନ୍ତି । କୋରାପୁଟ ସାଂସଦ ଅଞ୍ଚଳରେ ଉନ୍ନତି ପାଇଁ ଗୋଟେ ଇଟା ବି କେଉଁଠି ପକାଇ ନାହାନ୍ତି ବିରୋଧୀ । ଆଜି ଗୁଣପୁରରେ ହୋଇଥିବା ଜନସମାବେଶ ବିରୋଧୀଙ୍କ ନିଦ ହଜାଇଦେଵ ବୋଲି କହିଥିଲେ । ନବୀନ ସରକାରଙ୍କ ଜନହିତକର ଯୋଜନା କୁ ଆଖି ଆଗରେ ରଖି ଚଳିତ ନିର୍ବାଚନରେ ମଧ୍ୟ ନବୀନ ବାବୁଙ୍କ ହାତମୁଠାକୁ ଟାଣ କରିବା ପାଇଁ ଯୋଡ଼ି ଶଙ୍ଖ ରେ ଭୋଟ ଦେବାକୁ କରିଥିଲେ ।
ଗୋଟେ ଭୋଟ ଗୁଣପୁର ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀ ରଘୁନାଥ ଗମାଙ୍ଗ ଓ ଅନ୍ୟ ଗୋଟେ ଭୋଟ କୋରାପୁଟ ସାଂସଦ ପ୍ରାର୍ଥୀନୀ କୈାଶଲ୍ୟା ହିକକାଙ୍କୁ ଦେବାକୁ ଅନୁରୋଧ କରିଥିଲେ । ମଞ୍ଚରେ ବିଧାୟକ ପ୍ରାର୍ଥୀ ରଘୁନାଥ ଗମାଙ୍ଗ ଓ ସାଂସଦ ପ୍ରାର୍ଥୀନୀ କୌଶଲ୍ୟା ହିକକା ଉପସ୍ଥିତ ରହି ନବୀନ ସରକାରଙ୍କ ବିଭିନ୍ନ ଯୋଜନା ସମ୍ପର୍କରେ ଆଲୋକପାତ କରି ଭୋଟ ଭିକ୍ଷା କରିଥିଲେ ।
କାର୍ଯ୍ୟକ୍ରମରେ ବିଜେଡି ର ଜିଲ୍ଲା ସଭାପତି ଏନ୍ ଭାଷ୍କର ରାଓ , ରାଜ୍ୟ ବିଜେଡି ସାଧାରଣ ସମ୍ପାଦକ ସୁଧୀର ଦାସ ସମେତ ବହୁ ଦଳୀୟ ନେତା ଓ କର୍ମୀମାନେ ଉପସ୍ଥିତ ଥିଲେ । କାର୍ଯ୍ୟକ୍ରମକୁ ରାଜ୍ୟ ଛାତ୍ର ବିଜେଡି ଉପ ସଭାପତି ପିଙ୍କୁ ପଣ୍ଡା , ଯୁବ ବିଜେଡି ନଗର ସଭାପତି ରାମ ପଣ୍ଡା, ବ୍ଲକ ଯୁବ ସଭାପତି ବାସା ଶତପଥୀ , ବାବା ପ୍ରସାଦ , ମୁନା ପାଣି ଓ ବହୁ ଦଳୀୟ କର୍ମୀ ପରିଚାଳନା କରିଥିଲେ ।