ରିପୋର୍ଟ : ଧ୍ରୁବରାଜ ମିଶ୍ର
ସୁବର୍ଣ୍ଣପୁର, (୮/୬) : ଜିଲ୍ଲାପାଳଙ୍କ ସମ୍ବିଳନୀ କକ୍ଷରେ ଏକ ଜିଲ୍ଲା ସ୍ତରୀୟ ଟୀକାକରଣ ଟାସ୍କ ଫୋର୍ସ କମିଟି ର ବୈଠକ ଆଜି ଅନୁଷ୍ଠିତ ହୋଇଯାଇଛି l ଉକ୍ତ ବୈଠକରେ ଅତିରିକ୍ତ ଜିଲ୍ଲାପାଳ ସୂର୍ଯ୍ୟନାରାୟଣ ଦାଶ ଅଧ୍ୟକ୍ଷତା କରିଥିଲେ l
ଡା. ବିଶ୍ୱ ରଞ୍ଜନ ପତି, ସି.ଡି.ଏମ.ଓ., ଡା. ପ୍ରଦୀପ କୁମାର ଗୁରୁ, ଏ.ଡି.ଏମ.ଓ., ଡା. ମଞ୍ଜୁରାଣୀ ସିଂ, ଏ.ଡି.ପି.ଏଚ.ଓ. (ପରିବାର କଲ୍ୟାଣ) ସହିତ ଜିଲ୍ଲା ଓ ବ୍ଲକ ସ୍ତର ର ସ୍ୱାସ୍ଥ୍ୟ ଅଧିକାରୀ ମାନେ ଏହି ଜିଲ୍ଲା ସ୍ତରୀୟ ଟୀକାକରଣ ଟାସ୍କ ଫୋର୍ସ ବୈଠକ ରେ ଅଂଶ ଗ୍ରହଣ କରିଥିଲେ l ତଥ୍ୟ ରୁ ଜଣାପଡିଲା ଯେ ସୁବର୍ଣ୍ଣପୁର ଜିଲ୍ଲାରେ ସମ୍ପୂର୍ଣ୍ଣ ଟୀକାକରଣ ୨୦୨୧-୨୨ ବର୍ଷ ରେ ୮୯% ରହିଥିଲା l
ତେଣୁ ଆଗାମୀ ଦିନରେ ଟୀକାକରଣ କୁ ବ୍ୟାପକ କରି ଶତକଡା ୧୦୦% ରେ ପହଞ୍ଚାଇବା ପାଇଁ ଅତିରିକ୍ତ ଜିଲ୍ଲାପାଳ ଶ୍ରୀ ଦାଶ ଗୁରୁତ୍ୱାରୋପ କରିଥିଲେ l ସି.ଡି.ଏମ.ଓ. ଡା. ପତି ସୁବର୍ଣ୍ଣପୁର ଜିଲ୍ଲା ର ଅପହଞ୍ଚ ଅଞ୍ଚଳରେ ସ୍ୱତନ୍ତ୍ର ଟୀକାକରଣ ଅଧିବେଶନ ତଥା ଜିଲ୍ଲାର ତିନୋଟି ସହରାଞ୍ଚଳରେ ଶିଶୁମାନଙ୍କର ଟୀକାକରଣ କୁ ବ୍ୟାପକ କରି ଟୀକାକରଣ ହାର ବୃଦ୍ଧି କରାଯିବ ବୋଲି ସୂଚନା ଦେଇଥିଲେ l
ଏହା ସହିତ ପାଞ୍ଚ ବର୍ଷରେ ଦିଆଯାଉଥିବା ଡି. ପି. ଟି. କିଶୋର / କିଶୋରୀ ଙ୍କୁ ଟି ଡି ଭେକସିନ କୁ ମଧ୍ୟ ବ୍ୟାପକ କରିବାକୁ ସୂଚନା ପ୍ରଦାନ କରିଥିଲେ l ସର୍ବ ଶେଷରେ ଡେପୁଟି ମ୍ୟାନେଜର ଶ୍ରୀ ସୁଧାଂଶୁ ଶେଖର ନାଏକ ଧନ୍ୟବାଦ ଅର୍ପଣ କରିଥିଲେ l