ରିପୋର୍ଟ : ଜିଲ୍ଲାପ୍ରତିନିଧି ଏ.ସତୀଶ //
ନବରଙ୍ଗପୁର,(୧୨/୮) : ଭିଜିଲାନ୍ସ ହାତରେ ଧରାପଡିଲେ ଆକାଉଣ୍ଟାଣ୍ଟ । ନବରଙ୍ଗପୁର ଜିଲ୍ଲା ଗ୍ରାମ୍ୟ ଜଳ ଯୋଗାଣ କାର୍ଯ୍ୟାଳୟର ଆକାଉଣ୍ଟାଣ୍ଟ ସୁମିତ କୁମାର ୨୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ଦ୍ବାରା ଗିରଫ ହୋଇଛନ୍ତି ।
୧ କୋଟି ୬୭ ଲକ୍ଷ ଟଙ୍କାର ଗୋଟିଏ ପାଇପ୍ କାମର ଟେଣ୍ଡର ପାଇଥିବା କଣ୍ଟ୍ରାକଟର କାମର ଏଗ୍ରିମେଣ୍ଟ କରାଇବା ପାଇଁ କଣ୍ଟ୍ରାକ୍ଟରଙ୍କୁ ୨୦ ହଜାର ଟଙ୍କା ଲାଞ୍ଚ ମାଗିଥିଲେ । କଣ୍ଟ୍ରାକ୍ଟର ଜଣକ ଲାଞ୍ଚ ଟଙ୍କା ନେଇ ଆକାଉଣ୍ଟାଣ୍ଟ ସୁମିତ ଦେଉଥିବା ବେଳେ ପୂର୍ବରୁ ଜଗିଥିବା ଭିଜିଲାନ୍ସ କର୍ମଚାରୀ ଆକାଉଣ୍ଟାଣ୍ଟ ନିକଟରୁ ଟଙ୍କା ଜବତ କରିବା ସହ ଆକାଉଣ୍ଟାଣ୍ଟ କୁ ଗିରଫ କରାଯାଇଛି ।
ଏଥିସହ ଭିଜିଲାନ୍ସ ପକ୍ଷରୁ ତାଙ୍କ ବାସଭବନ ଓ ଅଫିସ ଚଢ଼ାଉ ଜାରି ରହିଥିବା ବେଳେ ଘରେ ଚଢ଼ାଉ ବେଳେ ୪୧ ହଜାର ଟଙ୍କା ଜବତ ହୋଇଥିବା ଭିଜିଲାନ୍ସ ବିଭାଗ ତରଫରୁ ସୂଚନା ଦିଆଯାଇଛି । ପୂର୍ବରୁ ମଧ୍ୟ ଆକାଉଣ୍ଟାଣ୍ଟ ବିଭିନ୍ନ କାମ ବାବଦରେ ଟଙ୍କା ନେଇଥିବା ଅଭିଯୋଗ ହେଉଥିଲା ସେ ନେଇ ତଦନ୍ତ ଜାରି ରହିଥିବା ଭିଜିଲାନ୍ସ ଡ଼ିଏସପି ସୂଚନା ଦେଇଛନ୍ତି । ଏହି ଚଢାଉରେ ଓଡ଼ିଶା ଭିଜିଲାନ୍ସର ଦୁଇଟି ଟିମ୍ ସାମିଲ ଥିଲେ । ତିନି ଜଣ ଡ଼ିଏସପି, ଦୁଇ ଇନ୍ସପେକ୍ଟର, ଜଣେ ଏଏସଆଇ, ତିନି କନେଷ୍ଟବଳ ଏହି ଚଢ଼ାଉ ରେ ସାମିଲ ଥିଲେ ।