ରିପୋର୍ଟ : ରବିଶଙ୍କର ମହାପାତ୍ର //
କୋରାପୁଟ, (୨୬/୧) : ଆଜି ପୂର୍ବାହ୍ନରେ କୋରାପୁଟ ସଦର ମହକୁମା ଠାରେ ଗଣତନ୍ତ୍ର ଦିବସ ସମାରୋହରେ କୋରାପୁଟ ଜିଲ୍ଲାପାଳ ଶ୍ରୀ ଅବ୍ଦାଲ ମ.ଅଖତାର ପତାକା ଉନ୍ମୋଚନ କରିବା ସହ ଅଭିବାଦନ ଗ୍ରହଣ କରିଛନ୍ତି ।
ଏଥି ସହ କୋରାପୁଟ ସଦର ମହକୁମା ଠାରେ କୋଭିଡ ଯୋଦ୍ଧା ମାନଙ୍କୁ ଜିଲ୍ଲା ପ୍ରଶାସନ ଦ୍ବାରା ସମ୍ମାନିତ କରାଯାଇଛି । ସମ୍ମାନିତ ବ୍ୟକ୍ତି ମାନେ ହେଲେ ପ୍ରଣୟ ରଞ୍ଜନ ବେହେରା (ବିଡିଓ,ବୋରିଗୁମ୍ମା), ଚିନ୍ମୟୀ ଦାଶ (ଏ.ଏନ୍.ଏମ୍.), ସୁଶୀଳା ଦାଶ (ଆଶା), ମାହେଶ୍ଵରୀ ଦାଶ (ଅଙ୍ଗନବାଡି,କୁନ୍ଦୁରା ବ୍ଲକ୍), ଧରମୁ ହରିଜନ (କୋଟପାଡ ଏନ୍ ଏ ସି), ବିଶ୍ବନାଥ ପ୍ରସାଦ (ଡ୍ରାଇଭର,ଜୟପୁର ମ୍ୟୁନିସିପାଲିଟି), ମଣି ଜାନି (କୋରାପୁଟ ମ୍ୟୁନିସିପାଲିଟି), ଚୈତନ୍ୟ ହିଆଲ(ସୁନାବେଡା ମ୍ୟୁନିସିପାଲିଟି) ଙ୍କୁ କୋଭିଡ ଯୋଦ୍ଧା ଭାବେ ସମ୍ମାନିତ କରାଯାଇଛି ।
ଆଲୋକ ସଜ୍ଜା ପ୍ରତିଯୋଗିତାରେ ଜିଲ୍ଲା ସଂସ୍କୃତି କାର୍ଯ୍ୟାଳୟ, କୋରାପୁଟ ପ୍ରଥମ ହୋଇଥିବା ବେଳେ କୋରାପୁଟସ୍ଥ ପ୍ରଥମ ସ୍ବତନ୍ତ୍ର ଭାରତୀୟ ସଂରକ୍ଷଣ ବାହିନୀ ଦ୍ବିତୀୟ ତଥା ଉପଜିଲ୍ଲାପାଳ, କୋରାପୁଟ ଓ ଜିଲ୍ଲା ମଙ୍ଗଳ ଅଧିକାରୀ, କୋରାପୁଟଙ୍କ କାର୍ଯ୍ୟାଳୟ ମିଳିତ ଭାବେ ତୃତୀୟ ସ୍ଥାନ ଅଧିକାର କରିଥିବାରୁ ସମ୍ମାନିତ କରାଯାଇଥିବା ଜଣା ପଡିଛି । ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଶ୍ରୀ ଜଗନ୍ନାଥ ପ୍ରସାଦ ରାୟଗୁରୁ ତଥା ସତ୍ୟ ନାରାୟଣ ପ୍ରଧାନ ଡି.ଆଇ.ପି.ଆର୍.ଓ. ଙ୍କ କାର୍ଯ୍ୟାଳୟ ତରଫରୁ ସହଯୋଗିତା କରିଥିବା ଜଣାପଡିଛି ।