ରିପୋର୍ଟ : ଏନ. ସନ୍ତୋଷ
ବୈପାରୀଗୁଡା,(୧୨/୧୧) : ଦୁଷ୍କର୍ମ ପୀଡିତା ମମୀତ ମେହେରଙ୍କୁ ନ୍ୟାୟ ପ୍ରଦାନ ଏବଂ ଏହି ଘଟଣାରେ ସମ୍ପୃକ୍ତ ମନ୍ତ୍ରୀଙ୍କୁ ଗିରଫ ସହ ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବୀକୁ ନେଇ ଆଜି କଂଗ୍ରେସ ପକ୍ଷରୁ ରାଜ୍ୟବ୍ୟାପୀ ‘ହରତାଳ ’ ଡାକରା ଦିଆଯାଇଥିବା ବେଳେ କୋରାପୁଟ ଜିଲ୍ଲା କଂଗ୍ରେସ ସଭାନେତ୍ରୀ ନିନାକ୍ଷୀ ବାହିନୀପତିଙ୍କ ନିର୍ଦ୍ଦେଶ କ୍ରମେ ବୈପାରୀଗୁଡା ଠାରେ ବିକ୍ଷୋଭ ଦେଖିବାକୁ ମିଳିଛି l
ଆଜି ବୈପାରୀଗୁଡା କଂଗ୍ରେସ ପକ୍ଷରୁ ସହରରେ ସକାଳ ୬ ଟା ଠାରୁ ୧୨ ଟା ପର୍ଯ୍ୟନ୍ତ ଦୋକାନ ବଜାର ବନ୍ଦ ରହିଥିବା ବେଳେ ଯାତ୍ରୀବାହୀ ଗାଡି ଚଳାଚଳ ସ୍ୱାଭାବିକ ରହିଥିଲା l ଶହୀଦ ଲଷ୍ମଣ ନାୟକ ଚାରି ଛକ ଠାରେ କଂଗ୍ରେସକର୍ମୀ ମାନେ ରାଜ୍ୟ ସରକାରଙ୍କ ବିରୁଦ୍ଧରେ ସ୍ଲୋଗାନ ଦେଇ ମମିତାଙ୍କୁ ନ୍ୟାୟ ଦାବୀ ସହ ଘଟଣାରେ ସମ୍ପୃକ୍ତ ମନ୍ତ୍ରୀ ଙ୍କ ଗିରଫ ଦାବୀ କରିଥିଲେ l
ରାଜ୍ୟରେ ଆଇନ ଶୃଙ୍ଖଳାକୁ ବିଗିଡିଯାଇଛି ଏଣୁ ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବୀ କରିଛି ବ୍ଲକ କଂଗ୍ରେସ ପାର୍ଟି l ବ୍ଲକ ସଭାପତି ଗୌରଚନ୍ଦ୍ର ପାତ୍ର ଙ୍କ ନେତୃତ୍ୱରେ ବୈପାରୀଗୁଡା ବ୍ଲକର ବିଭିନ୍ନ ପଞ୍ଚାୟତରୁ ଆସିଥିବା ପଞ୍ଚାୟତ ସଭାପତି ଏବଂ ପ୍ରମୁଖ କର୍ମକର୍ତ୍ତା ବିକ୍ଷୋଭରେ ଅଂଶଗ୍ରହଣ କରିଥିଲେ l