ରିପୋର୍ଟ : ସୁଶାନ୍ତ ବେହେରା //
ବୌଦ୍ଧ, (୧୭/୧୨) : ଭାରତୀୟ କିଷାନ ସଂଘ ପକ୍ଷରୁ ହରଭଙ୍ଗା ତହସିଲ କୁ ଶୁକ୍ରବାର ଦିନ ଘେରାଉ କରାଯାଇଥିବା ବେଳେ ସଙ୍ଘ ପକ୍ଷରୁ ୬ ଦଫା ସମ୍ବଳିତ ଏକ ଦାବିପତ୍ର ସ୍ଥାନୀୟ ତହସିଲଦାର ଙ୍କୁ ଦିଆଯାଇଥିବା ଜଣାପଡିଛି ।
କିଷାନ ସଙ୍ଘ ର ୬ ଦଫା ଦାବିପତ୍ର ଅନୁଯାଇ ଆଗାମୀ ଦିନରେ ରବି ଫସଲ ପାଇଁ ଚାଷୀ ଙ୍କୁ ମାଗଣା ରେ ବିହନ, ସାର, ଓଷଧ ଯୋଗାଇ ଦେବା, ସମବାୟ ସମିତି ପକ୍ଷରୁ ଚାଷୀ ମାନଙ୍କୁ ମଞ୍ଜୁର ହୋଇଥିବା ରବି ଋଣ ପ୍ରଦାନ କରାଯାଉ । ୨୦୧୮ ରେ ହୋଇଥିବା ପେଥାଇ ପ୍ରଭାବରେ ହରଭଙ୍ଗା ତହସିଲ ଧଳପୁର ସର୍କଲ ର ଚାଷୀ ମାନେ ଆଜି ପର୍ଯ୍ୟନ୍ତ କୌଣସି କ୍ଷୟକ୍ଷତି ର ମୂଲ୍ୟ ପାଇନଥିବା ବେଳେ ତୁରନ୍ତ ଚାଷୀଙ୍କୁ କ୍ଷୟକ୍ଷତି ର ଟଙ୍କା ପ୍ରଦନ କରାଯାଉ ।
୨୦୨୦ ଖରିଫ ଋତୁ ରେ ମହାନଦୀ କୁଳିଆ ଥିବା ଗ୍ରାମଗୁଡିକ ବନ୍ୟା ଯୋଗୁଁ ଚାଷୀକ୍ଷତି ହୋଇଥିଲେ ମଧ୍ୟ ଏପର୍ଯ୍ୟନ୍ତ ତାଙ୍କ କୌଣସି ସହାୟତା ମିଳି ନ ଥିବା ବେଳେ ତାହା ମଧ୍ୟ ପୂରଣ କରିବାପାଇଁ ଦାବି କରାଯାଇଥିବା ବେଳେ ବ୍ଲକ ର ପ୍ରସ୍ତାବିତ ମହାନଦୀ କୂଳରେ ରାମଗଡ଼ ସାଂପଚ, ଧଳପୁର ଠାରେ ବୃହତ ଉଠା ଜଳସେଚନ ପ୍ରକଳ୍ପ ଗୁଡିକ ର ତୁରନ୍ତ ନିର୍ମାଣ କରିବା ପାଇଁ ପଦକ୍ଷେପ ନିଆଯାଉ ବୋଲି କିଷାନ ସଙ୍ଘ ପକ୍ଷରୁ ଦାବି କରାଯାଇଥିଲା ।
ଚାଷୀ ନେତା ସୂର୍ଯ୍ୟନାରାୟଣ ମହାପାତ୍ର ଙ୍କ ନେତୃତ୍ୱରେ ଉକ୍ତ ରାଲି ଟି ଚାରିଛକ ସ୍ଥିତ କାଠ କର୍ପୋରେସନ ଠାରୁ ବାହାରି ତହସିଲ କାର୍ଯ୍ୟଳୟ କୁ ପହଂଚି ଚାଷୀଙ୍କ ହକ ପାଇଁନାରବାଜି ଦେବସହ 6ଦଫା ଦାବିପତ୍ର ତହସିଲଦାର ସମ୍ଭୁପ୍ରସାଦ ମିଶ୍ର ଙ୍କୁ ଦିଆଯାଇଥିଲା ।
ଏହି ଚାଷୀ ରାଳିରେ ଯୁବ ସମାଜ ସେବୀ ଚାଷୀ ନେତା ବିକାଶଚନ୍ଦ୍ର ମହାକୁଡ଼, ଲବକିଶୋର ପ୍ରଧାନ, କାଲେନ୍ଦୀ ଚରଣ ଖେତି, ଚିତରଞ୍ଜନ ସାହୁ, ଦଣ୍ଡପାଣି ମେଣ୍ଡୁଲି, ଅରୁପା ଦୀପ ଙ୍କ ସମେତ ବ୍ଲକ ର ବିଭିନ୍ନ ପଂଚୟତ ରୁ ଆସିଥିବା ଶତାଧିକ ଚାଷୀମାନେ ଯୋଗଦେଇଥିଲେ ।