ରିପୋର୍ଟ : ଧ୍ରୁବରାଜ ମିଶ୍ର
ବିନିକା, ସୁବର୍ଣ୍ଣପୁର, (୨୨/୩) : ପୌର ପରିଷଦ ନିର୍ବାଚନ ପ୍ରଚାର ର ଆଜି ଶେଷ ଦିନରେ ବିନିକାରେ ଆଇନଜୀବି ପ୍ରଶାନ୍ତ ଦଣ୍ଡସେନା ଙ୍କ ନେତୃତ୍ୱ ରେ ବିଜେପି ଦଳ ତରଫରୁ ଏକ ଶତାଧିକ ବାଇକ ରେଲି ଶୋଭାଯାତ୍ରା ଅନୁଷ୍ଠିତ ହୋଇଥିଲା ।
ଆଜି ପୌର ପରିଷଦ ନିର୍ବାଚନ ପ୍ରଚାର ର ଶେଷ ଦିନରେ ସ୍ଥାନୀୟ ଯୋଗେଶର ମନ୍ଦିର ଠାରୁ ବାହାରି ବିଜେପି ନିଜର ଶକ୍ତି ପ୍ରଦର୍ଶନ କରିବା ସହ ବିନିକା ସହର ର ବିଭିନ୍ନ ସ୍ଥାନ କୁ ଯାଇ ପ୍ରଚାର କରିଥିବା ଦେଖିବାକୁ ମିଳିଛି । ସେହିପରି ବୀରମହରାଜ ପୁର ବିଧାୟକ ପ୍ରାଥୀ ରଘୁନାଥ ଜଗଦଳା, ଜିଲ୍ଲା ର ସାଧାରଣ ସମ୍ପାଦକ ବିଶ୍ଵମ୍ବର ମିଶ୍ର, ଜିଲ୍ଲା ପରିଷଦ ସଭ୍ୟା ପ୍ରମିଳା କଳତା, ପୂର୍ବତନ ଜିଲ୍କା ସଭାପତି ବିଜୟ ମହାକୁର, ସମ୍ବିତ ନେପାକ,ଆଇନଜୀବି, ଦେବାଶିଷ ଦାଶ ମଧ୍ୟ ବିନିକା ଆସି ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିଛନ୍ତି ।
ପ୍ରମୁଖ ସହର ର ବିଭିନ୍ନ ପଡ଼ା ଓ ୱାର୍ଡରେ ରେଲି କରିବା ସହିତ ଦୋକାନ ବଜାର ବୁଲି ବିଜେପି ପାଇଁ ଭୋଟ ଭିକ୍ଷା ମାଗିଥିଲେ । ରାଜ୍ୟ ସରକାରଙ୍କ ବିଫଳତା ଉପରେ ଭୋଟରଙ୍କୁ ସଚେତନ କରିବା ସହ ଏକମାତ୍ର ଦଳ ବିଜେପି ଦଳ ହିଁ ସୁଶାସନ ଦେବ ତେଣୁ ବିଜେପି ପ୍ରାର୍ଥୀଙ୍କୁ ପଦ୍ମ ଫୁଲ ଚିହ୍ନରେ ଭୋଟ ଦେଇ ଜୟଯୁକ୍ତ କରିବାକୁ ଅନୁରୋଧ କରିଥିଲେ ।