ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର, ତା(୨୨/୦୨) : ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପ୍ରଚାର ଆଜି ଶେଷ ଦିନରେ ପହଞ୍ଚିଛିି । ଏଭଳି ସ୍ଥିତିରେ ପୁଲିସ ପ୍ରଶାସନ କଡ଼ା ସୁରକ୍ଷା ବ୍ୟବସ୍ଥା କରିବା ସହ ପ୍ରତ୍ୟେକ ପଞ୍ଚାୟତରେ କଡ଼ା ପେଟ୍ରୋଲିଂ ମଧ୍ୟ କରୁଛି ।
ତେବେ ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଲକର ୨୨ ଟି ପଞ୍ଚାୟତରେ ଆସନ୍ତା ୨୪ ତାରିଖରୁ ନିର୍ବାଚନ ହେବାକୁ ଯାଉଥିବା ବେଳେ ପଞ୍ଚାୟତ ନିର୍ବାଚନ ପ୍ରଚାର ଶେଷ ଦିନରେ ବ୍ଲକ ପ୍ରଶାସନ ଓ ପୁଲିସ ପ୍ରଶାସନର ଉପସ୍ଥିତିରେ ଭୋଟ ଗଣତି କେନ୍ଦ୍ର ଗୁଡ଼ିକରେ ପ୍ରସ୍ତୁତି ଆରମ୍ଭ ହୋଇଯାଇଛି । ବ୍ଲକ ର ବିଭିନ୍ନ ପଞ୍ଚାୟତରେ ୨୭୨ ଟି ମତାମତ ସେଣ୍ଟର, ୭ ଟି ପିଙ୍କ ବୁଥ ରହିଥିବା ବେଳେ ଟିଟିଲାଗଡ଼ ଏସଡିପିଓ ସୁରେନ୍ଦ୍ର ନାଥ ଶତପଥୀ, ସ୍ଥାନୀୟ ବିଡ଼ିଓ ଚନ୍ଦ୍ର ମଣୀ ନାଗ, ନିର୍ବାଚନ ପର୍ଯ୍ୟବେକ୍ଷିକା ରୀନା କୁମାରୀ ନାୟକ, ତହସିଲଦାର ସୁରେନ୍ଦ୍ର ମେହେର, ଥାନାଧିକାରୀ ଅବନୀ ସାହୁ ଓ ଏବିଡିଓ ପ୍ରଦୀପ ପଟ୍ଟନାୟକ ବ୍ଲକ କର୍ମଚାରୀଙ୍କ ସହଯୋଗରେ ସ୍ଥିତି ଅନୁଧ୍ୟାନ କରିଛନ୍ତି ।
୨୨ ଟି ପଞ୍ଚାୟତରେ ୧୧୯ ସରପଞ୍ଚ, ୪୫୨ ୱାର୍ଡ ସଭ୍ୟ, ୯୫ ସମିତି ସଭ୍ୟ ନିର୍ବାଚନ ମଇଦାନ କୁ ଓହ୍ଲାଇଛନ୍ତି । ବ୍ଲକ ର ବିଭିନ୍ନ ସ୍ଥାନରେ ପୁଲିସ ପ୍ରଶାସନ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା କରାଯିବା ସହ ଶାନ୍ତି ଶୃଙ୍ଖଳା ସହକାରେ ମତଦାନ କରିବା ପାଇଁ ଲୋକଙ୍କୁ ସଚେତନ କରାଯାଇଥିବା ନେଇ ଟିଟିଲାଗଡ଼ ଏସଡିପିଓ ଶ୍ରୀଯୁକ୍ତ ଶତପଥୀ ସୂଚନା ଦେଇଛନ୍ତି ।