ରିପୋର୍ଟ : ପ୍ରଣତି ସାବତ
କାଶୀନଗର, (୦୯/୧୨) : ଗତ କିଛି ଦିନ ହେଲା କାଶୀନଗର ସହର ମଧ୍ୟ ଭାଗ ରେ ଥିବା ବସ ଷ୍ଟାଣ୍ଡ ଅଳିଆ ଆବର୍ଜନା ରେ ଭର୍ତ୍ତି ହୋଇ ଏକ ଭିନ୍ନ ପରିବେଶ ସୃଷ୍ଟି କରି ଜନସାଧାରଣ ଙ୍କ ପାଇଁ ବିପଦ ଆଣିଥିବା ଅଭିଯୋଗ ହୋଇଛି । ବୁଲା ଗାଈ ଓ ଘୁଷୁରୀ ଙ୍କ ଚରା ଭୂଇଁ ପାଲଟିଛି କାଶୀନଗର ବସ ଷ୍ଟାଣ୍ଡ ।
ଏହି ବସ ଷ୍ଟାଣ୍ଡ ରେ ଉଠା ଦୋକାନୀ ମାନେ କବଜା କରି ରହିବ ଯୋଗୁଁ ବସ ଷ୍ଟାଣ୍ଡ କୁ ବସ ମଧ୍ୟ ଆସୁନାହିଁ, କିଛି ବସ ଫରେଷ୍ଟ ଛକ ରେ ବୁଲାଇ ଦେବା ଓ କିଛି ବସ ପଟେଲ ରୋଡ ରେ ବୁଲାଇ ଦେବା ଫଳରେ ଯାତ୍ରୀ ମାନେ ନାନା ଅସୁବିଧା ଭୋଗୁଛନ୍ତି । ଏପଟ ବସ ଷ୍ଟାଣ୍ଡ ଠାରେ ଆବର୍ଜନା ପକାଇବା ବାକ୍ସ ସେଠାରେ ନ ରହିବା ଯୋଗୁଁ ଉଠା ଦୋକାନୀ ମାନେ ସେଠାରେ ଅଳିଆ, ହୋଟେଲ ବାଲା ତାଙ୍କ ଚା’ ଗିଲାସ , ଜରୀ, ମଦ ଦୋକାନ ତା’ର ବୋତଲ ଗିଲାସ ପକାଇ ଆବର୍ଜନା ସୃଷ୍ଟି କରୁଛନ୍ତି । ରାତ୍ରରେ ବୁଲା ଗାଈ ଓ ଘୁଷୁରୀ ଉପଦ୍ରବ ସୃଷ୍ଟି କରୁଛନ୍ତି । ଏଣୁ ଏହାର ସ୍ଥାୟୀ ବ୍ୟବସ୍ଥା କରିବା ପାଇଁ ଜନସାଧାରଣ ଦାବୀ କରିଛନ୍ତି ।
ଏଥି ପୂର୍ବରୁ ନିର୍ବାହୀ ଅଧିକାରୀ ନିୟମିତ ଦୈନିକ ବଜାର, ବସ ଷ୍ଟାଣ୍ଡ ଓ ୱାର୍ଡ ଗୁଡ଼ିକ ବୁଲୁଥିଲେ ଏବେ ଆଉ ସେ ବୁଲି ତଦାରଖ କରୁ ନ ଥିବା ଲୋକେ ଆଲୋଚନା କରୁଛନ୍ତି । ସେପଟ ବଡ ଷ୍ଟାଣ୍ଡ ରେ ଉଠା ପରିବା ଚାଷୀ ଓ ବେପାରୀ ନିଜ କ୍ଷେତ ରେ ଉତ୍ପାଦିତ ଫସଲ ଆଣି ବିକ୍ରି କରି ଚାଲି ଯାଉଥିଲେ, ଦିଶାହୀନ ଯୋଜନା କରି ସେମାନଙ୍କୁ ନଦୀ ଢେପ ରେ ବସିବା ବ୍ୟବସ୍ଥା କରାଗଲା ।
ଏହି ବେପାରୀ ମାନେ ସମସ୍ତେ ୱାର୍ଡ ନ ୭ ବ୍ରାହ୍ମଣ ସାହି ଦେଇ ଯିବା ଆସିବା କରିବା ଅଟୋ, ମୋଟର ସାଇକେଲ ନେବା ଦ୍ଵାରା ସାହି ଦେଇ ଛୋଟ ପିଲା ଓ ବୃଦ୍ଧ ଲୋକେ ନଦୀକୁ ଯାଇପାରୁ ନାହାଁନ୍ତି । ସେପଟେ ବାଲି ଶଗଡ଼ ଗୁଡ଼ିକ ମଧ୍ୟ ଟ୍ରାଫିକ ରେ ଅନ୍ତରାୟ ସୃଷ୍ଟି କରୁଥିବା ଅଭିଯୋଗ ହୋଇଛି । ଏଣୁ ପ୍ରଶାସନ ଦୃଷ୍ଟି ଦେବାକୁ ଦାବୀ ହୋଇଛି ।