ରିପୋର୍ଟ : ଗୋପୀନାଥ ଗୌଡ଼
ରାୟଗଡ଼ା, (୧୯/୦୮) : ବର୍ତ୍ତମାନ ପାର୍ବଣ ର ସମୟ ଆରମ୍ଭ ହୋଇଯାଇଛି । ନାନା ପ୍ରକାର ସଙ୍ଗଠନ ନାନା ପ୍ରକାର ଦେବାଦେବୀ ଙ୍କ ପୂଜା ପାଳନ ନିମନ୍ତେ ଚାନ୍ଦା ଆଦାୟ କରିବାରେ ବ୍ୟସ୍ତ ।
ଭଗବାନ ଙ୍କ ଉପରେ ଆସ୍ଥା ଭରସା ଓ ବିଶ୍ୱାସ ଥିବା ଲୋକେ ପ୍ରତ୍ୟକ୍ଷ ଓ ପରୋକ୍ଷ ଭାବେ ଚାନ୍ଦା ଦେଇଥାନ୍ତି । କିନ୍ତୁ ଏହା ପାଇଁ ବାଧ୍ୟତାମୂଳକ ନ ଦେବା ଲୋକଙ୍କ ସହ ଗାଳିଗୁଲଜ କରିବା ସହ ସାଙ୍ଗରେ ଥିବା ଗାଡି ସାଇକେଲ ଅଟକାଇ ରଖିଦେବା ଚିନ୍ତା ର କାରଣ ପାଲଟିଛି ।
ଆଜି ଏହିଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଥିଲା ରାୟଗଡ଼ା ସହର ଅଣ୍ଡରଗ୍ରାଉଣ୍ଡ ରାସ୍ତା କୁକୁଡ଼ା ଫାର୍ମ ନିକଟରେ କିଛି ଯୁବକ ରାସ୍ତା ଅବରୋଧ କରି ଜୋର ଜବରଦସ୍ତ କରି ଚାନ୍ଦା ଆଦାୟ କରୁଥିବା ଦେଖିବାକୁ ମିଳିଥିଲା । ଏପରିକି ଯେଉଁମାନେ ମନା କରିଲେ ସେମାନଙ୍କ ବାଇକ ଝିକାଟଣା କରିବା ଏବଂ ଉକ୍ତ ବ୍ୟକ୍ତି କୁ ଗାଳି ଗୁଳଜ କରିବା ସେଠିକାର ସ୍ଥାନୀୟ ଜନସାଧାରଣ କହିଛନ୍ତି ।
ଏହିପରି ଲୋକଙ୍କୁ ହଇରାଣ କରୁଥିବା ଦେଖି ସେଠିକାର DP ବାବୁ ନାମକ ଭଦ୍ରବ୍ୟକ୍ତି ପୋଲିସ ଙ୍କୁ ଫୋନ କରିବାରୁ ପୋଲିସକୁ ଦେଖି ଉକ୍ତ ଯୁବକ ଗୁଡାକ ଛତ୍ରଭଙ୍ଗ ହୋଇଯାଇ ଯାଇଥିଲେ । ତେବେ ଏଠାରେ ପ୍ରଶ୍ନ ଉଠୁଛି କ’ଣ ପୂଜା ପାର୍ବଣ ନାମରେ ଚାନ୍ଦା ଦେବା କ’ଣ ନିହାତି ଜରୁରୀ ! ଯଦି ଦିଆଯିବ ତ କେତେଟା ପୂଜା ସଙ୍ଗଠନ ଙ୍କୁ ଏବଂ କେଉଁ କେଉଁ ପର୍ବକୁ ଦେବାକୁ ବାଧ୍ୟତାମୂଳକ ବୋଲି ବୁଦ୍ଧିଜୀବି ଚିନ୍ତା ପ୍ରକଟ କରିଛନ୍ତି ।