ରିପୋର୍ଟ : ପ୍ରଣତି ସାବତ //
କାଶୀନଗର, (୦୬/୦୫) : ସମ୍ଭାବ୍ୟ ବାତ୍ୟା ଆଶଙ୍କା କରି ସ୍ଵତନ୍ତ୍ର ରିଲିଫ କମିଶନର ଓ ଗଜପତି ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି ।
ଆଗାମୀ ଦିନରେ ଆସିବାକୁ ଥିବା ସମ୍ଭାବ୍ୟ ବାତ୍ୟା କୁ ମୁକାବିଲା ପାଇଁ ଆଜି କାଶୀନଗର ଠାରେ ବିଡିଓ ଶ୍ରୀ ଲକ୍ଷ୍ମୀ ପ୍ରସାଦ ସାହୁ ଙ୍କ ସଭାପତିତ୍ୱରେ ଏକ ପ୍ରସ୍ତୁତି ବୈଠକ ବ୍ଲକ ଶୋଭା ଗୃହରେ ଅନୁଷ୍ଠିତ ହୋଇଯାଇଛି । ବ୍ଲକ ଉପାଧ୍ୟକ୍ଷ ଏସ କଲ୍ୟାଣୀ, ସହକାରୀ ଯନ୍ତ୍ରୀ ରାଜସ୍ୱ, ପୋଲିସ, ଫାୟର, ପଞ୍ଚାୟତ ନିର୍ବାହୀ ଅଧିକାରୀ ମାନଙ୍କୁ ନେଇ ଏହି ବୈଠକ ହୋଇଯାଇଛି ।
ସମ୍ଭାବ୍ୟ ବାତ୍ୟାଆଶଙ୍କା କରି ରାଜ୍ୟ ସରକାର ଉପକୂଳ ଜିଲ୍ଲା ମାନଙ୍କୁ ଏଲାର୍ଟ ରହିବା ପାଇଁ କହିଛନ୍ତି । ଏଣୁ ଆଜିର ଏହି ପ୍ରସ୍ତୁତି ବୈଠକ ନିହାତି ଅନିର୍ବାର୍ଯ୍ୟ ଅଟେ । ବିଡ଼ିଓ ଶ୍ରୀ ସାହୁ ସମସ୍ତ ଅଧିକାରୀ ଓ ପଞ୍ଚାୟତ ର ନିର୍ବାଚିତ ପ୍ରତିନିଧି ତଥା ଅଫିସର ମାନଙ୍କୁ କଡା ନିର୍ଦ୍ଦେଶ ଦେଇଛନ୍ତି କି କୌଣସି ପରିସ୍ଥିତି ରେ ଲୋକ ଙ୍କୁ ସ୍ଥାନାନ୍ତର ଓ ଖାଦ୍ୟ ପ୍ରସ୍ତୁତି ରଖିବାକୁ ନିର୍ଦ୍ଦେଶ ଦେଇଛନ୍ତି ।