ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର,ତା(୦୪/୧୨) : ବଲାଙ୍ଗୀର ଜିଲ୍ଲା ରୁ ଦାଦନ ଙ୍କ ସୁଅ ଛୁଟୁଥିବା ବେଳେ ଜିଲ୍ଲା ପ୍ରଶାସନ ଏହି ଦାଦନ ଶ୍ରମିକ ସମସ୍ୟା ଉପରେ ରୋକ ଲଗାଇବାରେ ବିଫଳ ହୋଇଛି ।
ସୂଚନା ଅନୁଯାୟୀ, ବଲାଙ୍ଗୀର ଜିଲ୍ଲା ରୁ ପାଟଣାଗଡ଼ ଉପଖଣ୍ଡ ଅଞ୍ଚଳ ର ବେଲପଡା ଥାନା ଅନ୍ତର୍ଗତ ଲଥାକେନ୍ଦ ଛକ ଠାରେ ଦୁଇ ଅଟୋ ରେ ଚାଲାଣ କରାଯାଉଥିବା ଦାଦନ ଶ୍ରମିକ ଉଦ୍ଧାର ହୋଇଥିବା ସୂଚନା ମିଳିଛି । ପ୍ରକାଶ ଯେ, ପାଟଣାଗଡ଼ ବ୍ଳକ ଘୁଚେପରା ଗାଁ ର ଦାଦନ ଶ୍ରମିକ ଭୋର୍ ସକାଳୁ ପାଟଣାଗଡ଼ ବ୍ଳକ ବଗଳାବନ୍ଦ ଗାଁ ର ଜଣେ ଦଲାଲ ଙ୍କ ଜରିଆରେ କଣ୍ଟାବାଞ୍ଜି ସହର ର ଅନ୍ୟ ଜଣେ ମୁଖ୍ୟ ଦଲାଲ୍ ଅଜୟ ପାଖକୁ ନେଇ ଯାଉଥିଲେ ।
ସେପଟେ ବେଲପଡା ପୋଲିସ ପେଟ୍ରୋଲିଂ କରୁଥିବା ବେଳେ ଏମାନଙ୍କୁ ଦେଖିବାକୁ ପାଇଥିଲେ । ଓଡ଼ି-୦୩-ଆର-୦୪୫୭, ଓଡ଼ି-୦୩-ଆର-୧୮୧୯ ନମ୍ବର ଦୁଇ ଗୋଟି ଅଟୋ କୁ ଅଟକେଇ ଜେରା କରି ଥାନାକୁ ସମସ୍ତ ଙ୍କୁ ଆଣିଥିଲେ । ଉକ୍ତ ସମସ୍ତ ଶ୍ରମିକମାନଙ୍କୁ କିଛି ସମୟ ଅଟକ ରଖି ପୁଣି ଛାଡ଼ି ଦେଇଥିବା ଜଣାପଡିଛି । ଦଲାଲ ଙ୍କ ନାଁ ରେ ଥାନା ରେ ମାମଲା ରୁଜୁ କରିଛନ୍ତି କି ନାହିଁ, ସେ ନେଇ ପୋଲିସ ତଦନ୍ତ ଜାରି ରହିଥିବା ସୂଚନା ମିଳିଛି ।
ସେହିପରି ନିୟମିତ ଦାଦନ ଶ୍ରମିକ ଚାଲାଣ ବେଶ ଜୋର ସୋର ରେ ଚାଲିଥିବା ବେଳେ ପ୍ରଶାସନିକ ଜ୍ଞାତ ସାରରେ ଏହି ବେଆଇନ ଦାଦନ ଶ୍ରମିକ ଚାଲାଣ କରାଯାଇ ଆସୁଥିବା ବେଳେ ଦଲାଲ୍ ମାନଙ୍କୁ ଗିରଫ ନ କରି ଘଟଣା ମାନ ଚପେଇ ଦେଉଥିବା ଅଭିଯୋଗ ହୋଇ ଆସୁଛି । ଏ ନେଇ ବେଲପଡା ଥାନା ଅଧିକାରୀ ବୁଲୁ ମୁଣ୍ଡା କିଛି ସୂଚନା ଦେଇନାହାନ୍ତି । ଜିଲ୍ଲା ପ୍ରଶାସନ ଏହି ବେଆଇନ ଦାଦନ ଶ୍ରମିକ ଚାଲାଣ କରୁଥିବା ଅଭିଯୁକ୍ତ ଙ୍କ ବିରୋଧ ରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି ହେଉଛି ।