ରିପୋର୍ଟ : ସୁଶାନ୍ତ ବେହେରା
ବୌଦ୍ଧ, (୧୫/୧୦) : ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ କାର୍ଯ୍ୟାଳୟ ସଭାଗୃହରେ ଭାରପ୍ରାପ୍ତ ବିଡ଼ିଓ ଜୟ ମହାନ୍ତି ଙ୍କ ଅଧ୍ୟକ୍ଷତାରେ ମୁଦ୍ଦଆ ଜାତି ମାନଙ୍କ ବାଲ୍ୟବିବାହ ନିରୋଧ ଉପରେ ଆଜି ଏକଦିନିଆ କର୍ମଶାଳା ଅନୁଷ୍ଠିତ ହୋଇଯାଇଛି ।
ଏହି କାର୍ଯ୍ୟକ୍ରମରେ ବାଲ୍ୟ ବିବାହ ନିରୋଧ ଓ କିଶୋର କିଶୋରୀ ଙ୍କ ଶିକ୍ଷା ଏବଂ ଦକ୍ଷତା ଉପରେ ଗୁରୁତ୍ୱ ଦିଆଯାଇଥିଲା । ସିଡିପିଓ ଜ୍ୟୋତ୍ସ୍ନାରାଣୀ ପଢି କିଶୋରୀ ବୟସରେ ବିବାହ କଲେ ସ୍ୱାସ୍ଥ୍ୟ ଉପରେ ପଡୁଥିବା ପ୍ରଭାବ ଉପରେ ଆଲୋକପାତ କରିଥିଲେ । ଜାତି ସମାଜ ମୁଦ୍ଦଆ ମାନେ ବିବାହ ବେଳେ ବୟସ ଗତ ପ୍ରମାଣ ପତ୍ର ପାଇଁ ଆଧାର କାର୍ଡ ପରିବର୍ତ୍ତେ ଅଙ୍ଗନବାଡି ର ରେଜିଷ୍ଟର ଓ ସ୍କୁଲ ପ୍ରବେଶ ସମୟ ର ନାମଲେଖା ରେଜିଷ୍ଟର ଅନୁସାରେ ବୟସ ସ୍ଥିର କରିବାକୁ ଏହି କାର୍ଯ୍ୟକ୍ରମରେ ନିଷ୍ପତି ନେବା ସହ ମୁଦ୍ଦଆମାନେ ନିଜର ବିବାହ ରେଜିଷ୍ଟର ପ୍ରଚଳନ କରିବାକୁ ସମ୍ମତ ହେଲେ ।