ରିପୋର୍ଟ : ରଞ୍ଜିତ ବେହେରା
ଢେଙ୍କାନାଳ, (୦୪/୧୧) : ଆଜି ଢେଙ୍କାନାଳ ଜିଲ୍ଲା ର ଦକ୍ଷିଣକାଳୀ ରୋଡ଼ ସ୍ଥିତ ମାଁ ଦକ୍ଷିଣକାଳୀ ମନ୍ଦିର ପ୍ରାଙ୍ଗଣରେ ମାଁ ଦକ୍ଷିଣକାଳୀ ଙ୍କ ମହା କାଳୀପୂଜା ଅନୁଷ୍ଠିତ ହୋଇଯାଇଛି ।
ପ୍ରାତଃ ରୁ ମାଁ ଦକ୍ଷିଣକାଳୀ ମନ୍ଦିର ପ୍ରାଙ୍ଗଣ ରେ ମାଁ’ ଙ୍କୁ ମଙ୍ଗଳ ଆଳତି କରାଯାଇଥିଲା । ଏହା ପରେ ମାଁ’ ଙ୍କୁ ଗଙ୍ଗା ଜଳ, ଗୋଲାପ ଜଳ ଏବଂ ଅଗୃର ଜଳରେ ସ୍ନାନ କରାଯାଇଥିଲା । ଏହା ପରେ ମାଁ’ ଙ୍କୁ ନୂତନ ବସ୍ତ୍ର ପରିଧାନ କରାଯାଇଥିଲା , ତା’ ପରେ ବିଭିନ୍ନ ଫୁଲହାର ରେ ସୁସଜ୍ଜିତ କରାଯାଇ ପ୍ରାତଃ ରୁ ମିଠା ଫଳମୂଳ ଭୋଗ ଲାଗି କରାଯାଇଥିଲା । ମଧ୍ୟାହ୍ନ ରେ ଅର୍ଣ୍ଣ ଶଙ୍କୁଡ଼ି ଭୋଗ, ସନ୍ଧ୍ୟା ବେଳେ ଆଳତି ଓ ରାତ୍ରରେ ମାଁ’ ଙ୍କର ଷୋଳସ ଉପଚାର ପୂଜା ସହ ସପ୍ତଚଣ୍ଡୀ ଆହୁତି ସହ ଅନ୍ୟ ପୂଜାବିଧି ହୋଇ ପରିଶେଷରେ ପହଡ଼ ପଡିଛି ।