ରିପୋର୍ଟ : ବିଭୂତି ଲହରୀଆ
ବାଲିଗୁଡା, (୨୪/୧୦) : କନ୍ଧମାଳ ଜିଲ୍ଲା କୋଟଗଡ ଥାନା ଭାରପ୍ରାପ୍ତ ଅଧିକାରୀ ଧୀରଜ କୁମାର ଲେଙ୍କା ନିଜ ଗାଁ କୁ ବାଲିଗୁଡା ଦେଇ ଯିବା ସମୟରେ ମିଳିତ ଭିଜିଲାନ୍ସ ଟିମ ଦ୍ୱାରା ଧରା ପଡିଛି ।
ସେ ଯାଉଥିବା ଗାଡି ରୁ ପାଖାପାଖି ଦୁଇ ଲକ୍ଷ ଟଙ୍କା ଜବତ କରିଛି ଭିଜିଲାନ୍ସ । ପୂର୍ବରୁ ଭିଜିଲାନ୍ସ ପାଖରେ ସୂଚନା ପ୍ରକାରେ ବାଲିଗୁଡା ଜଗନ୍ନାଥ ମନ୍ଦିର ରୋଡ଼ ନିକଟରେରେ କୋଟଗଡ ଥାନା ଭାରପ୍ରାପ୍ତ ଅଧିକାରୀ ଧୀରଜ ଲେଙ୍କା ଯିବା ସମୟରେ ମିଳିତ ବ୍ରହ୍ମପୁର ଓ ଫୁଲବାଣୀ ଭିଜିଲାନ୍ସ ଟିମ ଚଢ଼ାଉ କରି ଗାଡି ରୁ ଟଙ୍କା ଜବତ କରିଛି । ଜବତ ଟଙ୍କା ସମ୍ପର୍କରେ କୋଟଗଡ ଥାନା ଅଧିକାରୀ କୌଣସି ସନ୍ତୋଷ ଜଣକ ଉତ୍ତର ଭିଜିଲାନ୍ସ ଟିମ କୁ ଦେଇ ପାରିନାହିଁ । ଦୀପାବଳି ଅମାବାସ୍ୟା ପାଳନ ପାଇଁ ନିଜ ଗାଁ କୁ ଯାଉଥିବା ସମୟରେ ପୂର୍ବ ସୂଚନା ମୁତାବକ ଭିଜିଲାନ୍ସ ଗାଡ଼ି ତନଖି ବେଳେ ଗାଡ଼ିରୁ ଲକ୍ଷାଧିକ ଟଙ୍କା ଜବତ କରିଛି । କୋଟଗଡ ଥାନା ଅଧିକାରୀ ଙ୍କ ଗାଡିରୁ ନଗଦ ଟଙ୍କା ଜବତ ସହିତ କୋଟଗଡ ଥାନା ଅଧିକାରୀ ଧୀରଜ ଲେଙ୍କା ଙ୍କୁ ଅଟକ ରଖିଥିବା କହିଛନ୍ତି ଫୁଲବାଣୀ ଭିଜିଲାନ୍ସ ଡିଏସପି ଅରୁଣ କୁମାର ନାୟକ ।
ଭିଜିଲାନ୍ସ ଟିମ ସୂଚନା ମୁତାବକ ନଗଦ ଏକ ଲକ୍ଷ ଅଶି ହଜାର ଟଙ୍କା ଥାନା ଅଧିକାରୀ ଙ୍କ ଗାଡି ରୁ ଜବତ ହୋଇଛି । ଫୁଲବାଣୀ ଭିଜିଲାନ୍ସ ଡିଏସପି ଅରୁଣ କୁମାର ନାୟକ ଙ୍କ ନେତୃତ୍ୱରେ ଏହି ଚଢ଼ାଉ କରିଥିଲା ମିଳିତ ଟିମ । ଭିଜିଲାନ୍ସ ଟିମ ଏକ ଅଜ୍ଞାତ ସ୍ଥାନରେ ଥାନା ଅଧିକାରୀ ଙ୍କୁ ପଚରା ଉଚରା କରୁଛି ।