ରିପୋର୍ଟ : ଓଡିଶା ନ୍ୟୁଜ ୨୪ //
ବଲାଙ୍ଗୀର, (୨୩/୦୩) : ଶ୍ରୀଚନ୍ଦନ ସାହିତ୍ୟ ସଂସ୍କୃତି ଏକାଡେମୀ, ଓଡିଶା ର ୪୫ ତମ ବାର୍ଷିକ ଉତ୍ସବରେ ବଲାଙ୍ଗୀର ମାଟିର ସୁପୁତ୍ର ଜନପ୍ରିୟ ଆୟୁର୍ବେଦ ଚିକିତ୍ସକ ସମାଜସେବୀ ଭାବେ ସୁପରିଚିତ ଶ୍ରୀ ଝସକେତନ ଗୁରୁଙ୍କୁ ରାଜ୍ୟ ସ୍ତରୀୟ ବୈଦ୍ୟ ଶିରୋମଣି ସମ୍ମାନ ୨୦୨୨ ରେ ସମ୍ମାନିତ କରିଛନ୍ତି |
ସୂଚନା ଯେ ବଲାଙ୍ଗୀର ମାଟିର ବୈଦ୍ୟ ଶ୍ରୀ ଗୁରୁ ନିଜେ ବୃକ୍ଷଲତା, ଚେରିମୂଲୀ ସଂଗ୍ରହ କରି ନିଜେ ଔଷଧ ତିଆରି କରି ଉତ୍ତମ ଚିକିତ୍ସା ମାଧ୍ୟମରେ ବହୁ ଜଟିଳ ରୋଗ ର ନିରାକରଣ କରି ବିନା ସ୍ୱାର୍ଥରେ ଗରିବ ଅସହାୟଙ୍କ ଚିକିତ୍ସା କରି ସେମାନଙ୍କୁ ନବଜୀବନ ପ୍ରଦାନ କରନ୍ତି |
ସେହିପରି ବରିଷ୍ଠ କବି, ଗାଳ୍ପିକ,ନାଟ୍ଯକାର, କଣ୍ଠ ଶିଳ୍ପୀ , ସୁସଂଗଠକ, ନିଷ୍ଠାପର ଶିକ୍ଷକ ତଥା ଆକାଶବାଣୀ ଉଦ୍ ଘୋଷକ ଶ୍ରୀ ନବକିଶୋର ବେହେରାଙ୍କୁ ତାଙ୍କର ଶିଶୁ ସାହିତ୍ୟ ପୁସ୍ତକ ” ତ୍ରିଧାରା ” ଏବଂ ଶିଶୁ କବିତା ସଂକଳନ ” ମାଆ ” ପାଇଁ ରାଜ୍ୟ ସ୍ତରୀୟ ଶିଶୁ ସାହିତ୍ୟ ସମ୍ମାନ -୨୦୨୨ ରେ ସମ୍ମାନିତ କରାଯାଇଛି ।
ଓଡିଆ ଭାଷା ସାହିତ୍ୟର ବରିଷ୍ଠ କବି ଡଃ. ପ୍ରସନ୍ନ କୁମାର ପାଟ୍ଟଶାଣୀ, କବି ଡଃ.ହୁସେନ ରଵି ଗାନ୍ଧୀ ,ଡଃ.ସଂଗ୍ରାମ କେଶରୀ ସାମନ୍ତରାୟ, ବାଲେଶ୍ୱର ମହାରାଜା ଓ ମହାରାଣୀ ଙ୍କ ସମେତ ଭାରତ ର ବହୁ ବିଶିଷ୍ଟ ବ୍ୟକ୍ତିଙ୍କ ଗହଣରେ ଏହି ପୁରସ୍କାର ପ୍ରଦାନ କରାଯାଇଛି । ବୈଦ୍ୟ ଶ୍ରୀ ଗୁରୁ ଓ ଶ୍ରୀ ବେହେରା ତାଙ୍କର ବହୁମୁଖୀ ପ୍ରତିଭା ପାଇଁ ରାଜ୍ୟ ତଥା ଜାତୀୟ ସ୍ତରରେ ଅନେକ ସମ୍ମାନର ଅଧିକାରୀ ହୋଇଥିବାରୁ ବଲାଙ୍ଗିର ମାଟି ଆଜି ଗର୍ବିତ ।